یانە ئەدەب و هونەر وه‌هارو هه‌ ورامان

وه‌هارو هه‌ ورامان

42

وه‌هارو هه‌ ورامان

که‌پرشنگه‌و ئه‌یرو نه‌ورۆزی داش ئه‌و سه‌رکه‌شان، به‌تینوو گڵپه‌و گڕیش چموو جووڵێوه‌ مه‌گنۆ ئه‌و لاشه‌و زه‌مینی و گوڵه‌ نه‌ورۆزه‌ بوغچه‌و باوانیش مه‌که‌رۆوه‌و تاراو شه‌رمی جه‌ ڕوومه‌تو باغچه‌و گۆراڵا لا مه‌دٚۆ، جه‌ دامانوو په‌لکه‌ وه‌روه‌و دما زمسانی سینه‌وخاکه‌لێوه‌ی شه‌ق مه‌که‌راو به‌ هه‌واو سیاوچه‌مانه‌و (ته‌موو ته‌مه‌روڵی) توله‌ نه‌ماماو مله‌گاو که‌شا، مه‌لانی پیواو وه‌یوه‌و ساڵو تازه‌ی و خه‌ڵاتو وێشا ئامێته‌و شنه‌و سه‌رسه‌حبانه‌و نۆ وه‌هاری مه‌که‌رانێو پاسه‌ دیمه‌نێوه‌ مه‌ڕازنانێوه که جه‌ هه‌رلایوه به‌زموو ڕه‌ژبه‌ڵه‌کی مه‌که‌رانێ هه‌ رزانی گۆراڵاو چریکه‌و بوڵبوڵا په‌ی شاباش گێڕو زه‌ماوه‌نیو شادٚیو سه‌ر وه‌شی مه‌که‌رانێ خه‌ ڵاتو ئه‌ویندارا و وڵاتی .
چاده‌مه‌نه‌ هه‌ورامان پسه‌و تازه‌ زه‌مایوه‌ وێش ڕازنۆوه، هه‌ تا بلو پیواو وه‌یوه‌و وه‌هاری، وه‌یوه‌و وه‌هاریچ به‌ له‌نجه‌و لاره‌چه‌نی تۆقه‌و گۆراڵه زه‌رداو گمه‌ گموو کاوه‌ تراو کره‌که کرکه‌و ژه‌ره‌ژاه‌ هامڕا به‌ به‌زمه‌و(هه‌ی باوه‌ باوه‌ی) گاوماکی، هامرایش که‌راو به‌ره‌و یانه‌و زه‌مای مه‌گنانێ ڕاو تیشکه‌و وه‌ره‌ تاوی بۆ به‌ ئه‌سپه‌و وه‌یوێو نه‌سیم وسه‌ر سه‌حبانه‌ی بۆ به‌ جڵه‌وانه‌و ته‌مو مژه‌ بۆ تاراو سه‌وزه‌و پاو گۆراڵا به‌ هه‌زار شێوازی وێش که‌رو پایه‌ندازوو وه‌یوێ تا توزو خاکه‌‌ نه‌ نیشۆ ئه‌و گۆنایش، ئاوه‌خته‌ زه‌مایچ مه‌لۆ پێواو وه‌یوه میاوا یۆترینی و شادٚیو ئه‌وه‌ ژیوای چه‌نی وێشا ماوه‌رانی و چڵۆسکێوه‌ جه‌ ئایرو نه‌ورۆزی مه‌ که‌رانی به‌ ئایرو زه‌ماوه‌نی.
جه‌ ئاوه‌و هاڵاوشیره‌و گۆراڵا، شه‌ربه‌توو زه‌ماوه‌نی وه‌شی که‌راوکه‌ش و کۆو هه‌ورامانی جه‌ وه‌شینه وێشا مه‌ڕازنانێوه‌، ده‌س ده‌س جه‌ گیواوو گۆراڵه‌ بۆ وه‌شه‌کاو هه‌ورامانی پسه‌و وه‌رکه‌مه‌ری و چنوور سووره‌ هه‌راڵه‌و بۆژانه‌و نه‌رگسو شه‌و بۆو… که‌را ویشاره‌و هه‌ تاجه‌ بۆو وه‌شیشا دنیای سه‌ر وه‌ش که‌رانێ.
که‌ یاوای به‌راسانه‌و یانه‌و زه‌مای گۆرانی واجوو ده‌نگ وه‌شه‌کاو هه‌ورامانی به‌ نه‌رمه‌ به‌زمێوه‌ جه‌ شێعره‌ ماڵ په‌ڕه‌کاو مه‌وله‌وی وه‌شیو زه‌ماوه‌نه‌کی مه‌ ڕازنانێوه.
وه‌هاره‌ن ته‌شریف خاڵخاسان په‌ی هه‌ رده
که‌م که‌م جوانیش ئاوه‌رد پیریش به‌رد
جه‌م جه‌م سۆسه‌نان نه‌ تاق ته‌وق وه‌ردان
ســه‌ردان نه‌ هه‌ردان په‌ری هامفه ردان
وه‌ ڕووی زاخاندا چنوور لول وه‌رده‌ن
په‌ی پای گیان توڕ دام ئامــادٚه‌ که‌رده‌ن
به‌ڕه‌زا به‌و چیــــن توغــــرا تا تاوه
شـه‌ماڵ مه‌ مه‌شانۆش یانی وه‌ی لاوه
هه‌رچا ده‌مه‌نه‌ شنه‌و شه‌ماڵی جه‌ جه‌ سه‌رکڵاواو که‌شاره چۆپی گێرو ده‌سیو توڵه‌نه‌ماماو ده‌م که‌لی هه‌مڕایش که‌راو گۆرانی واچا به‌ به‌زموو (ئاماوه‌ وه‌ هار…….) ی که‌شو کۆی ماوه‌رانی ءه‌و سه‌ما، هه‌ راڵه‌ بره‌مێ وێش که‌رۆ به‌ پیاڵه‌و تکه‌و شه‌ونمه‌و ڕوه‌و گۆراڵا که‌رۆبه‌ شه‌راوو وه‌شه‌ویسی و چه‌نی شه‌ربه‌تو ئه‌وه‌ڵ وه‌هاری په‌یمانه‌و وێش که‌فه سه‌ر ماوه‌رۆش په‌ی وه‌یوه‌و زه‌مای.
ئاڵیچ که‌ سه‌ر وه‌شو شه‌راوو ئه‌وه‌ڵ وه‌هاری بییه‌ی ، زه‌ما هامڕا بۆ چه‌نی ژه‌ره‌زه‌ چه‌رمه‌و ویارو هه‌ورامانیو به‌ قاسپه‌ قاسپو سیاوچه‌مانیه‌ی جه‌ دیاگاو سه‌ر دیارانه‌نه‌ مه‌گێڵۆوه په‌ی دامانو که‌شاو هۆبه‌و هه‌واراوهه‌تا په‌رده‌و شه‌رمی جه‌ ڕوه‌و تازه‌وه‌یوێ لا دۆو بوزوش که‌نار.
وه‌یویچ که‌ تاراو نو بوکیش لا دریا به‌ لاره‌و له‌نجه ده‌س که‌رۆ گێڵای و جه‌ سهر تا دامان و وێش ڕازنۆ وه‌ هه‌ تا زه‌مای خاسـه‌ر سه‌روهش که‌رۆ، زه‌مایچ که‌ میاچه‌ماو ئه‌وه‌ ڕازیاو وه‌یوێش دییه‌، به‌ یه‌کجاری سه‌ر وه‌ش بۆو ده‌س مه‌نێۆ دلێ ده‌سیش و پێوه‌ره‌ گۆش مه‌دٚانی به‌ هاژه‌و وه‌رواوه‌و دما زمسانه‌و سته‌می ، که‌ جه‌ دامنه‌وکه‌شاره‌ هاوارش هۆرێسته‌ن.
چاوه‌خته‌نه‌ هآمڕا چه‌نی قاسه‌و ژه‌ره‌ژاو چریکه‌و باڵداره‌ ده‌نگوه‌شه‌کاو ئه‌وه‌ڵ وه‌هاری وه‌یه‌و ژه‌ما پێوه‌ره‌ پا مه‌نیانێ دلێو خه‌یمه‌و گۆراڵاو چاگه‌نه‌، ساتێوه‌ بێ ده‌نگی مه‌وانێو گۆش مه‌دٚانی به‌ ده‌نگوو ته‌پڵ ئاساوئه‌رخه‌وانی سووره‌و سیروانی، هه‌تا پسه‌و دووێ دڵدارێ تازه‌ په‌نه‌ یاوای کوردی به‌ ده‌نگوو دوه‌ته‌پڵه‌وسیروانی بیانی ئه‌و سه‌ماو، جه‌ سه‌ماوده‌سما ڵاشا هه‌وره‌ بگنۆ ئه‌و ئاسمانو هه‌ورامانیو وارانه‌و وه‌شه‌ویسی وارنۆ و ڕوه‌و گۆراڵا شۆرۆو بوڵبوڵه‌و عه‌شقی سه‌ر وه‌ش که‌رۆ شۆنوئاواته‌کاو وێشره‌ هۆر فڕۆ، هه‌تا بتاۆۆدوور جه به‌نو قه‌فه‌سی جه‌ باغچه‌و گۆراڵا سه‌ر وه‌ش گێڵۆو به‌ ده‌نگه‌ وه‌شه‌کێش ئه‌شکۆفه‌و باغچه‌و ئاواتی که‌شێ که‌رۆوه‌.
ئاوه‌خته‌ بۆو عه‌تره‌و ئازادٚی وڵاوێ که راوه‌و دنیای سه‌ر وه‌ش که‌رانێ، به‌ڵێ هه‌ورامان وه‌شه‌ن وه‌هارش وه‌شه‌ن ده‌نگوقاسپه قاسپه‌و ژه‌ره‌ژاش جه‌ سه‌رکڵاولانه‌نه چریکه‌و بوڵبوڵاش جه‌ باغچه‌و گۆراڵا وه‌شته‌ره‌ن پا شه‌رته‌ دیلو به‌نو قه‌فه‌س و نه‌زانو زاڵما نه‌ بۆ.‌

محه‌مه‌د ڕه‌شیدی ئه‌مینی
پاوه‌ 15/1/ 1373

 hewraman
  • جەجە

    جەجە خەڵکی گردی نامێ نیابێ جەجە. ئەسڵەنە نامێش جەجە نەبێ، نامێش “ئەوڕەحمان” بێ…
  • ویەردەو ویٛم” کوڵەداستانە”

    ئی کوڵە داستانێ ڕاسەنە ویەردٚەو وێما: وەهاروو ساڵەو ۱۳٥۰ی ئاخر ساڵوو مەدرەسەیمبێ ئێتر پەی …
  • ئەلکین و مەلکین

    ئەلکین و مەلکین لالوٙ جافر خەریک بیٛ گیانکەنەشت کەریٛ، قەومو کەسوکارش دەورشەنە یەواش و ئار…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…