دەگاو نەرویٛ

98

دەگاو نەرویٛ

دەگاو نەرویٛ  جە هەورامانو لهۊنی سەربە  ڕاوەبەری  شارەدەگاو نەوسودیٛ  و شارو پاوەینە، پانزە کیلوٙمەترۍ دوورەنە جە نەوسوڎیٛوە، کەشو شەمشی و ملەھەندوی گنا لای سەریش (سەرنیشت)، دەگاو نەیسانەی و ڕوٙخانەو سیروانی گنا پاینشەو (پانیشت)، دەگاو شەڕەکانی و شارو نوٙتشەی گنا وەرکەوتشەو، نەوسودەو وەزڵیە کەوتیٛنیٛ وەرنیشت و دەگاو نەرویٛوە.

ژمارەو ئەرەنیشتەکاو دەگیٛ زیاتەر جە ھەزار کەسیٛ با، بە باخداری سەرقالیٛنیٛ، بازیوەیچشا ئیدارەکاو حکومەتینە ھەرمانە بەراڕاوە، دەگاو نەرویٛ پیٛسەو گردو دەگا کا ھەورامانی ساحیب وەلیٛنیوە تاریخینە، خوٙڵکیٛوە خاسو قانع ومیھرەبانش ھەن، سەروەختو جەنگو ئیراقو ئیرانینە و وەرو باری سیاسی و جەنگی   جە ساڵەو 1368 ،دماو سالیٛ  جە جەنگی ،دەگا چۊلە بیەو بارشا کەرد لویٛ شارو پاوەی نیشتەجا بییٛ، وەلیٛم دماو یەریٛ ساڵا گیٛڵیوە سەرو ماڵو مڵکو ویٛشا و دەگاکیشا بە شیٛوازی تازەو زەریف سەرنەوایوٙ ئاوەدانە کەردەو.

یوٙ ج ەسیما دیارەکا دەگاو نەرویٛ تەکییٛوەن  چا دەگیٛنە کە شیخ نەعمەتو نەرویٛ ئاوا کەردەنەو  یوٙبیەن جە مریڎەکا  شیٛخ محەمەد عزیزو نەجاری ، یانی زیاد جە 120 ساڵیٛ چیوەڵتەر  تەکیەو نەرویٛ  شیخ نەعمەتی وەش کەردەن، دماو مەردەی شیخ نەعمەتی برازاکەش “خەلیفە عەبدولغەفورو نەرویٛ” مەرقەدەکەش زیاتەر گەورەو ئاوەدانکەردەنەو چننەھا  مریڎیٛش پەروەردە کەردییٛنیٛ.

خەلیفە عبدالغفور مریڎو شیخ عبدولقادرو نەجاری بیٛ، ئیداریٛوە پتەو ڕیٛکو پیٛکش نیابیٛرە پەی تەکیەکەیش، فرەو خوٙڵکو ھەورامانو لھوٙنی “ئیدەسو ڕوٙخانەو سیراوانی” مریڎ و دەرویش ئادیشا بیٛ، مڕیڎو دەرویٛشەکیٛش بە کشتو کیارو باخداریوە خجڵیٛ  کەردینیٛ، سەمەرەکەیچ پەی ویٛشاو تەکیەی بیٛ.

تەکیەو خەلیفە عبدلغەفوری  فروان بی و تەکیەی تەرش جە دەگاو شەڕەکانی و شیٛخانی و ھانەگەرمڵەی نیارە، دماو وەفاتو خەلیفە عەبدولغەفوری کوڕەکەش مەلا محمەمەد بی بە یاگەدارش، ئیسایچ دماو ویەردەو زیاتەر جەیەک قەرنی ھەڵایٛ تەکیەو نەرویٛ مەنەنو ھەرمانو کارو ویٛش بەروٙ راوە، مەلا محمەد کەسیوە  ئایندارو ڕوو وەش وکەم نەفس بۍ،ئەھلو کەیفو زەوقی بۍ، خەریکو کشتو کیارو باخدارینو خەرجو تەکیە ی پی جوٙرە بەرمارۊ، وەلیٛ داخەم مەشوٙ ئیسا مەلا محمەد یاگیٛنە کەوتەن و نمەتاووٙ ھەرمانو کار بەروٙ راوە.

ئی بابەتە ساڵەو 1389  بە فارسی نویسیان جەلاو ئیبراھیم شەمس ( شش ساڵیٛ چێوەڵتەر)

د.ناجح گوڵپی کەردەن بە ھەورامی  14/8/2017

 hewraman
  • هەورامیەکیٛو وەڵاتو هیٛندستانی

    هەورامیەکیٛو وەڵاتو هیٛندستانی جە وەرنیشتو وەڵاتو هیٛندینە و جە شارو بومبەینە کە کەوتەن لا…
  •   هەرەرا

    هەورامان بەهەشتا و یاگە وەشەکاش بشناسمیٛ.            “هەرەرا” ئەگەر ڕات گنوٙ ل…
  • هەورامان و پیرشالیار و کوٙمسای

    هەورامان و پیرشالیار و کوٙمسای حەیفا تەختەکم دەورە دریانی دەفتەروو نەقشوو بێگانەکانی تا نە…
Load More In هەورامانی بشناسدیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مە؛ موٙرفیمو سەرەمڕەی

                مە؛ موٙرفیمو سەرەمڕەی موٙرفیمو”مە”ی سەرەمڕەی، یوٙن جە سیما دیا…