یانە پەیلوای تاریخوو نەسریٛ هەورامییٛ

تاریخوو نەسریٛ هەورامییٛ

184

تاریخوو نەسریٛ هەورامییٛ

ئی ساڵه ویەردێ ،ساڵیه پڕ یومن و بەرەکەته بێ پەی زوانوو هەورامی چی ساڵێنه چندەها کۆڕێ و کۆنیشتێ و جەشنێ سەروو فەرهەنگ و زوانوو فولکلۆروو هەورامانیوه لوای راوه چندەها کتێوێ و وتارێ چاپێ بیی که نیشانه مەد٘ا هەورامان کەوتەن حەرەکەت و هەن جه ئاستانەو
تەحەوڵاتی بنەڕەتینه و نویسەنده هەورامیەکا لواینێ ئاستیه که هەورامان پەیشا موهێمتەرەن تا ئانه که گەرەکشا بۆ وێشا برمانا و نامیه بەر بارا بەڵکوو هینای ویروو خزمەتیه فرەتەرینه.کتیبوو تاریخوو نەسری هەورامی،نویسیه و جەموەکەردەو کاکه ئێبراهیم شەمسی،یۆ چا کارا ئەرزشمەندانەنه که مشیۆ سەرشوه باس کریۆ ئی کاره بنمایه فره پتەونه پەی یاگەپاو هەنگامەهایه گەوره تەرێ .ئی کتێبه که نزیک به حەفتسەد٘ لاپەرێن ، تەنیا مشتوو نموونەوخەروارین ئەگەر گردوو ئا وتار و داستان ومەتڵەبانه که به هەورامی نویسیاینێ ، چاپ کریا نیشانه مەد٘ۆ که هەورامان بابەتوو نویسیاریوه چند٘ه سەرکەوتەن .
ئی نموونەو نەسریه که چاپ بیەن چنده خاڵێ تازێش ئاردێنێ وەروه پێسەو:

۱ـ ئیراده و جەسارەت و وێپەرمای نویسەنده هەورامیەکا که جه گرد بابەتێوه دەسشا دان به نویسیای.
۲ـ جێهەت دای به کاره فەرهەنگیەکاشا
۳ـ دەس یاوای به زوانیه پاراو ورەوانیوه سەروو بنجەو نویسیاری زوانی کەلاسیک هەورامیوه.
٤ـ خزمەت به تەوسێعەی فەرهەنگی هەورامانی.
٥ـ پووچەڵوه کەردەی ئا ویر و باوەڕانه که زوانی هەورامی وزێنێ پەراوێزوه و تاونێنێشوه .
٦ـ ئیجادوو مەسئولیەتیه تازەتەری سەروو شانەو نویسەرەکا که زیاتەر وێشا ماننا به جۆریه.
که مشیوو جه ویروو ئانەینه نەومێ که چێشما واتەن و چێشما کەردەن بەڵکوو ویروو ئانەینه بۆمێ که چێشما نەواتەن و چێشما نەکەردەن.
ئی هەرمانێ که کریاینه بێ کەم و کۆڕیه نیەنه کاری بێ عەیب تەنیا کاریەن نەکریا بۆ.بەڵام ئیسه ئیمه جه ئاغای شەمسی تەنیا ماچمێ مانی نەوی و دەسێو وەشێبا. وکتێوەکەی به دێقەت بوانمێوه

موحەممەدشەریف عەلی ڕەمایی

 hewraman
Load More In پەیلوای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

وەڵاوگاو ئاروٙی ئەرەنیشتەیو ئەشناسنای کتیٛبو ناسک خەیالانی بەروٙڕاوە

وەڵاوگاو ئاروٙی ئەرەنیشتەیو ئەشناسنای کتیٛبو ناسک خەیالانی بەروٙڕاوە ئاروٙ پەنجشەمە 21/ئاز…