یانە زوان وەجەڵیٛو نویستەیو چەمەی زوانی هەورامینە

وەجەڵیٛو نویستەیو چەمەی زوانی هەورامینە

146

وەجەڵیٛو نویستەیو چەمەی زوانی هەورامینە

ئەگەر سەرنجەو نویستەیو هەورامی بدەیمیٛ، هەڵای بڕێ هەڵیٛ گنا وەرەچەمما وەختو نویستەینە، بەتایبە  “و” ئیزافەی(دیاروزوو نامیٛیٛ: دیارخەری ناو).( زوانی هەورامینە “و” واو دیاروزوو نامیٛن، وەلێم زوانی کوردی و فارسی و گردو زوانە ئیرانیەکانە”ی” دیار وزوو نامێن).

یانی وەختێوە “و” ئیزافەی گنوٙ سەرو چەمەی ڕستەنە،  فرەو هەورامیەکا پیٛسە منویساش(نویستەو ڕستەی بەزوانو هەورامی) ئینە هەڵەن. یانی پی جۆرە دەمواچ کریوٙنەو هەر پاسەیچ منویساش، جە بنەڕەتنە “و” واو هەن ، وەلێم بە نونگەو ناڕەحەت ئامای سەرو زوانی و دەمواچ کەردەیش دەنگو”ی” قوت دریوٙنە، پیٛسە منوسیاش یام دەمواچ کریوٙ((نویستەو ڕستەی زوانو هەورامینە)) . یام  پیٛسە منویسمیٛش((نویستەی ڕستەی بەزوانو هەورامی)) ((نوسینی ڕستە بەزمانی هەورامی)). چی جوٙریچنە ئیجار “و” قوتدریان، هەمدیسان هەڵەن، ئەی تەگبیر چیٛشەن؟

چەمە پیٛسەو نامیٛ ئەرک وینوٙ  ڕستەنە، پاسەبوٙ فرە ئاسایی “و” واوی ئیزافە هوٙرگیٛروٙنە، ئیسە چنڎ نمونێوە منویسمیٛ، وەلێم بە زوانی کوردیچ منویسمیٛشا تا بەراوردشان بکەرمیٛ:

کەوتنی مناڵەکە جێگەی سەرسورڕمانە… کەوتەیو زاڕوٙکەی یاگیٛ سەرسامینە…ڕاس

(( کەوتەی زاڕوٙکەی یاگیٛ سەرسامینە…کەوتەو زاڕۆکەی یاگیٛ سەرسامینە…. هەڵەن)

کەوتن= کەوتەی. کەوتنی= کەوتەیو

بەخشینی کتێبی ڕوٙمانەو چەمەکاش. بەخشایو کتێبو ڕوٙمانەو چەماکش.. ڕاس

((بەخشاو کتیٛبو ڕوٙمانەو چەمەکاش… بەخشای کتیٛبو ڕوٙمانەو چەمەکاش … هەڵەن)

بەخشین= بەخشای.  بەخشینی= بەخشایو

دماجار ماچم: ئی جۆرە هەڵیٛ دەمواچەنە کریێنیٛ و واوەی کریاوە، ئیسەتیٛ نویستەیچنە سەرمڕیٛنمیٛ سەرشا، یانی هەڵای بەهەڵە منویسمیٛشا، چێولای مەشوٙ نویستەینە هەڵە نەکەرمیٛ و بەدروسی بنویسمیٛ.

ئەگەر گەرەکما بوٙ هەڵە نەنویسمیٛ متاومیٛ چەنی زوانی کودی و فارسی بەراوردشان بکەرمیٛ، چونکە ڕیزکەردەی کەرەسەکاو زوانی جە زوانە ئیرانیەکانە پیٛسەنیٛ یوی.  بنەڕاوە واتما هەمیشە”و” یاگیٛ “ی” ئیزافەینە منویسمیٛ ، زوانی کوردی و فارسینە ئیزافە بە “ی” یام کەسرە کریوٙ.

د. ناجح گوڵپی 21/6/2019 یوەم ڕوٙ هامنی

پانویس:

وەجەڵیٛ= گرفتیٛ

 

 hewraman
Load More In زوان

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەراگیٛڵی

ئەراگیٛڵی ئەگەر شەویە جە شەوەکان ئاسمانوو پەڕ جە هەسارەو یۆ جە هەوارەکاو هۆرامانی کەردیمێ …