ئەراگیٛڵی

90

ئەراگیٛڵی

ئەگەر شەویە جە شەوەکان ئاسمانوو پەڕ جە هەسارەو یۆ جە هەوارەکاو هۆرامانی کەردیمێ بە مێمانوو وێش. سێوەروو کەپرەکاش چیروو شۆڵەو مانگە شەیوێنە داش ملوو سەرەیمارە. چەنی نەوایو کنا لەیلێ تێکەڵێ بیەیمێ، تۆ نامێش نمەنیەی “ئەراگیٛڵی؟”

و ئەگەرکەسێو ناما. چرکەو پایاش نەچڵاکناشەرە تاقوو تەنیایی و پێوەرە بیەیمان، هەناکەبڕێش نەکەردیمێ جە دنیاو کەیلی و عەشق و وەشەویسینە، نەپڕچناش و سەیەو ویکۆڵە لارەی ئاژەولێش نەوستەنە باخوو ئاواتیمان. ئەتۆ نامێش نمەنیەی “ئەراگیٛڵی؟”

ئەگەر پەنامان بەردەوە بە بۆژانەی، چنوور، ورکەمەرو سوورەهەراڵەی. دەماخشان بۆ وەش کەردیمێ و سەرمەس و حەیرانو دنیاو وێمان بیەیمی؟ ئەچاگەو لایش ئەتۆ نامێش نمەنیەی “ئەراگیٛڵی؟”

ئەگەر شەوانەمان بەحسو عەشقوو سەفای پەی سۆسەنێ بی. سەیدی پەی نیشاتێ، مەولەوی پەی عەنبەر خاتوونێ، و بێسارایچ چراوەکێش کەردێبۆ لاو سەراونو وێکۆڵە لارەیرە و بە نەواو دەنگەکەو باسد حەمە غەریبی و ئارام موستۆفیوە، سەروو سەرنگا شمڵیەکێ بە شنەو واو هەوارە بەرزەیەوە وەرمان پۆرە کەفت. ئەتۆ نامێش نمەنیەی “ئەراگیٛڵی؟”

هامنە هەوارمان، فێنکتەرین، وەرواوی تەرین،عاشقانەتەرین هامنەو هەوارو هۆرامانی ببۆ. دوورێ بیەیمێ جە بۆق و تۆز و گەردو و غەریبی شاران، لەلوەو وەشەسیایان پێچنای بۆ سەیەو لا پاڵوو کەپرەکانشوە. ئەتۆ نامێش نمەنیەی “ئەراگیٛڵی؟”

ئەگەر تەنیا پەی یەک چرکەیچ ببۆ. گردو حەز و ئاواتانمان و وەشەسیایمان، قەباڵە بکەرمێوە ڕووبە هۆرامان و پێچنمێش باڵاو هەوارە بەرزەکانەوە؟ ئاوەختەنە کە ماچانمان پەنە “ئەراگیٛڵیٛنێ”

سەعدوڵڵا خوونخام (شەهریار)

 hewraman
  • فەتە بای بوٙ بە نمایندە

    فەتە بای بوٙ بە نمایندە فره داذ و فەریادٚم کەردٚ. هیچش نەبەخشا. گیان، گوٙش نمەدٚوٙ بە کەسی…
  • لەزەتوو خاسی کەردەی

    لەزەتوو خاسی کەردەی زاڕوٙڵە فەقیریٛوە کەبە وردەواڵە ورەشی دلیٛ شاریرە خەرجوو وەنایش بەرئار…
  • هیزی شەویٛ ڕاو یانەکەیمانم گم کەرد

    هیزی شەویٛ ڕاو یانەکەیمانم گم کەرد. بە جیاتی ئانەی بلونیٛوە پەی یانەی سەرەم دلیٛو کوجیەوە …
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

وەڵاوگاو ئاروٙی ئەرەنیشتەیو ئەشناسنای کتیٛبو ناسک خەیالانی بەروٙڕاوە

وەڵاوگاو ئاروٙی ئەرەنیشتەیو ئەشناسنای کتیٛبو ناسک خەیالانی بەروٙڕاوە ئاروٙ پەنجشەمە 21/ئاز…