یانە پەیلوای هەورامان هەسارەش ئینا کزینە و مشیۆم هاگاد٘ارێ بیمێ!!

هەورامان هەسارەش ئینا کزینە و مشیۆم هاگاد٘ارێ بیمێ!!

94

هەورامان هەسارەش ئینا کزینە و مشیۆم هاگاد٘ارێ بیمێ!!

جە ئاسمانی پان و وەروەڵاوو میدیاو (ڕەسانەو) دنیاو ئارۆینە و بە تایبە میدیای کورد٘ینە، هەورامان تەنیا هەسارێوە نیمە گیانش بێ کە حەفتێ جارێ، ئاد٘یچ ناوەخت ترووسکێ کەرێ و برووکیێوە و جار جاریچ چێروو سێبەرەو مەسەلە سیاسیانە پەی ماوێ دوور و درێژی چا ترووسکەیچە گنێ!

هەورامیەکێ پینەی دڵوەشێ بێنێ و تا ئەند٘ازێ بیەبێ یاگە همێد٘شا و بەرنامە پاکەتیەکاشا چاگە وینێنێوە!!

ئی هەسارە نیمە گیانە بە ئەوەکریای مێدیا (تی وی) و بە نامێ “هانە ڕەنگینە”ی وێش ئەرمانا و بی یاگێ دڵوەشی هەورامی زوانەکا.

جا بۆنەو ئا گیر و گرفتە سیاسیاوە کە ئارێنێشا ڕاو ئی کاناڵێ – مێد تی وی هەتا یاوۆ ئێسترەک – هانە ڕەنگینەیچ وارگە بە وارگە فاڕیا و سەرەش یاوا لا “ڕۆجیار”ی!

هەڵبەت یاگێ دەس وەشی گەرمی هەنە پەی ئی بەشە جە دەسەڵاتی کورد٘ی کە فکرش لا گرد٘وو چین و نەتەبەکاوە بی؛ چوون تا ئا وەختە هەورامی زوانەکێ هەزینەی چامنەشا نەکەرد٘ەبێ پەی ئی بەشە جە دەسەڵاتی کورد٘ی، بەڵام ئامیانە ویری “ئاپۆیی” کە چەترێ ڕەنگا و ڕەنگە و گوڵ گوڵینە ئەرمانێ و تاوێنی باوڕێ قووڵی دێموکراسی (باوڕ بە فرە ڕەنگی فرە زوانی، فرە نەتەبەیی و …) پەشتیشەنە ئەرەویای کەری، ئی دەرەتانیچشە پەی هەورامی زوانە وەش کەرد٘ەبێ.

هەرچند٘ هەورامی زوانەکێ دڵوەشێ بێنێ شۆنەو ئاخێزوو ۱۹۹۱ یرە (ڕاپەڕین) و بە دەسەڵات یاوای حکوومەتوو هەرێمیرە، بەروو مەینەت و زەحمەتەکاشا چاگە بە چەم ویناوە؛ بەڵام چا گرد٘ کاناڵە هیچ و پووچانە کە ویس و چوار سەعاتە سیر تا پیازی کەراوە سەر و ساحبێ تا وێرەگا کلیپێ “قنگ سووڕدەرێ” بە قەتار مەیا و ملا و کام سریاڵەی کۆنێ جە دنیانە هەنە و کریۆوە سەر، درێغ جە بەرنامێوە ڕێک و پێکی هەورامی!!

هەرچند٘ بڕێ جە کاناڵەکا وەروو مەرام و سیاسەتی حێزبیشا و پەی ئانەی پاڵپەشتی هەورامیەکاشا دەسەنە نەشۆ، گزی و باڵەکڕێوەشا هەن!!

پەی ئەرک و زەحمەتوو هەورامیەکا مشۆم جە مەڕ و بن مەڕوو هەورامانی، جە کەش و کۆیش، جە دەگا وێران بیەکاش، جە نانی گەرمی ساجیش، جە قاولەمە یاپراخاو دلێ مەڕاش، جە ونەو جوانە چەم نەتەرس و قارەمانەکاش، جە حەمەلە گوڵپی و خەنجەرەکێش کە چەنی تەپش کوا سەروو دەبابەو دژمەنی، جە هانە چەما و باخ و باخاتیش، جە … جە … جە … پەرسی تا بزانی ڕاو کورد٘ایەتینە هەورامان چ باجێ بێ سەمەر و بێ دەسەوامش دان؟!!

ئەگەر بەیمێ داخەو دڵیما بنویسمێ، گێرە بە چند٘ دەفتەرێ دماینەشا نەیۆ!!

داخەی بە جەرگەم!! چی ماوەنە لا دڵسۆزا و خەمەوەراو هەورامانیوە هاگادارێ بیەیمێ که بە فاڕیای وەرپەرسوو کاناڵەو ئێسترەک (تی وی) کە بەرنامەو ڕۆجیاری وەڵا کەرێوە و ئاد٘یچ جە وەختێ فرە گولەنە و دووبارەکەیچش چاد٘ی گولتەر بێ، وەرپەسوو ئی کاناڵێ دیوارێ کوڵتەر چی بەرنامەیشە شکە نەبەرد٘ەن و خەریکا بەرنامەکەی وزۆرە و قەپات کەرۆ!

ئێمە پێسە هەورامی زوانا، ئەوەڵای ئەوەڵ دەس وەشیشا چەنە کەرمێ کە ئی چند٘ ساڵە دڵ وەشێشا کەرد٘یمێ، سووکە همێد٘شا وست دڵما و ئەرکوو ئی بەرنامەیشا کێشت، بەڵام داواکاریما چی ئازیزا ئانەن نەک هەر ئی بەرنامەیە نەوزارە، بەڵکوو هەم حەفتەنە کەراش چند٘ جار، هەم وەختێ وەشەنە کە خەڵک تاوۆ تەماشەش کەرۆ، وەڵاش کەراوە؛ چوون هەورامان و فەرهەنگی هەورامی به گرد٘وو لەق و پۆپەکاشۆ (زوان، ئاین، دەسکار، هونەر، گۆرانیێ، مێعماری و …) ڕێخە و بنەڕەتا و ئەگەر مللەتوو کورد٘ی شۆنەو کێبیەی و هەویەتوو وێشەرە گێڵۆ، مشیۆم و ناچار سەرە وزۆرە و بەیۆوە هەورامان گێڵۆ شۆنیشەرە؛ چوون هەورامان بە درێژایی تارێخی بێشکێ مەدەنیەتی و شارستانیەتی بیێنە.

لازما و مشیۆم دەسەڵاتی کورد٘ی دووربینی سیاسی چەمێشەنە لا بەرۆ و پێسە ئەرکوو سەروو شانەیش خزمەتوو هەورامانی کەرۆ؛ ئەگەر پاسە نەکەرۆ پەشتی بە گوڵە پوینەیۆ بینۆ، نەک درەختێوە ڕێخەد٘اری هێقمی!!

بێ شک پەشت بینای بە گوڵە پوینەی(پل و پووش)، ئاخرش خەیر نیا و پەشت مەڕیایش ئینا شۆنیوە!

هەورامان سەی سەرەو ڕێخە تارێخیەکاش و بوومانەو جوانەکاشەوە دایم ئاوەد٘ان مەنۆوە!

سوبحان ئەمینی
۷؍٦؍۱۳۹۸ ک.ڕ

  • پیران و ژیران

    پیران و ژیران پیر، لاو گوٙران زوانەکانوە، مەفهومێوە مانادار و ئەرزشمەند بییەن و هەن. پیر ج…
  • هەملقوانی

    هەملقوانی هەملقوانی: ڕازێوە وەشەی هەورامیە، نویستەی و ئەوەوانای گونا ڕاپەیما، فەرماودیٛ گو…
  • ئارسن

    ئارسن  کابرێوە مەسیحی بوٙ کەشاروو ڕەشتینە جە ئەۮای بوٙ ، دەورەو ئەوەڵوو دەرزوەنای هەر…
  • پیران و ژیران

    پیران و ژیران پیر، لاو گوٙران زوانەکانوە، مەفهومێوە مانادار و ئەرزشمەند بییەن و هەن. پیر ج…
  • هەملقوانی

    هەملقوانی هەملقوانی: ڕازێوە وەشەی هەورامیە، نویستەی و ئەوەوانای گونا ڕاپەیما، فەرماودیٛ گو…
  • ئارسن

    ئارسن  کابرێوە مەسیحی بوٙ کەشاروو ڕەشتینە جە ئەۮای بوٙ ، دەورەو ئەوەڵوو دەرزوەنای هەر…
 hewraman
  • ئەجوٙ تەڵاقشا گنوٙ!

    ئەجوٙ تەڵاقشا مەگنوٙ: بابەتێوە شەوقی شەیدان سەرو پرۆفایلو ئا گردە هەورامیانە کە فەیسبوکنە …
  • ئەلفابێتی هەورامی

    بابەتێوە ئاکوٙ مارانی،بەنامیٛ(ئەلفابێتی هەورامی)، پەیلوای ویٛش وستەن ڕووە سەرو ئەلفو بیٛ ه…
  • جە«ناهید» تا «ماریا» هەورامی

    جە«ناهید» تا «ماریا» هەورامی ئەر تەمەت بڕوو سەدٚ لەعنەت وەنەم کۆشتەی زیاتەر چێش کەرا پەنەم…
Load More In پەیلوای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیران و ژیران

پیران و ژیران پیر، لاو گوٙران زوانەکانوە، مەفهومێوە مانادار و ئەرزشمەند بییەن و هەن. پیر ج…