یانە زانای زاڕوٙڵە کەی واردە بوەروٙنە؟

زاڕوٙڵە کەی واردە بوەروٙنە؟

91

زاڕوٙڵە کەی واردە بوەروٙنە؟

فرەو دکتوٙرەکاو  ویارو واردەیو زاڕوٙی ماچا نمەبوٙ تا تەمەنو چوار مانگی زاڕوٙ هیچ واردێوە ڕەق بوەروٙ، چون بوٙ بایسو هەستیاری و قینکەوتەیش جە واردەی، هەرپاسە دوور گنوٙوە جە کەلکو شوٙتی کە خاستەرینەن پەی زاڕوٙی چا عەمرەنە، فرەو جاری واردەی ڕەق بوٙ بایسو قەڵەوی و خیشی زاڕوٙی. وەرو ئانەی مەشوٙ وەڵێ ئانەینە پەرسەو دکترو  زاڕۆڵا بکریوٙن.(( واردەی ڕەق یانی چاشتی و میوە و سەوزە پیٛسە واردەیو گەورەی)).

بڕێ جاریٛ کریوٙ چیٛرو موٙچیاری دکترینە، ژەمێوە جە دانیٛ( حبوب) کوٙیای، هاڕیایوە دەی بەزاڕوٙی تەمەنو 4- 6 مانگینە، هەرپاسە کریوٙ سیٛفیٛ و میوەو سەوزەی هاڕیاوە، کوٙیا، یام ئاوەو میوەکەی دەی بەزاڕوٙی، پیٛسە موٙزیٛ جە تەمەنو چوار تا شش مانگینە. سیٛفیٛ شیرینیٛ جوان گرینیشا و ساویشاوە، پلیٛقنیشاوە، یام بڕیٛ میوە هەن ئەوەجەش بە گرینای هەن پیٛسەو”مروٙی” ئیجا ساویشوٙ و مدەیش بەزارۆکەی.

وەلێم کە تەمەنش بی بەشش مانگیٛ تاوی گوشتی کوٙیاو وردکریاش دەی پەنە، هەرپاسە تاوی بڕێ جە میوەکاش دەی پەنە، چوون زاڕوٙ چی عەمرنە متاووٙ بە دەس، میانو پەنجەکاشنە قاژو ساویٛ بگیٛروٙنە و کەروٙش دەمشەرە وردە وردەی کەلکش چەنە گیٛروٙ، چەنی ئانەیە مەشوٙ چەمڎاریش کەری نەوەک لتو قاژە ساوەکەی بلوٙ دەمشرەو خنیکیوٙ. یانی وردە وردەی دەسکەری بە واردە دای پەنەیش.

تەمەنو هەشت مانگینە  مەشوٙ زاڕۆ لای کەمیوە ڕوێ یەریٛ ژەمیٛ واردەی کویا یام هاڕیاوە نەرم بوەروٙنە”چاشتی” پیٛسە برنجی و گەنمیٛ و میوەی و گوشتی وردکریا ئاوەو میوەی .

تەمەنو نوٙمانگینە تاوی جوٙرو اردەکەیش زیاڎ بکەرینە، یانی واردە هاڕیاوەکە ئەگەر کەمێو ڕەقتەریچ بۆ گرفتێوە نیەن.

مەشوٙ وریا بی تا تەمەنو یەکساڵینە هەنگوین و شوٙتو گاویٛ نەدەی بە زاڕوٙی، تا ساڵێوە تەمامنوٙ یام دماتەر ئی جوٙرە واردەشە دەی پەنە. بڕێ واردیٛ هەنیٛ کە دکتوٙر ئەرمانوٙشا پەی زاڕوٙی، یام بڕێ واردیٛچش وەنە مەنعە کەروٙ کە نەوەروٙشا جە تەمەنێوە دیاری کریانە، ئینە دکتوٙر دیاریشان مەکەروٙنە.

 جەئینتەرنێتۆ: د. ناجح گوڵپی 25/6/2016

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەراگیٛڵی

ئەراگیٛڵی ئەگەر شەویە جە شەوەکان ئاسمانوو پەڕ جە هەسارەو یۆ جە هەوارەکاو هۆرامانی کەردیمێ …