یانە هەورامانی بشناسدیٛ پەروەندەو سەلەمنای جیهانی هەورامانی ڕوانەو یونسکۆی کریا

پەروەندەو سەلەمنای جیهانی هەورامانی ڕوانەو یونسکۆی کریا

148

پەروەندەو سەلەمنای جیهانی هەورامانی ڕوانەو یونسکۆی کریا

بە پاو هەواڵێوە کە جە پایگاو هەواڵی پاوەپرێسینە وەڵاو بیەنوە، واتەنش: ڕاوەبەرو (پایگاە منظر فەرهەنگی تاریخ هورامان) پایگاو دیمەنی فەرهەنگی و تاریخی هەورامانی هەواڵش دا کە وەرنویسو سەلەمنای هەورامانی ڕوانەو یونسکۆی کریان.

دریٛژەو قسەکاشنە” پویا تالب نیا”واتەنش  دماتەر بە تەمامبیەی هەرمانەو پەروەندەو سەلەمنای هەورامانی بە کوٙمەک و هامکاریو بەڵەڎانو پایگاو دیمەنی فەرهەنگی و تاریخی هەورامانی چەنی دەفتەرو سەلەمنای جیهانی وەزارەتو میراس فەرهەنگی، سەرو بنەڕەتو فوٙرمە ستانداردە جەهانیەکان، ئی پەروەندە تەمام مەکەریوٙنەو مەکیانیوٙ پەی یونسکۆی.(یانی جە ئیسەتیٛنە وەرنویسکە ڕوانەکریان).

هەرپاسە واتنەش کە هەشتا کارئەشناسیٛ جە ویارە جیاوازەکان هەرمانەشان کەردیٛنە سەرو ئی پەروەندەیە، پیٛسە(ویارو مەردم ئەشناسای، تاریخ و باستان ئەشناسای، زانستو سروشتو هەورامانی، تەلارسازی”معماری” سەنەدیٛ تاریخییٛ، هەوار نشینی و بڕێ تەر ویاریٛ کە پەنە وازیٛنیٛ.

سەلەمنای جیهانی هەورامانی هەنگامێوە زلەنە پەی گەشەو وەرپڕو وەڵاتی. بوٙنەو ئینەیوە هەورامان کەلک مەگیٛروٙنە جە کۆمەکو هامکاریەکانو یونسکۆی. یاگیٛو تەرۆ قسەکاشنە واتەنش ڕاوەبەرانو میراسو فەرهەنگی ئوستانەکیٛو سنەی و کرماشانی هامکاری و کوٙمەکی خاسشان کەردەن پی پەروەندەیە و بەردەشان وەرۆ،  شوٙنیەرە واتەنش کیاستەی وەرنویسو پەروەندەکەی هیچ متمانێوە نمەدوٙ پەنەما کە ماوەو دوە مانگی تەرینە گردو پەروەندەکەی بکیانمیٛنە، مەشوٙ چی ماوەنە کۆمەکو هامکاری و  پاڵپەشتی وەرپەرسە گەورەکانو وەڵاتی و ئوستانی دەسوزمیٛنە پەی تەمامنای ئی پەروەندەیە.

یاگێوە تەرۆ بە پایگاو ئیرنای تالب نیا واتەنش پەروەندەو سەلەمنای جیهانی هەورامانی تەمامیان تەنیا وردەهەرمانیٛو ڕیٛکوستەی پەروەندەو دەگایەکان مەنەن، ئوستانو سنەینە یەک شار”هەورامان” هەن، 76 دەگای هەنیٛ، تا ئیسە  13 دەگاییٛ سەبتی میلی کریاینیٛ و پەروەندەو 22 دەگایانی تەری ئینای حاڵو سەبتکەردەینە.

هەرپاسە واتەنش هەورامان زیاتەر جە 500  شوٙنەمای دیٛرینش چەنەن و  15 یاگیٛشان سەبتی میلی کریان.

وەروئانەی پەروەندەو هەورامان ئیناڕاوە و سەبت مەکریوٙنە، یاردیدەری میراسی فەرهەنگی و گیٛڵاویاری وەڵاتی هورست بە دروسکەردەی پایگایێوە فەرهەنگی بەنامیٛ(پایگاە منظر فرهنگی تاریخی هورامان)ی کە نمانەرش هەن جە شارو هەورامانی و پاڵنگانینەو یوٙتەر جە دەگاکانو ئوستانو سنەینە.

د. ناجح گوڵپی   18/10/19  ڕوٙ جمعەی

کەلکم چی سەرچەمان هوٙرگیٛرتەن:

 پاوە پرێس

ئیرنا، خبرگزاری جمهوری ئسلامی ئیران

https://www.irna.ir/news/83357248/%D9%85%D8%B7%D8%A7%D9%84%D8%B9%D8%A7%D8%AA-%D8%AB%D8%A8%D8%AA-%D8%AC%D9%87%D8%A7%D9%86%DB%8C-%D9%87%D9%88%D8%B1%D8%A7%D9%85%D8%A7%D9%86-%D8%AF%D8%B1-%DA%A9%D8%B1%D8%AF%D8%B3%D8%AA%D8%A7%D9%86-%D9%BE%D8%A7%DB%8C%D8%A7%D9%86-%DB%8C%D8%A7%D9%81%D8%AA

 hewraman
Load More In هەورامانی بشناسدیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن

 مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن نویسەر: مە…