یانە ئەدەب و هونەر با ئۆجاخە هەر کۆرە بۆ  

با ئۆجاخە هەر کۆرە بۆ  

38

با ئۆجاخە هەر کۆرە بۆ

 

ولێ،، گۆڵیە شەسپەڕە بێ کە ڕاو سەخڵەتەو باخیەنە درۆسای بێ و دلێ درکوو داڵینە ژیوێ.

ماویه فرەن بە ئاواتەو ئانەی ویارانش کە ڕۆیە بەی و ڕاویاریە ناسک خەیاڵ ڕاش گنۆ ئا مەحاڵە ئێدٚەش چەنەنە و وەڵ چانەیە هەستوو ژیوایش سیس بۆنە ڕفانۆش.

پێسه زانێ بە ڕەنگ و بۆش

خیاڵیە وەش..

دڵیە گەش…

و

ژیانیە ڕازنۆوە پەی هام دڵوو وێش.

یاونابێشا گۆشش عەسروو وەراوا تەمادٚەرە بۆ بیا بەراش پەی پەیوەننی.

 پێسەو چیویە باخەوانیە باخش بێ سەمەر مەنەن و ولێش دەس نیشان کەردێنە.

 

لارە سێوەرێ تەقاینێ .. چیر داڵانەکەو مەتی “منێ”نە  تاپۆیەشا زنیرە چوار پەنج نەفەرێ کەوتێبێنێ چەنیش.

ئەر وەوەنە! بادٚە و بادٚەش کوا؟

دوور گیانش ئەر مەردەن! دە‌ی حەی ئەڵڵاش کوا؟

کوڵەپیایە سەرە چەرمە باڵیەش گێرتێبێ و ئەو باڵەکەیچش مەتی “حەلاوە”ش یاگێو  براڵەی نەویەیش..  بەڵام فرەتەر چانەیە شێ ئێدٚە هەردویش دایبا بنٚەو کەشیش.

هەرچیە ویرێ کەرێ دڵش پی هەرمانێ ڕەزا نەوێ و ئەجۆش بەرێنێش پەی قوروانی.

ئەدٚاش گرد جاریە واچێش پەنە: ” ڕوڵە گیان پەیچێ پێسەو “ماشی” وەڵێ واڵەکات گێرتەن؟

ئادٚێ بە حورمەتوو تۆوە شوو نمەکەرا ،ئانەشا هەن وەرەچەماوە شان بە شانوو من دەگاو دەگا کاروان کەرێنی تا ئێدٚێ دەرس بوانا. تەمادٚەروو کوڕە قازاخەی مەوە بەێ داواتوە،

جوانیت لوان باوانێ..”

هەروەرە هەنگامەکاش تنٚ و تنٚتەر کەردێوە،عادٚەتش بێ گردجار کەوتایا دلێ ویرا کەس نیاوێ پاشەرە.

دلێ ڕانە بێجگە پیشە پیشوو کوڵەپیای کەس دەنٚش چوە نامە.

نزیکوو یانەو کابرایوە بیێ،ژەنیە کەردەبێش بانجەڵەکە بە دموو گرەوەیوە هاوارێ کەرێ: “پەیچێ دڵمۆ ترەکنا پیاکە…چەنی دڵت ئاما؟”

ژەنی باوشیشا پۆرە کەردەو بەردەشاوە یانە و لاونێنێش، کزۆڵیەوە دەنٚنوو ژەنەکێ ئێ گۆشوو ولێ ؛ “گووناحەو من چێشە بێ؟قەسای لوایبێناوە باوان لاو وێموە .. ئانیە کۆمەڵەو دووموکرات کەردشا بەرەرە و فیشەک نیشت تەختوو سینەو ئەد٘ایمەرە، ڕۆحم بی یەرێ کۆتێوە،، ئا شەکیای شەکیانیوە ئێتر نامانیوە سەروو وێم .بێ ئەدٚای بیا و نەویانی ئەدٚا..”

جە لاو ولێوە دڵتەزێنتەر جە ویەردەو ژەنەکێ؛ دەنٚنوو ئانیشا بێ یا نۆتق کەرێنێ پەیش : “ئەهوەنە بە واڵێ ..خۆ ژەنی ژەنی نموەرۆ !”

ئەژمارەو ئا ژەنا بیێبێنی قوروانی جە دەسش بەرشیەبێ

ژەنەو کوڵەپیای…

ئەدٚای شەهیدەش…

وێش..و هەزاران… هەزارێ تەر….

ولێ ،گرد جاریە حبیە وەرێ و واچێ,

با ئۆجاخە هەر کۆرە بۆ..!

 

ئێران مورادی “ناریا ”

 hewraman
  • پیر سکڵه‌

    پیر سکڵه‌   داریوش ڕه‌حمانی په‌ی نه‌به‌ز هۆرامی ئه‌جۆت پاسه‌نه.پاسه‌نییه‌ن.ئه‌ڵبه‌ته‌ پاسه…
  • بانگوو ژەنێ دلیٛ شەوەو نەریتینە

    بانگوو ژەنێ دلێ شەوەو نەریتینە لاکەردەیۆیێ جە شیعرێ ـ مەهوەش درووستکاریٛ. شیعرەکێ: ئاسمانو…
  • تەمەن 

    تەمەن  زمسان بار و بنەش هۆر پێچابێ ، شەوێ واتم سۆحا هایم بیوە، گجیە سوورەکەیم کەروو وەرم، …
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیر سکڵه‌

پیر سکڵه‌   داریوش ڕه‌حمانی په‌ی نه‌به‌ز هۆرامی ئه‌جۆت پاسه‌نه.پاسه‌نییه‌ن.ئه‌ڵبه‌ته‌ پاسه…