یانە هەواڵیٛ هونەرمەند حەمەئەمین خواشتی کوٙچی دماینش کەرد

هونەرمەند حەمەئەمین خواشتی کوٙچی دماینش کەرد

136

هونەرمەند حەمەئەمین خواشتی کوٙچی دماینش کەرد

ئاروٙ شەممە 27/7/2019 و وەراوەر چەنی(5/5 /1398ک.ڕ )، هونەرمەندو هەورامانی  تەمەنو حەفتاو یەک ساڵینە پەی هەتا هەتای جیاش ئاستیمیٛ و گیٛڵاوە بارەگاو خوای گەورەی.

سروشتی جوان و ڕەنگامەو هەورامانی هونەرمەندیٛ فریٛش پەروەردە کەردیٛنیٛ، حەمەئەمین خواشتی یوٙ بیٛ چا هونەرمەندە دەنگ وەشا، کە بە ئاو و هەوای سازگارو هەورامانو ژاوەری پەروەردە بیەبیٛ.

هونەرمەند ساڵەو 1327 کوٙچی ڕوٙجیاری جە دەگاو خواشتی، ناوچەو ژاوەروٙی پەیدا بیەن، بنەیانێوە هونەر پەروەرنە گەورە بیەن، تاتەی ڕەحمەتیچش ” محمد علی”  گورانی واچ بیەن، دەنگێوە وەشی دڵنشینش پۆوە بیەن.

حەمەئەمین خواشتی پانزە ساڵینە نەمان گورانی واتەی، ساڵە 1342 ک.ڕ یوەم گوارنیەی هەورامیەش واتیٛنەو توٙمارەش کەردیٛنە، ئتر پاش نیان مەیدان و هونەرو گورانی واتەی.

تەمەنو 63 ساڵەینە یانەشا ملوٙ پەی شارو سنەی، چاگە جانیشت بوٙنە تا مەردەیش. ڕەحمەتی بەرهەمو ژیوایش دوویٛ کوڕیٛ و یەریٛ کناچیٛنیٛ.

هونەرمەند حەمەئەمین خواشتی  تەوانایش ملو گورانییٛ( سیاوچەمانە، چەپڵیٛ ، وردە بەزم…هتد ) بیٛ، چەنیو هونەرمەندانو هەورامانی ( عوسمان کەیمنەیی، حمەحسین کەیمنەیی، جەمیل نەوسودی ، فەتحوڵا ئەمینی، سەباح هەورامی ڕەحمەتی …هتد) گورانییٛش واتیٛنیٛ.

دەنگ و ڕەنگو حەمەئەمەین خواشتی پەی هەتا هەتای دلیٛو خەڵکی هونەر دوسو هەورامانینە بە زیندەی مەنوٙوە. بەنامیٛ وەڵاوگاو هەورامانیوە پەرسەو سەرەوەشی پەی بنەیانەیش و هونەر دوسا و خەڵکو هەورمانی کیانمیٛ.

وەڵاوگاو هەورامانی  Hewraman.net

27/7/2019

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مە؛ موٙرفیمو سەرەمڕەی

                مە؛ موٙرفیمو سەرەمڕەی موٙرفیمو”مە”ی سەرەمڕەی، یوٙن جە سیما دیا…