یانە گردین لاچەمێو پەی ژیوایو کەسایەتی مامۆسا عەبدولخالقی زاوەری و چنڎ سەرەنجێ

لاچەمێو پەی ژیوایو کەسایەتی مامۆسا عەبدولخالقی زاوەری و چنڎ سەرەنجێ

18

لاچەمێو پەی ژیوایو کەسایەتی مامۆسا عەبدولخالقی زاوەری و چنڎ سەرەنجێ

هومایون موحەممەدنژاد

مامۆساعەبدولخالق جە ئەد٘ابیەو ساڵەو ۱۳۲٤کۆچی ڕۆجیاری، جە دەگاو زاوەروو هەورامانی

مامۆسا دەورانوو زاڕۆڵەیی و دەرسوو سەرەتاییش جە زاوەرەنە بیەن، بۆنەو ئانەیە حەز کەرێ جە حوجرەکانە دەرسی دینی بوانۆ ڕوەش کەردە حوجرەو مامۆسایی.

▪️هەر جە زاڕۆڵەیی و و زەمانوو فەقیەتی، جە نەجابەت و وەش ئەخلاقی و ژیری نامدار بیەن، ئەر گەرەکما بۆ جە ژیری، پایەبەرزی، زانایی و وەش ئەخلاقی مامۆسای قسە و باس کەرمێ مشیۆ چەنی خەڵکوو زاوەر، دوڕوٙ،شوٙشمێ، نەوسوود٘ە، داریان، دەرەوکێ و مەریوان … قسەوباس کەرمێ و پەی سەلەمنای کەسایەتی دینی و شەخسیەتی عێرفانی مامۆسای، مێحراب و تەوەن نمایاو هانەکاو هەورامان و مەریوان،پاوە، سنە و سەڵواواو شاهێد٘ی لاڵیایەو مامۆسای چەنی دۆسی و خود٘ای تاقانەی بیەن.
ئەخلاقی نەرم ونیانش نموونەو گەورەیی و ئەد٘ەب ونەجابەتوو مامۆسای بیەن کە پەی فرەوخەڵکی ئەژناسیان.
بە داخیوی فرە و فەراوان گەورە و زانایەکاما، دماو مەرگیشا، خاس لاونمێشاوە و واتەنی “مەردەپەرەسی جە گرد یاگێوەنە بیەن باو” کە جە وینگاو ئێمە ،”نووشداروو دماو مەرگوو سوهرابی ” ویەردیوی درێژ و ڕێخەدارش هەن.

▪️ئەڵبەت جە باری ئەخلاقیەو هەرکەس جە هەر وەختێوەنە چڵاکیۆرە،یاگێ وەشحاڵینە، کەسایەتیێ دینی ئێمە جە فەقیێ حوجرەی و مامۆساومزگی و جەماعەتوو ئێمە، ئەخلاق وەشی و وەش ڕەفتاری پیاگەورەکاما پێسەو مامۆساعەبدولخالقی، وەروو چەماشاوە بۆ و پەی پارێزنای ئەخلاق و نەفس و ڕەفتاری پاک، فرەتەر هەوڵ و تەقالا بد٘ا .

▪️پەی فرەتەر ئەژناسای مامۆسای مشیۆ ئاوەز، حێکمەت،ئەندیشە، ویر و شەخسیەتوو ئاد٘ی بژناسمێ و هەتا بتاومێ فرەتەر سەروو کەسایەتی و شەخسیەتیشەو نەزەرە دەیمێ.

▪️مەسلەک، ئەخلاق و عێرفانوو مامۆسای جە هانەو تەریقەتوو نەقشبەندی تایبەت جە مەکتەبوو دەرس و ئەخڵاقوو مەرحووموو شێخ عوسمانی، سەرچەمە گێرۆ، ژیوای دینی مامۆسای جە ۱٦ساڵێ جە دەگاو دوڕوی ویەران و ٨ساڵێ جە خزمەتوو شێخێ، عێلم و فەقیەتیش تەمامنان و دماتەریچ نزیکوو ٨ساڵێ پێسەو ئێماموو جەماعەتوو دوڕوی کە پێسەو یاگێ تایبەتوو تەریقەتوو مەشایێخوو نەقشبەندی دماو تەوێڵێ و بیارێ ،ئەژناسیان، بە خەڵکوو دەگاو و فەقیەکاو حوجرەو دوڕوی خزمەتش کەردەن، ئەخلاقی سووفیانەو مامۆسای، سەیر وسلووکی عارێفانە و دەروێشانەش جە ئەژناسنای ئاد٘ی تایبەت جە حەڵقەو تەکیە و خانەقاو نەقشبەندیەکا، کارێگەری فرەتەرش بیەن، خەڵکوو مەحاڵوو هەورامانی تایبەت جە دوڕو، داریان و شۆشمێ و فرەو یاگەکا، بۆنەو و ئی نەرم ونیانی، ئەخلاق مەداری مامۆسای، تەمجید و باسش کەرا، کە نموونەش جە واتە بە نرخەکاو کاکەوەلی فەتاحی شۆشمەی کە زەمانێو مامۆسا جە شۆشمێنە خزمەتی دینیش کەردەن ،فرەتەر پەیما بەرگنۆ.

▪️جە مەراسێموو ئەسپەردەکەردەی و تەشییع جەنازە و پەرسەیشەنە، کە جە هەورامان و مەنتەقەنە کەم وێنە بێ، ئانەش یاونا کە مامۆسا کەسیوی بلیمەت و نامدار و پلەبەرز بێ، کە بە داخەو جە وەختوو زیند٘ەیشەنە، قەد٘رما نەزانا، هەرچن کە ئانەشە دیاری دا کە کەسێو چەنی خەڵکی ڕێک و پێک و پیایانە هۆرز و نیشت کەرۆ ،قەد٘ر و حورمەت گێریەو .

▪️ئێمەیچ پێسەو یۆ جە قەوم و نزیکاو مامۆسای پەی گلێرەوبیەی و تەشریف ئاردەو زانایا، عالێما، مامۆسایا و خەڵکوو هەورامان و کوردەسان و کرماشانی و دەوروبەری، فرە شانازیما کەرد و هەنگام و لاقۆرەکاشا پێسەو سورمەی نیاما سەروو چەماما، هەرچن ئێمە پێسەو مامۆزاو قەومی نزیک نەتاوما فرە جە خزمەتشەنە، دەرسوو فام و ئەخلاقی فێرێ بێمێ، جە خود٘ای گەورەی ئاواتەوازنا دەرەجە و پلەوپایەش بەرز و بەرزتەر کەرۆوە

هومایون موحەممەدنژاد
٥خەرمانانوو۱۳۹٨ی

 hewraman
  • نەقڵێوو(ئەمنیە)ی

    نەقڵێوو(ئەمنیە)ی وەختێو ڕەزاشا مەنتەقەو لهۆنی گێرۆوە بەگەکێ هەکە حاکمێ لهۆنی بیێنێ.تانا گێ…
  • ئارسن

    ئارسن  کابرێوە مەسیحی بوٙ کەشاروو ڕەشتینە جە ئەۮای بوٙ ، دەورەو ئەوەڵوو دەرزوەنای هەر…
  • مەشورەت و پەرس و ڕا جە هەورامانەنە

    مەشورەت و پەرس و ڕا جە هەورامانەنە مەشوەرەت خاسەن سەلاح بیٛ گەڕەن شاپەڕ قووەتش بە خوٙردەی …
Load More In گردین

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن

 مێللەتو گوٙرانی ئەوەجەش بە دیالۆگێوی سەراسەری دوور جە غەرەز و غەرەزکاریەن نویسەر: مە…