یانە هەواڵیٛ هەواڵو یوەمین نیشتەیرەو ئەنجومەنە فەرهەنگی و ئەدەبیەکاو هەورامانی

هەواڵو یوەمین نیشتەیرەو ئەنجومەنە فەرهەنگی و ئەدەبیەکاو هەورامانی

155

هەواڵو یوەمین نیشتەیرەو ئەنجومەنە فەرهەنگی و ئەدەبیەکاو هەورامانی

ئەرەنیشتەیو هامدەنگی چوار ئەنجومەنیٛ فەرهەنگییٛ – ئەدەبییٛو هەورامانی جه شاروو مەریوانینه

سەروو خوڵکەی وەڵینیٛو بەمیٛـمانداری ئەنجوٙمەنی فەرهەنگی و ئەدەبی و هونەری ڕوجیاری، جە ڕاکەوتوو 30/03/1398ی کوٙچی ڕوٙجیارینه و جه یاگیٛ ئەرەنیشتەکاو ئیٛدارەو فەرهەنگو ڕانموونی شارسانوو مەریوانینه لوا ڕاوە. یوەم ئەرەنیشتەیو هامدەنگی چوار ئەنجومەنە فەرهەنگیاو هەورامانی به شانازی و سەروەریوه و چیٛروو نامدیاروو «هەرمانەی پیٛوەریه و گەشەو فەرھەنگی هەورامانی» به سەربەرزی و سەرکەوتەی لوا ڕاوه.

چی ئەرەنیشتەینه سەروو خەسارەکاو ئەرکوو ئەنجوٙمەنەکا و هەرمانه فەرهەنگیەکاو هەورامانی باسیٛوی چڕ و پەڕ کریا و خاڵە ئەرینەکیٛ و نەرینەکیٛ کەوتیٛ وەروو لەیکدایۆ،  دماتەر ڕاهەرمانیٛ ویەردٚەی جه ئاژەو ئیسەی و یاوای به سەرکەله بەرز و ڕوٙشنەکاو گەشەو ڕوٙشنویری هەورامانی نریەیره وەردەموو بەشداراو ئەرەنیشتەکەی. باس کریا که؛ ئیٛمه یاواینمیٛ پی قەناعەتیه که ئاژەو ئاروٙ کوٙمەڵگاو هەورامانی و به تایبە ئاژەو فەرهەنگیش حەنناو بەرکەوتەی و بیەینه ترازیان و ئتر مشیوٙم ئەشناسەو”هوٛیەت” ویٛپای هەورامانی پیٛسە ویٛش سەروو تروٙقوو ئاروٙیانەو فەرهەنگی به لوٙژیکیٛوی سەردەمیانەوه دریٛژه دریوٙنه و بنجەو و زانستی کەردٚەی هەرمانەکا گراڵە دریوٙ پەنە، فرەتەر جه وەڵیٛ گنوٙنه وەرچەم و دەسینەو وەرلوای بە ویٛشوٙ وینوٙ. 

ئیٛمه باوەرما هەن که سازەو دماڕوٙ زوان و فەرهەنگ و ئەدەبیاتوو هەورامانی، سەروو نەخشەو مووزاییکیٛ فەرهەنگییٛوه مەرزیوٙره و چی ڕانه، ئیٛژانه ئیٛژاکیٛ کوٙمەڵگاو هەورامانی و به تایبە تاکو هەورامی زوانی، بوومی و ویٛمانه وەرچەم گیریەینیٛ و دیامانیٛوی ڕوشنەنه مدٚیاوه پرزو دماڕوٙو هەورامانی ھەمیشە سەربەرزی. یانیٛو پیٛوەره بیەی نەک پیٛسه یوٙ بیەیا و کریوٙنه به ئاوەزیٛوی مودیٛڕن وئاروٙیانە، ویٛپا و ویٛپاریٛز، ڕوٙ به ڕوٙ گەشه کەرمیٛ و ڕوو به وەڵیٛ  بلمیٛ و حەزوور بەشداری جە کوٙڕوکوٙبوونەوەکانە بە مارک وستایلوی شیٛوەی ھەورامیانە و پیٛسە ھەورامانی پەرەو تروٙقیش دریوٙ پەنە. دریٛژەو ئەرەنیشتەکەینه، گردٚوو ئەنجوٙمەنەکا سەروو 8 خاڵا هامبەشاوه کوٙدەنگیٛ بییٛ و ئەرەنیشتەی دماینیچ جه سنەنه و پەی نیمەو ئەوەڵوو مانگەو گەلاویٛژی دیاری کریا.

 

نامیٛ ئا ڕیٛکوزیایا”ئەنجومەنا” کە چی ئەرەنیشتەینە بەشداریٛ بیێنیٛ:

  1. ئەرەمەرزیاو فەرهەنگی ئەدەبی بیٛسارانی هەورامانی، شارو سەڵواوای
  2. ئەرەمەرزیاو مەڵڵا مستەفاو بیٛسارانی، شارو سنەی
  3. ئەرەمەرزیاو فەرهەنگی هونەری، شنەو فەرهەنگوو هەورامانی، شارو پاوەی
  4. ئەنجوٙمەنوو فەرهەنگی و ئەدەبی و هونەری ڕوجیاری، شارو مەریوانی

وەڵاوگاو هەورامانی پیرۆزبایی چی لاقوٙرە گەوریٛ مکەروٙن، ئومێڎ و سەرکەوتەی پەی هەورامانی

20/6/2019

 

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەراگیٛڵی

ئەراگیٛڵی ئەگەر شەویە جە شەوەکان ئاسمانوو پەڕ جە هەسارەو یۆ جە هەوارەکاو هۆرامانی کەردیمێ …