یانە هەورامانی بشناسدیٛ ده‌گاو سەرووپیری 

ده‌گاو سەرووپیری 

65

ده‌گاو سەرووپیری 

حافیٛز ئه‌حمه‌دی

 

گیٛڵناوه‌ ماموٙسا سەیدی دەورانوو پیریشنه یانیٛش کەردیٛنیٛوە، پیاییٛ ملوٙ لاشرە و ماچوٙ چیٛش کەری ماموٙسا؟ ماچوٙ: چی سەروو پیریوە یانیٛ کەروووە. نامیٛو دەگاکیٛشا نییٛنە سەرووپیری.(هه‌ڵبه‌ت ئی حه‌که‌یتیٛ مه‌تاووٙ ڕیٛکه‌ بوٙ)

بەڵام دەگاو سەرووپیری بوٙنەو ئانەیوە کە ئینا سەروو دویٛ یەریٛ پیراوە. پیٛسەو پیر خاڵوٙذی و پیرشالیاری و … ماچاش سەرووپیری.

حکیەتەکیٛو ماموٙسا سەیدی گیٛڵوٙوە پەی 250 ساڵا چیٛوەڵی.  بەڵام وەختوو زەماوننەو پیرشالیاری ڕەسمیٛما هەن کە وەزی شاباش کەرمیٛ، ئی کاریچه تایفیٛ مەخسووس کەراش، بەڵام ئەووەڵ جار جە سەرووپیریوە دەس پەنە کەرا. چی؟ چوون وەختیٛ زاڕوٙڵەکە پیٛذا بوٙ مامانەکیٛ کە سەرووپیریە بییٛنه، زوو میٛوە پەی سەرووپیری و خەبەر مذوٙ خەڵکی و خەڵک شاباش کەروٙ. ئیسەیچ هەر ئەپا ڕەسم و یاساوە ئەووەڵ جار سەرووپیرینە شاباش کەرا.

وە ئی حکیەتیٛ گیٛڵوٙوە پەی 900 ساڵا چیٛوەڵی. یانیٛ ئا وەختەیچە سەرووپیری بیەن. سا حکیەتەکیٛو ماموٙسا سەیدی ملوٙوە قەراخ!

سەرووپیری 230 یانیٛنه. نزیکوو 1000 کەسا چەنەش ژیڤا. ئەڵبەتە ئیسە چەنوو دەگاو هەورامان تەختی تیٛکەڵە بییٛنه و یاویٛنیٛوە بە یوٙی و بییٛنیٛ شاروو هەورامانی.

درکەمەڵڵا: کوٙییٛن پەشتوو دەگیٛوە کە مذیوٙ ملوو گردوو دەگاکیٛرە و وەرەچەمیٛ فرە زەریفش هەن.

مەڵڵا جانەڵڵا: گوٙڕەسانوو سەرووپیرین، مەڵڵا جانەڵڵایچ مەڵڵاییٛ ڕاویار بیەن بە هەریٛوە میٛ پاگەنە ویەروٙ کە گیان مسپاروٙ و چاگە منیاش و ئاگەی کەرا بە قەبرەسان.

پیرخاڵوٙذ: نامیٛش (خالیٛد) بیەن و یوٙ جە 99 پیرەو هەورامانی بیەن. قەبرەش ئینا سەرووپیری.

قەڵاو ماموٙری: قەڵاو یوٙ جە ساحیب دەسەڵاتاو دەورانوو ئەشکانیانی بییٛنه نامیٛش مەحموود بیەن. سەیدی باسش کەروٙ:

چەمت نەرگسی مامەروٙ… پاسە دیارا کە زوو نەرگسیٛ عالش بیەن و ئیسە بنە گنان.

گڵکوٙو ماموٙسا سەیدی ئینا سەرووپیری کە ئینە چیویٛ نیا باسش سەر کریوٙ.

هەساریه: هەواریٛوەن لاو سەروو سەرووپیریوە، ڕوو بە کاوە. نامیٛش جە تایفەو(انصاری)وە گیرییٛنه. ئەسحابیٛ ئامیٛنیٛ زەمانوو جەنگی پەی ئاگەی و جەنگ کەردەی. سەروو ئیٛسلامی.

ئاڤە مدرا (ئاڤه مرذا): ساراییٛ فرە مچکلەن کە ئینا پەشتوو هەواروو هەسارییٛوه کە ئاڤوو چن کەشا میٛرە واگه جەمە بوٙوە  و جە نیمەو پایزی تا ئاخروو وەهاری هەنە.

سەرووکاسی: (کأس) نامیٛو ئەسحابیٛوەنە کە چاگە شەهید بیەن و نیانشا، ئەڵبەت دویٛ ئەسحابیٛنیٛ کە قەبرەشا ئینا چاگه.

 hewraman
  • ده‌گاو ژیواری 

    ده‌گاو ژیواری  وەڵیٛ جە گرۮ چیویٛ ژیوار واچیٛنە بە ماناو ژیوای و زیٛندەگی کەرۮەی و یاگیٛ ن…
  • یاد٘ێ جە کاک نەسرەدین شەریف زاد٘ەی

    ▪▪ئاخ چند٘ سەخت بێ کۆچی ناواد٘ەت؟! من و خیاڵ و هانە و هەوار پاڵوو تاقڵێ هەراڵەبرەمانە چەنی…
  • دەگاو هەجێجی

    دەگاو هەجێجی باس کەردەی جه بنەڕەتوو هەر دەگایوێ جه ڕوانگەو ئاکادمیکیەو سەختا و چیبۆنەو پەی…
Load More In هەورامانی بشناسدیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

یوەمین “ئەنیمێشن”و جهانی

یوەمین “ئەنیمێشن”و جهانی جە سەرزەمینو باستانی”شاری سۆتە” جە ٦٥ کیل…