یانە زانای  ڕوێنە ئەوەجەما بە چنڎە ڤتامین”د D3,” ن؟

 ڕوێنە ئەوەجەما بە چنڎە ڤتامین”د D3,” ن؟

56

 ڕوێنە ئەوەجەما بە چنڎە ڤتامین”د D3,” ن؟

ڤتامین D یون چا مادە گرنگا کە لاشەو ئانزانی ئەوەجەش پەنەشەن پەی دریٛژەدای بە زینندە چالاکیەکاش، وەلێم ڕیٛژێوە فرەو ئانزانەکان سەرانسەرو جەهانینە توشو کەمی ڤیتامین دی بییٛنیٛ، ئی کەمی ڤیتامینیە بیەن بە هەڕەشیٛ و تەرسی سەرو تەندروستی لاشەیشاوە، ئەگەر زوو فریایش نەگنانە بوٙنە بایسو جوٙرها نەوەشی.

لاشەو ئینسانی خەزیٛنێوە گەورەو ڤتامین دین، بە هوٙکارو تیشکەو ڕوٙجیاریوە چەربی و وەزو چیٛرو پوٙسیما مەفاڕیوٙن پەی ڤیتامین دی، وەلێم بڕێ یاگیٛ سەرزەمینینە تیشکەو ڕوٙجیاری کەمەنە یام وەرتاوشان نمەگنوٙ، وەرو ئانەی کەمی ڤتامین D دلیٛو لاشەیشانەو دلیٛو ونیٛشانە ڕووە مەڎوٙنە. هەرپاسە جە وەڵاوتو ویٛچمانە جە هەورامان بە هەمان دەسور فرەو خەڵکی توشو کەمی ڤتامین دی بیەن، چونە هەمیشە ویٛما پوٙژنانرە و نمازمیٛ وەرتاو بە جوانی بڎوٙ ئەو پوٙسیمان. ئتر وەزو چیٛرو پوٙسیمان نمەفاڕیوٙ پەی ڤیتامین دی. ناچاریٛ بیمیٛ جە ڕاو حب و دەرمانیوە قەرەبوش بکەرمیٛوە.

ڤیتامین دی چیٛرو پوٙسینە بە نونگەو تیشکەوە وەرتاوی، بەتایبە تیشکەو سەرو وەنەوشەیی،  چەربی چیٛرو پوٙسی یانی مادەی خامو ڤتامین دی” دای هایدرۆکسی کوٙلیستروڵ 7″ مەفاڕیوٙن پەی ڤتامین دی D3ئازادیPre vitamin D  دماجار مەفاڕیوٙن پەی ڤتامین دی  D3 و لاشە کەلکش چەنە مەگیٛروٙن.

ڤیتامین دیD3 دلیٛو ئا واردانە هەن کە سەرچەمەشان ئاژەڵین. ڕیٛک پیٛسەنە ئا ڤتامین دیە D3 هەکە دلیٛو لاشەیمانە و چیٛرو پوٙسینە دەسمان مەگنوٙن. ڤتامین د D2دلیٛو بڕێو واردە گیواویەکایچنە هەن، چەنی ئانەیچ دلیٛو و زەردەنیەو هیٛڵەی و یەهەری و ماساویٛنە هەن بەشیٛوەوD2 . دماتەر لاشە مەفاڕوٙنەش پەی ڤتامینD3 .

ڤتامین دی مادێوەی پەنەوازەن پەی تەندروستی پیٛشەی و کوٙئەندام و وەرگەگیٛرتەی”مەناعە”. مەزەنڎە کریوٙ ڕوانە لاشە ئەوەجەش بە( 400- 800) یەکەی دلیٛدەوڵەتی هەن.(یەک یەکەی دلیٛدەوڵەتی[1]= 0.025 میکروگرام) . جا ئی بڕە جە ڤتامین دی فرەو کەسی جە ڕاو واردەی و  وەرتاویەوە دەسش نمەگنوٙنە.

پاسەبوٙ مەشوٙ خەلکی گەنج، جوان، ئەگەر ڤتامینD3 کەم بوٙنە، مەتاووٙنە جە ڕاو  حب و دەرمانیوە کەمیەکەیش قەرەبو بکەروٙوە، هەر پاسە جە خەلکی گەورەنە پی جوٙرە کریوٙ چارەسەرو کەمی ڤتامین دی بکەروٙنە، وەلێم تازەیی بڕێ وشکناییٛ پزیشکییٛ واتەنشان کە ئانزانی بەتەمەن و پیر کەلک نمەگیٛروٙن جە چارەسەری بە دەرمان و حب.

جە ئینترنێتۆ: د. ناجح گوڵپی 11/9/2019

[1] یەکەی دلیٛ دەولەتی: وحدە دولیەINTERNATIONAL UNIT

 hewraman
Load More In زانای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

شیٛعرێوەو بیٛسارانی کە هوٙرگیٛڵیێنە پەی ئینگلیزی

شعرېۉەو مامؤسا بېسارانی کە وەختو وېش مەکەنزی کەردېنە بە ئینگلیزی و جە ( کەشکۆڵە شېعرێکی کو…