یانە ئەدەب و هونەر پانزدە سانتێ جە ئەو من بەرزتەرە بێ.

پانزدە سانتێ جە ئەو من بەرزتەرە بێ.

78

پانزدە سانتێ جە ئەو من بەرزتەرە بێ

ئەپا قژە سوور و ئاویریناشوە پێسەو ئاسمانخەراشێو بێ کە گڕش گێرتەبۆ. ئەپی بۆنەوە نامێم نیا ئاسمانخەراشی جەهنەمی. ئەڵبەت دیمەنش چێوێو تەر بێ، چەنی تاوابێم؟ پەی چێشی هیچ وەخت ئا دیمەنە زەریفەمە نەدیێبێ؟

گێرە ئەپا بۆنەوە بیەبۆ کە هەر یەرێ ڕوێ جارێو مەدرەسەنە بەرشێنا. شایەد ئادیچە ئی کاریە کەرێ. بەڵام ڕوانێو کە ئەمن مەدرەسەنە بێنا دووراو دوور گنێنا شۆنیش، گەرەکم بێ گردو سووچ و گۆشەنیکاکانوە بوینوونەش هەتاکوو بتاوون گردین پەی خیاڵپەردازیەکانیم بسازنوون.

بڕیو جارێ یەواش لوێ ڕانە و پێسە بواچین کەمێو جە سێوەرەکەیش قورستەرە بۆ. بیەیم حێس کەرێ بەڵام ئەمن فرە جە ئادێ فرزتەر بێنا. هەر وەختێو دیایەوە دما وێم کەرێنا بە نابەڵەد هەتاکوو پاسە بزانۆن تەماشاو ئاسمانی مەکەروو و هەورەکان مەشماروو.

گێرە گەرەکم بێ وێم بکێشوونە سەر، گێرە گەرەکم بێ جە ڕاو ئی ژەنە باڵا بەرز و کەڵ ملێوە وێم جە جەژنەو تاقانەو نائۆمیدینە خەلاس بکەروون فرەخاسەن. ئینە هەقوو ئەمنەن شەڵڵای جە ئەنگیزەکاو ناخودئاگایم بێ هەواڵ بیایەنا.

ئەمنیچ حەز کەرێنا پێسەو گرد کەسێو جە دەوروە دای لەزەت ببەروون. نەتاوێنا بە چێویە بێجگەم ئادێ و وردەکاریەکانشوە ویر بکەروونێوە.

پەی نموونەی قژە سوورەکاش. بەڵام بە ڕاسی ئێننە دما کەوتە بێنا کە قژێ جادووم بکەران؟ مەبەستم قژێ هەقەتینێنێ! گرد کەس قژێش هەنێ! مەبینانشان، وەرشان مەدان. دەی کە چێش؟

ئی نەوەشیە وەسواسیە تەنانەت ئیسەیچ کە مەنویسوونەش مایەو شەرمەساریمەن بەڵام پاسە بزانوون فرەیچ غەیرە تەبێعی نەبۆنە. عەشق ئامایش ئەپی جۆرەن، چەنیو ئوبژەو عەشقی مەلاقات مەکەری و بێ ماتڵی درزێوە دەروونتەنە دەس مەکەرۆ بە خارشت، درزێوە کە هەمیشەی بیێنە، بەڵام سەرەنجەت پەنە نەداینە. تا ئینە کە کەسێو مەیو و پەڕشوە مەکەرۆ و دماییچ بەر مەشۆ.

جز ٕاز کل

#استیو_تولتز

سەعدوڵا خونخان- شەهریار

 hewraman
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەراگیٛڵی

ئەراگیٛڵی ئەگەر شەویە جە شەوەکان ئاسمانوو پەڕ جە هەسارەو یۆ جە هەوارەکاو هۆرامانی کەردیمێ …