بە بوٙنەو ڕوٙ ئوٙروپایی فرەزوانی، ٢٦ مانگەو سیٛپتامبری ٢٦و مانگەو سیٛپتامبروو گرد ساڵیٛو جە ئوٙروپانە ڕوٙ ئوروپایی فرەزوانین. ئی ڕوٙوە بە وەرنیاروو شوٙراو ئوٙروپای جە ساڵەو ٢٠٠١ی، کە ساڵەو فرەزوانی بیٛ جە سەرانسەرو ئوٙروپاینە، پیٛسەو روٙ ئوٙروپایی فرەزوانی دەسنیشان کریا. چا ساڵەولای گرد ساڵیٛو چی ڕوٙنە بە مەراسمیٛ وچالاکییٛ جوٙراوجوٙریٛ جە وەڵاتە ئوٙروپایەکانە جەژنەو ئی روٙیە گیریوٙ و چی جەژنانە …
بەراوردیٛ گردینی میانو زوانو گورانی- هەورامی و کوردینە وەرواتە بەراوردی گردینی مەبەستم جە گردو ویارەکانەنە، هەر جە تاریخ، گەشەو زوانی، وردەکاری دەسور زوانی ئەچی دوە زوانانە، چیٛگەنە فرە بەکوڵی و پوختی بەراوردو ئی دوە زوانان مەکەرو، بنەڕاوە ئاشکران و سەلەمیان، هەکە گردو زوانە ئاریەکان یەک بنەیانەنیٛ و خویٛشیٛنیٛ، یانی بڕێ چیٛویٛشان هەنیٛ ئەو یوی مشان، وەلێم بە لوای وەرو …
وەر وەر: پسەو وەڵگیری و دماگیری و هەرپاسە پیٛسەو واتێوە ویٛسەریٛ بەکار مەیوٙنە، یانی جە دروسنای واتیٛنە ڕوٙڵیٛ دیارش هەنەن، با پیٛوەرە سەرنجە بڎەیمیٛ: یوە: وەر: پسەو وەڵگیری: وەڵگیر سازێوەن، واتێوەنە هەکە ماناش نیەنە، وەلێم ئەرکش هەن، مەلوٙنە سەرو واتیٛوە ماناکیٛش ڕوٙشنە مەکەروٙوە، مەلوٙنە سەرو نامیٛ یاوەرنامیٛ و یاوەرکەردەوەی و چەمەی: مەلوٙنە سەرو چەمەی پسەو وەڵگیری: وەرکەردەی: وەرما، وەرتا، وەرشا، …
(International phonetic alphabet(IPA) ئەلفابێتی دەنگی جەهانی، ئەلفابێتی دەنگی دلیٛدەوڵەتی ئای پی ئەی چیٛشەن؟ ئەلفا بێتی دەنگی جەهانی سیستەمێ فنەتیکین پەی نیشادای و ڕوٙشن کەردەیو دەنگی و هیٛما دەنگیەکانو زوانی، کە یاردیمان مەڎوٙنە پەی درکنای واتیٛ بە ڕاس و دروسی. ئای پی ئەی پەی زوانو ئینگلیزی نریانرە، چون ئی زوانە بڕێ(نویسیٛش) هەنیٛ نمەدرکنیان، یام بڕێ نویسیٛش هەنیٛ زیاتەر جە دەنگێوەشان هەن، …
بەشەکیٛو دوای The parts of speech ڕازوان یانی وەسفو ساز و ساختو ڕستەی یام لکیٛ(sentences& phrase) یام ئا واتیٛ، کە ڕیزیٛ مەبانیٛ شوٙنەو یوٙترینیرە بە شیٛوەی دەسوری و گرامەری جە ڕستەنە، مانای تەمامە مەبەخشانیٛ. هەرپاسە جیاوازی ڕیزبیەی پەساکانو دوای ڕوٙشن مەکەروٙوە. جا ئەپی واتان کە ڕیزیٛ مەبانیٛ پەی دروسنای رستەی پەنەشان مەواچان بەشەکیٛو دوای(بەشەکیٛ قسیٛکەردەی). ڕیز بیەیشان شوٙنەو هەنگەریرە …
ئەشناسنایو(رویکرد فرازبان معنایی طبيعى) وشکنایو جویای چنڎە واتیٛ زوانو هەورامینە، کە ئەچی چوارچوٙنە زوانو ئنگلیزی و فارسینە، تەنیا یەک بارمتەی مانایشان هەنەن، واتارێوی زانستیە زوان ئەشناسیە بە قەلەمو دکتر مەهدی سەجادی. کە جە وەرزنامەو وشکنایو زانستی زوانەکان و گویشەکانو وەرپڕو ئیرانی وەڵاو بینەوە، بفەرماودیٛ کلیک بکەردیٛ . aprouch-meta-languageDownload
دەس؛ ئا واتیٛ، هەکە جە دەسیوە مەدروسیانیٛ دەس… با زوانەکەما ویر نەشوٙو واتیٛ دەسی بەشدارییٛ وەرچەم و فرە وەرپان مەکەرون،ٙ جە دروسنای واتینە “موٙرفوٙلوٙجینە ” سەرنجە بدەیمی دەس نامیٛنە چەنی نامیٛوەتەری، چەنی یاوەرنامیٛ، یاوەرکەردەوەی، هەرپاسە چەنی کەردەوەی ئامیٛتەی، کەردەی ئامیتەشان دروس کەردەن، چی باسەنە بە پوختی جوٙرەکانشان مەوزمیٛ وەرو چەمان: وەلیٛ ئانەی بلمیٛ سەرو کورەکو باسەکەی، ئینەی مەوزمیٛوە یاڎتان، هەکە …
ێ، یە، و، وە، سازەو نەشناسەی ئی چوار نیشانیٛ زوانو گوٙران – هەورامینە پەی نیشاندای تاکی نەشناسی بەکار مەیوٙنە، با نمونیٛ باوەرمیٛوە پەیشان، چاگەیچەوە ڕەنگا باسەکە وەرپانتەر ببوٙنە. کەسێ ئاما پەی یانەیمان. کەسیە ئاما پەی یانەیمان. کەسێو، کەسێوە ئاما پەی یانەیمان. ئەگەر سەرنجەو ئی چوار ڕستەیە بڎەیمیٛ مەوینمیٛ: کەسێ، واتێ نەشناسە و تاکەنە، کە لەهجەو لهوٙنی و تەختینە بەکار مەلوٙنە. …
فرایندهای واجی همخوانی در واژەهای مشترک بین زبان فارسی و زبان هورامی. سەرباسو واتارێوی زانستییٛ زوانئەشناسین کە باس جە بڕێ هامبەشیا مەکەروٙنە دلیٛو دەنگە گیرهەنەکانو زوانو هەورامی لەهجەو تەختی، چەنی زوانو فارسی، پەی دوسدارانو ئی بابەتان بفەرماودیٛ کلیک بکەردیٛ waka-gerhanDownload
فۆنت font بە ونارایو تایبەو نوسیەکانو زوانی مەواچان فوٙنت، یام پیٛڕەو نویسەکان”خەت”. یام بیچم و شیٛوەی جیاوازو ئەلف و بای. فوٙنت، خەت کوٙمەڵیٛوە نویسیٛنیٛ، قەوارە و بیچمی جیاوازشان هەنەن، پەی نیشاندای و پەی چاپکەردەی مەشیانیٛ، کە دلیٛو کەمپیوتەرینەو موٙبایلینە هەنیٛ ، بەتایبە زوانو ئینگلیزینە گرسانوە، بەعەرەبی پەنەش مەواچان خەت، بەهەورامیچ هەر خەتش مەواچمیٛ. فۆنت زوانو ئینگلیزینە چنڎە سیفەتێو مەگیروٙنە …
