یانە ئەدەب و هونەر ئەچی ڕوانە مەنعە کریانا جە هەر نەوع ویرەو کەردەی.

ئەچی ڕوانە مەنعە کریانا جە هەر نەوع ویرەو کەردەی.

83

ئەچی ڕوانە مەنعە کریانا جە هەر نەوع ویرەو کەردەی.
دوکتور پەنەم مەواچۆ: «مەشیۆم ئیسراحەت بدەی بە مەژگیت و بە هیچ چێویە ویر نەکەریوە. نە ویەردە و نە هیچوتەر.» واتم دوکتور: «عەجەب نوسخێوەت پەی پێچنانا، دەی خۆ ئینە تەنیا مەژگیم کاردە وەژێ مەکەرۆ و فرەتەر ئەزیەتم مەکەرۆ» .واتش: «جە ویر بەردەیوەی تەقاسش هەن و ئەگەر گەرەکتەن ڕاحەتت ببی، مەشیۆم پەیش خەرج بکەری.»
مەگەر مەکریۆ پاییز ئاما بۆ و ئەمن ویرم بشۆە، باخوو هەنارەکاتا، پاییز ئامابۆ، لچە سوورەکێت کە تاموو شیرەو هەناریشان پۆوە گێرتەبۆ، ترەکە کەوتێبۆ سەرشاوە و قەسەم نەوەروو شیرینتەر جە شیرەو هەنارەکاو بەهشتین.
پاییز ئامابۆ و ئەمن سەروو گەڵاکانە بلو،خشەو چیروو پایایم، ختلێ ڕۆحیم بدۆ و نەوزۆنمەوە ویرت، بوەو عەتروو پاییزی بەی تۆ هیچ وەخت نەی ویرمەنە؟ ڕەنگەو چەمەکات، خاڵ و مێڵیشان و کاڵی قژەکات.
ئەمن حەز نمەکەروو بوو کەڕێوە بوو سەرو دارە وشکێوە،شەوێ تا سۆحێو، سۆح تا نیمەشەو تەماشاو ئیلاو ئەولایم بکەرو. کێلوە بێ دەنگە سەرو قەبرێوە ببوو و بکریەو نام و نیشانێو پەی مەردەکان.
واتم: «دوکتور ئی نوسخە کە تۆ پێچنانت پەی ئەو من مەگەر هەر بەکاروو وێت بەینە.دوێ قورسێو شەرەبەتێوەش بنویسەنە بەشکەم…»

سەعدۆڵڵا_خوونخام (شەهریار)

 hewraman
  • باروٙڵ و میٛمانەکەش

    باروٙڵ و میٛمانەکەش  شەوێوه‌ باڕۆڵ مێمانش بێ و سەرقاڵوو قسەکەردەی چەنی مێمانەکەیش بێ،…
  • یانەو فەتەی میٛمانیٛشا هەنیٛ

    یانەو فەتەی میٛمانیٛشا هەنیٛ ئەژنیەنش و نەمسانش. حەتتا مەکیچشا ئاردٚیٛبیٛنیٛ چەنی ویٛشا! ن…
  • ڕازەو مروٙچەی و مەشوولەی

    ڕازەو مروٙچەی و مەشوولەی زمسان بێ ، هەرد و درەخت جلێ چەرمێش کەردێ بێنێ وەر، مەشولێچ یانە و…
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن

 مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن نویسەر: مە…