یانە زانای کەلکو فاسولیای چیٛشەن؟

کەلکو فاسولیای چیٛشەن؟

123

کەلکو فاسولیای چیٛشەن؟

فاسولیای چەرمە بڕێوە خاس توخمیٛ و پڕوٙتین و ڕیشاڵیٛش چەنەنیٛ، هەرپاسە ڕادەو کاربۆهیدراتیش فرەنیەن، ئینا دلیٛڕاسەنە و کولیسترۆڵ یام چەربیش نیەن. وەرو ئانەی فرە گونجیان پەی واردەی ئا کەسانیە کە پاریٛزشان هەنەن پەی نەوەشی دڵی و قەنڎی.

100 گرەمیٛ فاسولیا، 67 کالوٙری وزەش چەنەن، چەنی 13 گرەمیٛ کاربوٙهیدراتی و 6 گرەمیٛ پڕوٙتین. هەرپاسە 100 گرەمیٛ فاسولیا چواریەکو ئەوەجەو لاشەی جە مەگنیسیومی، وە %8 پوستاسیومی بەخشوٙنە، وەروئینە بە هامیارو ماساوڵەکانو دڵی مەنریوٙرە، چون دڵ فرە پەنەوازەی پی دوەمادەیە پەی هەرمانکەردەیش.

فاسولیا یوٙن جە واردەکان کە ڕیشاڵیٛش فرێنیٛ(الیاف)، هەر 100 گرەمیٛ فاسولیا 11 گرەمیٛ ڕیشاڵیٛش چەنەنیٛ ، نزیکەوە یەرەبەشو ئەوەجەو لاشەی پەڕمەکەروٙنوە. ڕیشاڵیٛ پاسەمەکەرانیٛ کە هەست بە ئاورای نەکەرینە، هەرپاسە هوٙرلوشتەی کوٙلیسترۆڵی و قەنڎی کەم مەکەرانیٛوە دلیٛو ڕیٛڵەخوٙینە پەی دلیٛو ونیٛ.

چەنی ئانەیچ بڕێ خاس جە ڤیتامینیش چەنەن، هەر 100 گرەمیٛ فاسولیا %31 ئەوەجەو لاشەی پەڕمەکروٙنوە جە ڤتامین”سیC “، وە %15 جە ڤیتامین”ب9 ”  وە %10 ڤتامین”ب 6″، وە %10 توخمو ئاسنی”Fe”، وە بڕیٛوە خاس جە فسفوٙڕی” P”.

وەرو ئانەی موٙچیاری ژەنیٛ لەمپەڕیٛ مەکەروٙنە پەی واردەی فاسولیای. شوٙنیەرە فاسولیا واردەی هەستت پەنە کەروٙ کە تیٛر بیەنی و شەهیەت کەم مەکروٙنوە، چون ڕیشاڵیٛش چەنەنیٛ، پەوکای خاسەن پەی ئانەی کیٛش و قورسی و قەڵەویت کەم بکەروٙنوە، نمازونە قەنڎ و فشارو ونیٛ زیاڎ بکەروٙنە. سا فەرماودیٛ فاسولیا نوٙش بکەردیٛنە.

 جە ئینتەرنێتوە..    د. ناجح گوڵپی 25/9/2019 پەنجەم ڕوٙ پایزی.

 hewraman
Load More In زانای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

وەڵاوگاو ئاروٙی ئەرەنیشتەیو ئەشناسنای کتیٛبو ناسک خەیالانی بەروٙڕاوە

وەڵاوگاو ئاروٙی ئەرەنیشتەیو ئەشناسنای کتیٛبو ناسک خەیالانی بەروٙڕاوە ئاروٙ پەنجشەمە 21/ئاز…