جۆرج

105

جۆرج
سیو پەنج ساڵیٛ چیٛوەڵتەر چەنی بازیو دوکتر و پزشکیاری، چاڎەریٛما هوردبیٛیٛنیٛ ، جە لادەگاو عیراقیەنە .
چا کومەک کەریٛنمیٛ بە خەڵکی ئاوارەو جەنگی. کابرێوە بیٛ نامیٛش ماموٙ  ڕەحمان بیٛ، پیشمەرگە بیٛ. ماموٙ ڕەحمان، هەر وەخت ئحتیاجش بیە پەنەم یا دەرمانوٙ چیویش گەرەک بیە، ئی پەی لایم، دەسماڵیٛوەنە، کوچیٛو هەنگور و هەنجیر، دلی مڵکو خەڵکیەنە کەندیٛبیٛش ئاریٛ   پەیم.
ماموٙ رەحمان ،جاریۉشا لوابی جەنگ ، گروٙڵیەوە ماڵابیٛش سەرەشەرە، گروٙڵیەکی هەر سەرەشەنە مەنیٛ بیٛ. دوکتریٛ واچیٛنیٛ: مەبوٙ بەرش بارمێ خەتەرا، فوٙتیو.
ماموٙ  رەحمان پانە پەی ویٛش خولییٛوە وەشیچ بیەبێ.
ڕوٙیوشا ئاما پەی لایما، نزیکو من بیەو، واق واقێو دیێم پوٙرە. پەرساش جە من ماچوٙ: ئەری توٙ نامیٛت چیشا؟
منیچ ئجیام لاقرتییٛ کەروٙ، دیانیش پورە، ۉاتم: با نەهورزو ئاڵایەو شەقات پەی بنیەو.
دوکتورەکە لامەنە بیٛ، ماچوٙ: چی ئاڵایەو شەقاش پەی منیەی؟ مەگەر مەزانی چا وەختۆ گروڵیەکیٛ ماڵانش سەرەشەرە، هەرچی چیۉ بیەن دلیٛ حافزەیشەنە پاک بیەنۆ.
ۉاتم راسیتا ؟ ماچوٙ: وەڵا.
هورساوە واتم گوشیت بارە نزیکۆ. ئاما ۉەروۆ بە دەنگی بەرز چڕیم گوششەرە، ۉاتم توٙ نامیٛت جورجا ، جورج، ماچوٙ خاس.
پانە خولییٛۉە و تکراریش کەریٛوە، جورج جورج، خۆڵکیچ چڕیٛنیٛش وەنە جورج جواب دیٛوە.
چا ڕویوە جورج بڕیا ملشەرە.
ڕوێوشا کابرێو من ئەژناسیٛ ئاما پەی لایم، ماچوٙ ویت شارۆ ، ۉاتم چی ؟
ماچوٙ: تڕ وٙ تایفەوٙ یانەو ماموٙ رەحمانی ئامێنیٛ پەی لا ماموٙ رەحمانی، هەرچی چڕیەنشا رەحمان، رەحمان ، کوڕە شیرینەکەم، کاکە رەحمان، ماچوٙ: هەر تەقەو گوشاش ئامان، هیچ جوابو کەسیش نەڎانوە ، ۉاتەبیٛشا ئەی تەکلیف، هەڕەوکوٙگەی کەرمیٛ سەرەمارە، خوٙ جوابو زاڕوٙڵەکایچیش نمەڎوٙوە.
خەڵکی ۉاتە بیٛ مشوٙم، چڕدیٛش وەنە جورج ئنڎا جواب نمەدوۋە. پەرسابیٛشا ئی نامیٛ چکوٙۉە ئامێنە؟
ۉاتەبیشا: فڵانەکەسیٛ نامیٛ نیان، ئیسە توڕینیٛ چەنەت. ۉاتم : ۉاچەشا پەنە، دوعاش کەرا گروٙڵیەوەتەرش گنوٙ، ویڵەیچ بوٙ قەیڎ مەکەروٙ ، هەم نامیش کەرمیٛوە ماموٙ رەحمان.
منیچ گرد شەۉا تا ساحبی پەنجا وەرمیٛ وینو، پیٛسەنیٛ فیلمە سیاو چەرمەکا جەنگو دەورانو ویتنامی و، جەنگی دوەمی جهانی، گردیچ، نەوارو فیلمو، لەحزێ گولی و تاڵی، سەرئامایە  زەندەگی واقعی ویٛمەنیٛ ، شەوینە هەم مدوٙشاوە وەنە.
ئاروٙ وەرو ویمەرە ویری کەریٛنیٛوە ، مدیەو من دۉی عەمریم کەردینی، یوشا ئانەنە جە ساحبی تا شەوی دەرگیرو موشکڵاتا  زەندەگیمەنا، ئا وەختە شەوە گردکەس وەتەن، من پاکنویسشا کەرووە.
واتم شەڵای منیچ پیسە ماموٙ رحمانی گروٙڵیەوە ویٛڵە ماڵێش توٙقەو سەرەیمەرە، پیسە فوٙ کەری ئەو چراۉی، کوشیەنێ ، هەرچی چیۉ ئینا چا کەللیٛمەنە ویرم شیێوە با شەۉیۉە وەرمیۉیٛ رەحەتم کەرڎێ.

حەمید بازمونە (قادر) نەوسودە 9/9/19

  • پیران و ژیران

    پیران و ژیران پیر، لاو گوٙران زوانەکانوە، مەفهومێوە مانادار و ئەرزشمەند بییەن و هەن. پیر ج…
  • هەملقوانی

    هەملقوانی هەملقوانی: ڕازێوە وەشەی هەورامیە، نویستەی و ئەوەوانای گونا ڕاپەیما، فەرماودیٛ گو…
  • ئارسن

    ئارسن  کابرێوە مەسیحی بوٙ کەشاروو ڕەشتینە جە ئەۮای بوٙ ، دەورەو ئەوەڵوو دەرزوەنای هەر…
  • پیران و ژیران

    پیران و ژیران پیر، لاو گوٙران زوانەکانوە، مەفهومێوە مانادار و ئەرزشمەند بییەن و هەن. پیر ج…
  • هەملقوانی

    هەملقوانی هەملقوانی: ڕازێوە وەشەی هەورامیە، نویستەی و ئەوەوانای گونا ڕاپەیما، فەرماودیٛ گو…
  • ئارسن

    ئارسن  کابرێوە مەسیحی بوٙ کەشاروو ڕەشتینە جە ئەۮای بوٙ ، دەورەو ئەوەڵوو دەرزوەنای هەر…
 hewraman
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیران و ژیران

پیران و ژیران پیر، لاو گوٙران زوانەکانوە، مەفهومێوە مانادار و ئەرزشمەند بییەن و هەن. پیر ج…