یانە پەیلوای هەورامانی بیٛکەس!

هەورامانی بیٛکەس!

129

هەورامانی بیٛکەس!

ئانەی ڕاسی بۆ حەر میللەتێە بەتەماو خاڵۆ مامۆی بۆ هەرگیز نە ئاواتش بەدەس مەی وە نە مەتاووٙ حەقوو وێش بسانۆ،
دلێ خەڵکانێوە بە نامێ هەرچی وپەرچی! تەنیا جە چیردەسەکا پێسەو ئەبزاری ئێستفادە مەکەرا،حەر زەمانێوە پیویست بە مێژو وە ئاسەوارەکابا ئێمە هەنمێ وە چەپڵی وشکی مەڎانە پەیما! وە دڵوە فرەێش پەنەما خوا !!
هەورامانیە بە مێژویە هەزاران ساڵە بە شەبەک،کاکەیی،یارسان،فەیلی،زازا،ئەلحەق،لەک،زەنگەنە،باجەڵان،شێعەوسۆنەوە وە…مەشیو ئارۆ ئەنڎە هەتیم گنۆ کەبڕیە بێ سەرووپای لایەش چەنە نەکەراوە وە ئاڎیشا وزا پەشتەوگۆشیشا!
جا بەنامێ چێوایە زلتەرچن ڕۆیە ویارناش،حەر وەختێوە ئەگەر هەورامی زوانیە داواو حەقوو بەرابەری وێش کەردەن پێسەوکەمتیاری مجیا سەرەشەرە!
ماچا ئینانە داواو جیایی کەرا، وەدیارەن جە تەرفوو حکوومەت وە دەوڵەتێوە پەشتیوانیشاچەنە کریۆ تا کورد دووبارە مازیش ماڕیەو !ئاخرکوردیە ئەگەرکورد بۆ وە حۆرمەت وە حەقیقەتوو ڕاسی من پێسەو ئێنسانێوە قەبوڵ نەکەرۆ جا با هەزاران جارێ مازیش مەێڕیەو! هەزاران جارێ بیانی وە کەردێمێشا ئەبزار، یا پەێ جەنگی یا پەێ بەرژەوەندی وێشا بەڵام داخەکەم تەنیا پەێ جارێوەش جە هیچ کەلاموو کتیبێوە نامێشا نەبەرد.

ئەدەبیاتوو فەرهەنگ و هۆنەر وە هەزاران هەزارڕەسم ویاساوە سۆنعەت وعیلم وعێرفان ودانش سەرچەمەش هەورامان بیەن وە هەن، مەخابن! پەی ئاقڵ وژیریە چا هام قەتارە دووڕەنگانە نامێوەش چەنە برا؟ِ
ئیسە کەهەورامانشا ویقلەوە کەردەن دیسان وە دووبارە گەرەکشانەن چێشش سەربارا، ئایا هەورامان ڕاو لەکەکا کە براێش بێنێ گێرو وە یا دووبارە چەمەڕاو دماڕوی مەمانۆ.

تەنیا مەشیۆ مدرمێ تائی کۆنگەرەێشانە گێراو تەمامیوە جا ئێمەێچ هەڵویستوو ویما سەبارەت پاێشا نیشانە دەێمی، بەڵام ئانەی کەپێسەو ڕوێ ڕۆشنەن حەرکەس هەن جە ویروووێش!.

 

ئێمەوکەسایەتیەکاما

ئا روە تەنیا کەوتێمێ یا پرۆفێسۆرحەمەومین هەورامی بە پیایی ژیا وە بە هەژاری کۆچش کەرد، ئاوەختە هەتیم کەوتێمێ کە پرۆفێسۆرئەفراسیاوهەورامی پاگردە ڕەنج وتەلاشەوە جەهیچ کەلامێوە نامێش نامە!
ئازەمانە کەوتێمێ پەشتەوگۆشا یا ئەحمەد نەزیری و عادڵ مۆحەممەدپوور وحەمە ی فەهیمی و دوکتورمحموودی وخانم عۆسمانپوورەو و….چەنی عۆسمان هەورامی وحەممەحسین کێمنەیی وجەمیل نەوسوویی و….بەشایستەو چەنەئامای ئانەشانە نەزانای تا چی جۆرە کۆنگرانە خەڵاتشا دا پەنە.

ڕاسی تەماموو کوردەواری بە ئەنڎازەو دانیە هەورامی پێسەو حەممەڕەشی ئەمینی کارش پەی کوردی کەردەن یا پێسەو ئەفراسیاو، وە مۆحەممەدپوورەکا وە مەنسوور ڕەحمانی و…
تەماموو ئی خاکەیە کەپەنەش ماچا کوردەواری وکوردێش چەنە مەژیا نەتاوانشا تەنیا وەرقیە پەی هەورامیەکا وە پەی دڵ وه شی ئاێشا بە زوانی هەورامی بنویسا.
ئەڵبەت من ناراحەت جە تەماموو کوردی نیەنا، بەڵکوو ئاکەسانە کە بەنامێ کوردیوە ئارۆ دەسەڵات هەن دەسشاوە وە تەنیا پەی بەرژەوندی وە بەرزوەکەدی وێشا ئێش وکارمەکەرا، پێسەو کاک حەممە شەریفی وات، ئاێشا بە تەمامی دەسشا جە ئێمە شتەنەرە، جائێمە ویما گێل کەردەن!
ئەگەرچی چاڵاوێچەنە هۆرگۆزم دیارەن پایەتەرما هۆرگێرتەن پەی مەنەی! ڕۆ بە ڕۆ بە بۆنەو ژەن وژەن واستەێوە
بێ ئانەیە ئاگاداری بێمێ خەریکەن کەموو کەمتەری بێمێوە، ڕۆزگاریە بێ حەشیمەتوو شەبەکی زیاتەرجە یەرێ میلیون کەسی بێنێ وەلی ئیسە یاواینێ تەنیاچەنسەڎ هەزارکەسی، خوڎا مەزانۆ پێسەوقەڎیما واتەن ئاقیبەت چێشما سەرمەی!
ئێمە حەرئانەیە بزانم کەئیتر ڕۆ ئاڵووژیای پێ وپایرە نەمەنەن، ڕاو ویما گیٛرتەن وە مەشیو قۆرستەرجە جارانی هەنگامە هۆرگێرم،
ئیترسپاس.

سەباح شیانی(سنە)

دوویٛ دەردەدڵیٛو سەباح شیانی بۆنەوە کۆنگرەو نامدارا کوردی جە سنەنە نویستەنش

 hewraman
Load More In پەیلوای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەراگیٛڵی

ئەراگیٛڵی ئەگەر شەویە جە شەوەکان ئاسمانوو پەڕ جە هەسارەو یۆ جە هەوارەکاو هۆرامانی کەردیمێ …