یانە زانای ڕوەنی ویٛمانە

ڕوەنی ویٛمانە

180

ڕوەنی ویٛمانە
بە کوڵی و پوختی باسو وەشکەردەیو ڕوەنی ویٛمانەی کەرو، ھەڵبەت ڕوەنی ویٛمانە یانی ڕوەنو ئاژەڵی، جە کەریٛ دروسش کەرا، دماو ئانەی ئاژەلەکەی ( مەی ،بزە،گاوە) دوٙشی شوٙتەکەی زەریف پەرزنی بە پەرزەوان، ئتر دلیٛ قابلەمێوە خاسینە وزیش سەرو ئایری ھەتا گەرم بوٙ، ھەر شوٙتێ گەرەکمابوٙ کەریٛش چەنە گیٛرمیٛ مەشوٙ کەم گەرمش کەری، ئەوپەڕەکەش ھەتا 40 پلیٛ سەدی، چونکاتەی پەی واردەی بەکارش نمارمیٛ، دماو ئانەی گرسا کەراش ھەڵیزەو ژەناش، شوٙنەو ئانەیرە کەرەکیش گیٛرا، ماسو دوٙ و ئی جوٙرە گرینایە خەتەرو فارایەو نەوەشیش ھەن، چونکاتەی ھیچ میکروٙبیٛ جا پلەو گەرمینە نمەکوشیو بەزینڎەیی مەنۊوە.
وەلیٛم شۊتێ ھەکە کەراش بە ماس پەی واردەی مەشوٙ فرەتەر گرینیش ھەتا پلەو پاستیوریزەی، یانی جە 60 پلا زیاتەر، چی پلەنە گرد میکروٙبیٛ وەرگە مەگیٛروٙ و مروٙ.
ڕوەن کەردەی وەھارەنە بۊ چون ئاوەختە لەوەڕ فرەن و ئاژەڵ شوٙتش فرەن، کەراش ماسو دۊ و کەشکو ڕوەن، کەرەکیٛ کەری دلی قابلەمیٛوە گەورەی منیەش سەرو ئایریوە تا زەریف تاویوٙوە، چی وەختەنە بڕێو کەفو دۊ گنوٙوە سەر، مەشوٙ لاش بەری، ئتر کەرەکیٛ پاکە بوٙوە جوان تاویوٙوە بوٙ بەڕوەن، دماتەر سەرو ئایرەکەیەو گیٛریشەرە ھەتا سەردە بوٙوە، ڕوەنێوی زەریفی چەرمەما دەس گنوٙ، ئیٛ روەنە پەی واردەی مشیو، متاوی کەریش دلیٛو خیگەی و هورشگیٛری پەی پایزو زمسانی، پەی تامو چاشتیٛ، یانی چاشتیش پەنە کەری، متاوی بڕێوەش کەری خیگیٛوە تەرو دوٙشاو و تفاش تیٛکەڵ کەری، ھەروەخت ئەوەجەت گنوٙ وەنە جیای ژەمەنیٛ نان واردەی دوٙشاو روەن موەری، یام متاوی ڕوەنە چەرمەکەی چەنی ھەنگوینی تیٛکەڵ کەری و ھەنگوینو ڕوەن وەری نانەوە.
جاران ڕوەن دلیٛ خیگەیەنە ھوٙرگیریان، وەلیٛم ئیسا جوٙرەھا سەتڵ و دەبەو چیٛوی تەری باغە و پلاستیک پەیدا بیەن کەریشەنە، وەلیٛم ئیسا ئاشکرا بیەن کە مەوادی پلاستیکی زەرەرش ھەن پەی دروسی بەدەنی، وەختەکاریٛنە خیگە ھیچ زەرەریٛ مەدوٙ جەسەو بەشەری چون ھیچ مەوادیٛ کیمیایش چەنی بەکار نامان وەختو وەشکەردەینە.
ڕوەنی ویٛمانە تامو لەزەتیٛ وەشش ھەن بەتایبە وەختیٛنە ئاژەڵ گیواوی وەشبوٙ بوەروٙ، ھەرپاسە جاران پەی تامو بوٙ وەش کەردەی ڕوەنی ویٛمانەی “ولیٛ زەردەی وردە ھەنە کویسانەکانو ھەورامانینە پەنەشماچا گوڵە ڕوەنینە پوٙ کەمەر و یاگە سەختەکاوە مزیۊ” وردەشا کەردەن و تیٛکەڵو روەنەکەیشا کەردن و فرە تامو بوٙش وەش کەردەن، پوٙکاتەی ئی گولە زەریفەشا نامیٛ نیان ” گوڵە ڕوەنینە”.
بەرکەوتەن ڕوەنی ویٛمانە فرە بەسودا پەی بەڎەنو بەشەری و ھیچ کاریگەرییٛ خراپش نیا، و جەگردو ڕوەنەکا تەری قیمەتش گرانتەرا، چەپەوانەو ڕوەنەکا تەریوە کە ئیسا ھەنیٛ بازارەنە کەس نمەزانۊ جە چیٛشی وەششا کەرا. سروسشتیا کە ڕوەنی گاویٛ کەمێوە ڕەنگەش ملوٙ لاو زەردیرە، وەلێم هنو مەییٛ و بزیٛ ڕەنگەش چەرمیٛنە.
*ڕوەن فرەبی عننەش پەنە ھوٙرناوا
* ژەنی گولە پایزیٛنە روەن کەرۊ
*ڕوەنو ویٛم مدەو سمیٛلیٛ ویٛم

* دەمش چەرب کەردەن، یانی ڕوەنش پەی بەردەن، تا پیٛسەو بەرتیلی هەرمانەکیٛش پەی کەروٙ، ئەوسا ڕووەنی ویٛمانە واردێوە خاس و سەرینی خەڵکی بیەن.

د.ناجح گوڵپی 4/8/2017 دوانزەو گەلاویٛژی

 

 

 hewraman
Load More In زانای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

شیٛعرێوەو بیٛسارانی کە هوٙرگیٛڵیێنە پەی ئینگلیزی

شعرېۉەو مامؤسا بېسارانی کە وەختو وېش مەکەنزی کەردېنە بە ئینگلیزی و جە ( کەشکۆڵە شېعرێکی کو…