یانە گردین متاومێنە فەرهەنگێوە ژیرانەما بۆنە

متاومێنە فەرهەنگێوە ژیرانەما بۆنە

41

متاومێنە فەرهەنگێوە ژیرانەما بۆنە

——- ئەمن بنیادمێوە ژەنینا کە متاوونە گرد چێوێوەم وەرگیری بکەروونە، مەسەڵەن: زارۆڵە وینای، متاوونە ویر بکەرونەوە کە دەلیلو ئانەیە ئەدام و تاتەم نەتاواشا ژیوایێوە وەششا بۆنە چێش بینە؟ دەلیل: ئینە کە بێبەرنامە ژیوێنێ. ئەدا و تاتەم 9زاڕۆڵێشا وسێبێنێوە. من گەرەکمەن شووم کەرد، ئەوەڵ کارێوە کە بکەرونە، ئانە بۆنە کە نازوو پێسەو ئەدا و تاتەیم9زاڕۆڵێم بانێ، ئاخۆر گەرەکمەن کوچالێو جە ژیوایم لزەت بەروونە هەر پاسە ئەمن گەرەکم نیەن زاڕۆڵەکام بەدبەخت بکەرونە.
——- ئەمن متاوونە، جیاتی ئانەیە کە گرد وەختانێ زکر و فکرم بۆ ئانە کە بلونە بازار و پاڵا تەقتەقێ، “گجیێ مودل سەرێ. ماتیک، بەرگە پشتیێ، پەردێ، قاڵیێ، پەتوێ و هەوەڕێ شیشەینێ بسانو، یا بە شێوێ گردین جیاتی ئانەیە هەر ساڵێو “یانە تەکانی” بکەرونە. بەونێ و “مەژگ تەکانی” بکەرونە. متاوونە جیاتی ئی کارەیە؛ بەونە پووڵەکەیم جەموە بکەروونە، گۆشەو لایسەریی یانەکەیموە “یانە کتێبێوە مەرزنورە” با هەم وێم چەنەش بەهرە بەروونە و هەم فەرهەنگ سازی بکەرونە پەی شوەکەیم و زاڕۆڵەکانم، گەرەکمەن مێمانەکانم فێر بکەرونە کە مەیا یانەما جیاتی ئانەیە باسو “گیجە ڕەنگ ڕەنگیلا بکەرانێ” یا قسێ خەڵکی بارا و بەرانێ و ئاژاولێ وەشە بکەران بەینو ئینسانەکانە، باسو ئا کتێبانە بکەرانێ کە ئەسەرشان نیان سەرشا، باسو ئاوەزی، ژیری، علم، وەڵکەوتەی، باسو چارەسەری تەنگو چەڵەمەکان بکەرانە، باسو نیازە ئیساسیەکاشان. رومانەکا وەرق بدانەوە باسو شەخسیەتەکاشان بکەرانێ، و نویسەکا نەقد بکەران.
——- ئەمن متاوونە، یانەو وێمانە مودیریەتو ئاوێ بکەرونە، گردو خەڵکو ئێرانی مەواچان، وشکەساڵی هەن ڕاوە، ئەڵبەتە من هەر بێ ئانەی وشکەشاڵیچ بۆنە متاوونە ئی کارەیە بکەرونە، ئەمن گەرەکمەن یۆهەم ژەنی بونە، جیاتی ئانەیە پێسەو ژەنەکاو شاری، شڵنگو ئاوەکێ تا ئاخر وەر بدەونە، بەونە ئی کاری نەکەرونە. متاوو ویرکەرونەوە کە ئیسفاڵت شتەیش گەرەک نیەن، ئانە مەژگو منەن کە نیازش بە شتەیەن. من متاوو نازو شوەکەم ماشینەکەیش بە ئاوەو واردەی نەشۆرۆنە، ئەی کارواششا پەی چێش وەشکەردەن. من متاوو جیاتی ئانەیە کە دوێ مانگێ کەڕەتێ 70هەزار تمەنێ فیشو ئاوێما پەی بەیوە، 7هەزار تمەنێما پەی بەیوە. متاوو قاڵیەکا و پەتوەکا و لاکێشەکاو یانەیمان، بە ئاوەو واردەی نەشۆرونە، ئەی قاڵیشتەیشان پەی چێش مەرزنانەرە. من متاوو نازو شوەکەم چێرو یانەکەیمانە چاڵە ئاوی بکەنۆ، من ئینسانەنان و هەنا چی جامعەنە و نمەتاو زوڵم بکەرونە ئەو خەڵکی تا مەنفاعی فرەتەر بیاوۆ لاو وێم، چاڵە ئاوی هنو گردینو شارینە، تەنیا هنو من نیەنە.
——- ئەمن متاوونە، وەهارانی چا وەختەنە کە گردینو خەڵکی گەرەکشانە شوەکەیشا و زاڕۆڵەکانشا پێجاوە و بەراشا پەی یاگێوە و کەرگێوە یەرە کیلوە و نۆشابێوە گازدار و یا کیلوێوە گۆشتی سور بوەران، و دماتەر بنیشا دلێ ماشینەکەیشان بگێڵانەوە. من متاوونە، باس بکەرونە پەی شوەکەیم، پەنەش بواچوونە، عەشقەکەم؛ بۆرێ با وەشتەر بژیومێنە، مەگەر نمەزانی خەڵکو لاو ئێمە فرەینەش نەوەشی “چەربی ونی و نەوەشی قەنی و نەوەشی دڵیشا هەن”؟ دەی بۆرێ عەشقەکەم با جیای ئی کارەیمانە، زاڕۆلەکاما فێرو وەرزشی بکەرمێنە، بۆرێ با بە پای پیادە دوێ کوێ و کەمەرێ بگێڵمێنە، مەزانی چێشەن عەشقەکەم؛ ئێمە پی کارەیمانە وەرگیریمان کەردەن، جە ناساقی وێما و زاڕۆڵەکانما، پی کارەیمانە، ناسەنما ماشینەکەما دوکەڵەکەیش بکەرۆنە گڵوەو ژیوگاکێمانەرە، پی کاریمانە، لاشەمان، گردینو چەوریەکان مەکەرۆنە بە ئاوی و مەوزۆشان بەروە، ئێتر پەی چێش هەر چی ڕوێنێ پوڵو دەوا و دەرمانی بدەونە. بۆرێ عەشەقەکەم با پێسەو خەڵکی نەژیومێنە، با ویربکەرمێنەوە. ئێمە متاومێنە.
بنویس: ژیار سڵامەتیان، 5وسیاوکامی1396ک.ڕ

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیر سکڵه‌

پیر سکڵه‌   داریوش ڕه‌حمانی په‌ی نه‌به‌ز هۆرامی ئه‌جۆت پاسه‌نه.پاسه‌نییه‌ن.ئه‌ڵبه‌ته‌ پاسه…