هەرەرا

111

هەورامان بەهەشتا و یاگە وەشەکاش بشناسمیٛ.

           “هەرەرا”

ئەگەر ڕات گنوٙ لای سەری کەشە بەرزەکاو هەورامانوو تەختی، پا سەربەرزیوە چەمت گنوٙ بە بەهەشتیٛ بیٛ ویٛنەی بە نامیٛ “هەرەرا”ی.

“هەرەرا” گیٛرە هەر ئا هەرارە بوٙ کە تاریٛخەنە بە نامیٛ پایتەختوو کلدانیەکا ئامان.

ئی یاگە وەشیٛ پا پوٙپەو کەشاوە باخێن کە تەڵانەکیٛش بە شیٛویٛوە موهەندیٛسی و زیگوٙراتی، ئوٙسای سەلیٛقە وەشی هەورامی بە ڕانموونی حەزرەتوو شیٛخ ئوٙسمانی بنەڕەت مەرزنانەرە.

لای سەری باخەکەیوٙ هەساراویٛ فرە گەوریٛ هەنە کە کیەو هانەکەیش کام پیا باڵا بەرزا، ملوٙش پوٙرە و سەرەش مەتەقوٙ.

ئی هەساراویٛ سەر تارە وار باخەکەی پاراو کەروٙ.

تاف و قەڵوەزیٛ ئی باخە وەشەیە وەختوو ئاو داراینە ئی باخیە کەرا بەهەشتیٛ بیٛ ویٛنە و تەماشە کەرد٘ەیش تیٛر وارد٘ەیش نیا.

دلیٛ ئی باخینە هەر جوٙرە میٛویٛوە کە توٙ تەمەناش کەری، دەس گنوٙ.

دەسیٛ یانیٛ قەڵا ئاساییٛ کە داخەم مەشوٙ ئیٛسە ویٛرانیٛنیٛ! دیمەنوو باخەکەی ڕەنگینتەر و دڵنشینتەر کەرا.

داخەم مەشوٙ! ئیسە ئی باخە بیٛ ناز کەوتەن و کەمتەر وەنەش پەرساوە!

ئەگەر گەرەکتا جە ژیوای و وەشیەکاو هەورامانی فرەتەر لەزەت بەری، سەریٛ دە “هەرەرا”ی.

سوبحان ئەمینی

۲۱؍۴؍۹۸ ک.ڕ

 hewraman
Load More In هەورامانی بشناسدیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەراگیٛڵی

ئەراگیٛڵی ئەگەر شەویە جە شەوەکان ئاسمانوو پەڕ جە هەسارەو یۆ جە هەوارەکاو هۆرامانی کەردیمێ …