یانە هەورامانی بشناسدیٛ دەگاو قەڵاگاو هەورامانی

دەگاو قەڵاگاو هەورامانی

204

دەگاو قەڵاگاو هەورامانی (دەرەو شامیانی)
ئی دەگەی ئینا 10کیلۆمتری وەرنیشتەی شاروو سەوڵاوای و لەوو ڕۆخانەو (گردەڵانیینە ) و 220 یانێنە و 850 کەسێش چەنە ژیوا ، ئی دەگەی 29 ساڵێوە چەیوەڵ حەیبەتیێ لافاوینە بیە دوێ بەشێ ، دەگا تازەکێ وەسێنێرە سەروو جاۮەو مەریوان و سنەی ، کسم وکاروو فرەتەرووخەڵکەکەیش کەشت و کاڵ وحەیوانداریا ۰ و بازیوەیچشا خجڵوو جۆشکاری وئاسنگەری ونەجاری و خەیاتینێ ۰ قەڵاگا دەگێوە تارێخینە بۆنەو بیەی قەڵایاشەو نامێ نریەنە قەڵاگا ، حاڵی حازریچ شونەماو یەرێ قەڵەیش چەنە مەنێنێ.
ئی دەگەی وەڵتەر گرۮ هۆرامی زوانێ بیێنێ وەلێم ئیسە هۆرامیەکەش روەش کەردێنە کزی وفرێوەشا بە سۆرانی قسێ کەرا ، قەڵاگا(قەڵاجیٛ) جە جەنگ و ئێران وعێراقینە بۆموارانی شیمیایی کریا و 22 کەسێش دلێنەشیێ و فرەیوەیچ سەۮەمەشادی ۰
ئاو هەواش نەتەمام گەرما ونەتەمام سەرد، زمسانێش پەر وەروە و هامنێش گەرم و وەهار و پاییزش پەر وارانا، کەش و کۆش بەلووۮار وجەنگەڵا، دەخڵ و دانش: گەنم و یەو نوەی و یۆنجێ و شەوەرا.
ساڵەها ی ساڵا چەنی رەسم ویاسا و پیرشالیاری جە قەڵاگانە کلاو ڕۆچنێ کریا، داخەم مەشۆ دماو ئانەیە قەڵاگا بیە بە دوێ دەگەی ئی با و رەسمە روەش کەردێنە کزی، دەرەو شامیانینە تەنیا قەڵاگا و بنۮۆڵا کە چەنی رەسم ویاسا و پیشالیاری کڵاو ڕۆچنێشا چەنە کریۆ.

کڵاو ڕوٙچنە

قەڵاگا چەنی: قەڵاجێ : کەئاۮیچ وەڵتەر جە قەڵاگای جیا بیەنەو وە نامێ هەردویشا: یانی یاگە قەڵا، وە دەگایا: گوڵانە و هەجمنە و تخان و تازاوا و تفڵیە و بارام ئاوا و بنۮۆڵی هامسان.
هەر پاسە کە عەرزما کەرد زوانی هۆرامی کە زوانوو ئەسڵی ئی دەگەینە رۆ بەڕۆ کزتەر بۆ، پی بۆنەوە تکا کەرمێ وەنەو جوانا و پێجۆراو فەرهەنگی وەروو ئی خەسارەگەورەیە گێرا و نازا چینەی زیاتەر ئی زوانە رەسەنە چی دوە دەگانە دلێنە بشۆ ، ئێمەی هۆرامی زوانوو گرکەسیما پەی موحتەرەما، مشیۆ نازمێ زوانەکەو وێچما فۆتیۆ.
دنیەوە دەس وەشی و خانەئاوایی برای دڵسۆز و ژیری کاکە ناسری برایی قەڵاگایی کەرمێ پەی ئاشنا کەردەیما چەنی دەگاو قەڵاگای بە تایبەت پەی دیمەنا هەردوێ قەڵاگایا.

سەرچەمە: وەنەدی هورمیٛرتەن

قەڵاجیٛ
  • هەملقوانی

    هەملقوانی هەملقوانی: ڕازێوە وەشەی هەورامیە، نویستەی و ئەوەوانای گونا ڕاپەیما، فەرماودیٛ گو…
  • ئارسن

    ئارسن  کابرێوە مەسیحی بوٙ کەشاروو ڕەشتینە جە ئەۮای بوٙ ، دەورەو ئەوەڵوو دەرزوەنای هەر چی ش…
  • ئا کەلیمیٛ کەپەی خەڵاتی یام هەقەدەس و چیٛوداینە بەکاربرییٛنیٛ

    ئا کەلیمیٛ کەپەی خەڵاتی یام هەقەدەس و چیٛوداینە بەکاربرییٛنیٛ چیٛرچوٙکانە یام چیٛر زەنگوٙڵ…
  • هەملقوانی

    هەملقوانی هەملقوانی: ڕازێوە وەشەی هەورامیە، نویستەی و ئەوەوانای گونا ڕاپەیما، فەرماودیٛ گو…
  • ئارسن

    ئارسن  کابرێوە مەسیحی بوٙ کەشاروو ڕەشتینە جە ئەۮای بوٙ ، دەورەو ئەوەڵوو دەرزوەنای هەر چی ش…
  • ئا کەلیمیٛ کەپەی خەڵاتی یام هەقەدەس و چیٛوداینە بەکاربرییٛنیٛ

    ئا کەلیمیٛ کەپەی خەڵاتی یام هەقەدەس و چیٛوداینە بەکاربرییٛنیٛ چیٛرچوٙکانە یام چیٛر زەنگوٙڵ…
 hewraman
Load More In هەورامانی بشناسدیٛ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەملقوانی

هەملقوانی هەملقوانی: ڕازێوە وەشەی هەورامیە، نویستەی و ئەوەوانای گونا ڕاپەیما، فەرماودیٛ گو…