یانە ئەدەب و هونەر نەقدی جێدی؛ گوفتمانی ئەدەبی و پەنەوازێو ئەوەژیوایی تازەگەری

نەقدی جێدی؛ گوفتمانی ئەدەبی و پەنەوازێو ئەوەژیوایی تازەگەری

97

نەقدی جێدی؛ گوفتمانی ئەدەبی و پەنەوازێو ئەوەژیوایی تازەگەری

سووڕەکاو وەڵمۆدێڕن بیەی، زووەن خاوێ بیێنێوە، ئیتر ئارۆ تابۆنمایی باوش نەمەن، ئاڵاو فەراڕەوایەت کەردەی یۆ شۆنەو یۆی کێشاینێرە واری، قەدیس و قەدیسوازی، ڕەنگەش نەمەنێنە، بە واتە سنوورەکێ بەزیاینێ.

جە گرد حەوزێوەنە؛ سیاسەت، خێزان، کۆمەڵگە؛ لەزەتوو تاتە سالاری کاڵ بیەنەو؛ وەشبەحتانە، ئەدەبیاتیچش تەنانەرە.
ئەرەجیۆ ئێمە هەڵای خافڵێنمێ و لاماوە خەبەرێ نیەن، یا وێما گێلنمێنە!!

بە زەننی چی ڕاسانە، نەقدی جێدی و بێ بەزەییانە، تاوۆ چڵاکنۆمارە و پەنەوازێو ئەوەژیوایی ئەدەبی و ڕۆحێو تازە دەمنۆنە جەسەو دەقە خەمۆکەکامارە.

جە سووچەنیگاو منەو باسێ ڕەخنەیێ، فەلسەفەو پەڕکەردەیەو کەلێنەکاو گەشاوەزی ئێمەنێ، ئەشۆم کریانێ. شەفاف بێ پەردە و حورمەتیچ پەی وینگاکاو دەقی و ئەوێتەرێچ پارێزیۆنە.

ئێمە مەبۆنە تەنیا چرکەساتەکاو ئارۆی وەرەچەم گێرمێنە و بڕێو دیاردێ سۆزی ڕەفاقەتی و عاتێفیێ، با بە وەربەسێ پەی قەتیسنایەو ڕەخنە و ڕەخنەوانیما. ئەی وەچەو دماڕۆی تەکلیفش چێشەن؟ ئەگەر چی حەنناوە چەمی قووجنمێنە، ئا بەرە دمایینە جە ڕاسیەکاو ئیسەی بێبەش کریۆنە، ئینە جەفایێو گەورەن و سانسۆری زەینی و تارێخیەن.

ئەشۆم وەچەو دماڕۆی هاگاد٘ارێ ئانتۆلۆژی دەقەکاما بانە، بەهرەکاشا، خەسارەکاشا بواناوە.

دەقێ نویساریێ کە چند٘ ساڵێ چێوەڵ نویسیاینێ، سروشتین کە شەنگیشا نەمەنەبۆنە و سیسیایبارە و تۆزەو ویەری زەمانی گێرتێ بارە و تەنانەت جە زەینەو وەردەنگیچەنە سڕیای باوە، یا پۆلێو بەهرێ یا خەسارێشا چنەبانێ، سەرمانە بە وانایەو دووبارەیشا، چەپەوانەو وینگایتەری کە سەروو باری سۆزیەوە ملەجێڕێ کریۆنە پەی پارێزنای ڕەفاقەتی؛ دووبارە تنگیاوە و بیانەوە سەروو هێڵەو ژیوایشا و ڕاسیەکاشا دیاری کریانە، ئاد٘یچ نەک باری ئەرێنیشا، بە باری نەرێنیچشاوە، ئینە جووڵێوە دیالێکتیکی دەقین کە کریۆ بۆ بە گوفتمان و واتواچی ئەدەبی ئێمە.

گلێرگەی گوفتمان ئاخێزەنە، ڕەخنەگێر و ڕەخنەوانی ڕێزش پەی منریۆرە و دەسوەشانەش پەنە وچیۆنە کە دەقێ مەرد٘ێ زیننێ کەرۆوە، لاو ئێمە بۆ بە دژمەنی بڕبڕە پەشتیت، من ڕام ئانێنە ئی دیاریە دزێوە، ئەشۆم بە وێخەساری و وێڕەخنەیی، تابۆ و تاپۆکاش مەڕیانە و چنی قەدیسە نومایی وەرانوەری کریۆنە و ناڕاسیەکاش ڕاسێ کریاوە، ئینە کۆگەش گوناحەن.

ئیسەنە پەی ئێمە کەلێنەی گەورێ، نەبیەی باسێ ڕەخنەیێ و نویستێ چوارچۆدارێنێ، قەی چێشی کەرۆ با کریانە و هەراسیما نەبۆنە کە ڕاسیەکاشا گنانە سارا، هیچ دەقێوە نمەبۆ دلێو مەحفەزەی شیشەییەنە قەتیس یا پیرۆز کریۆنە.
بەهرێ و هەڵێشا ئەگەر چنەبا با ڕاسی و ناڕاسیشا بونیاوە، سەواڕۆ با وەربەسێ پەی باری ڕۆشنویریما وەش نەکەرانە.

فرە وەخت گلەیێما هەنێ جە وێما کە نەقدی شناسنامەدارما نیەن. نەقدیچ کەری، فەزایێو ژەهراوی وەشکریۆنە پەی ناقدی کە مەجبور کریۆنە جە هەرمانەکێش پەشیمان یا دڵسەرد٘ بۆوە.
بەڵام بە دڵنیاییوە، لانیکەم پەی من ئینە نمەچەسپیۆنە، هیچ فشار و تەنگەتاوێچ نمەتاوۆنە، من جە ڕاهەرمانەو نەقدی ڕادیکاڵی و مەژگەداری کەهاڵ کەرۆوە. چوون مزانوو نەخشی ئەرێنیش هەن پەی وەچەو دماڕۆی.

نەقدی بابەتی، شەفاف و تامتاڵەن و چێوێش پەی شارایەو نیا و تەعارۆفیچش پەی نیەن، گیرۆدەو سۆزی تاکیچ نمەبۆنە، چوون ئینێ دیاردێ وەڵمۆدێڕنیەنێ. نەقدی بابەتی شیرینی ڕاسیەکا شۆنی وێشەرە مارۆنە و هیچ نسبەتێوەیچش چنی باری هەستەکی و زویریی ڕەخنەچۆگیریایچش نیەن، با ئی دوە گوزارێ تێکەڵ نەکریانە و چی بارەوە گەورەتەرین جەفا کریان بە وەڵکەوتەیی ئەدەبی هورامانی، بازدێ با چی ڕەوتێنە ڕاسیەکێ گنا پارە و باسەکێ جەریانی ئەسڵی وێشا بوێزاوە.

عادڵ محەمەدپوور(98/4/25)

 hewraman
  • فەتە بای بوٙ بە نمایندە

    فەتە بای بوٙ بە نمایندە فره داذ و فەریادٚم کەردٚ. هیچش نەبەخشا. گیان، گوٙش نمەدٚوٙ بە کەسی…
  • لەزەتوو خاسی کەردەی

    لەزەتوو خاسی کەردەی زاڕوٙڵە فەقیریٛوە کەبە وردەواڵە ورەشی دلیٛ شاریرە خەرجوو وەنایش بەرئار…
  • هیزی شەویٛ ڕاو یانەکەیمانم گم کەرد

    هیزی شەویٛ ڕاو یانەکەیمانم گم کەرد. بە جیاتی ئانەی بلونیٛوە پەی یانەی سەرەم دلیٛو کوجیەوە …
Load More In ئەدەب و هونەر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

وەڵاوگاو ئاروٙی ئەرەنیشتەیو ئەشناسنای کتیٛبو ناسک خەیالانی بەروٙڕاوە

وەڵاوگاو ئاروٙی ئەرەنیشتەیو ئەشناسنای کتیٛبو ناسک خەیالانی بەروٙڕاوە ئاروٙ پەنجشەمە 21/ئاز…