یانە ئەدەب و هونەر ژیوانامەو مەلا عەباس حیلمی کاکەیی

ژیوانامەو مەلا عەباس حیلمی کاکەیی

100

ئی باسە وەزوان گوران نویسیان

مەلا عەباسی حیلمی کاکەیی (١٨٨٢_ ١٩٦٦)
(پەی بەدان عەدوو دەروون پڕ قارم
چەنی قەوم یۆم دڵ ساف و یارم ..
یە عەباس واتەن کەساس بازاڕم
پەی کورد گۆران خاس خزمەتکارم)
……………………………………
نامش وە تەمامی (سەی عەباس کوڕەی سەی وەڵەد کوڕەی سەی وەلی وێزە) ساڵی ١٨٨٢ چە گەڕەکی موسەڵڵای شاری کەکووک ئاماوە دونیاوە چە نام خێزانیکی ئاینی ھەژار، تەمەنش چوار ساڵ موۆ باوەش مەلـۆ وەر قاپی رەحمەتی خوا چە تەمەنی شـش ساڵان دایەشی مەلـۆ وەر قاپی رەحمەتی خوا، بۆیە ھاڵۆی شاعیر (سەی سلێمان کوڕەی سەی حەسەن کوڕەی سەی مەجرووم) شاعیر مەوەرۆوە لای یۆش چە شاری موسڵ، ئیتر چە شاری موسڵ شاعیر ئاشنا مۆ وە نوێسنا و وانا، چە تەمەنی توێلەکی مەگێڵۆوە پەی کەرکوک، مەڵۆ وە لای (مەلا زەینەڵ و مەلا فەتۆش کوڕەکانی مەلا حەوێش کاکەیی) فێری نوێسنا و واناش مەکەرا وە پووختی، ساڵی ١٩٢٥ مەلۆ نام ژیانی ھامسەریەوە چەنی خاتوون (عەمەر کناچەی سەی قەڵەندەر) و دووە کوڕە و چۆار کناچەش مۆ ژیانش وە ھەژاری جفتیاری وە سەر بەردن، گشت کاکەیی چە لای مەلا عەباس مارەی ژەن بڕێنی بۆیە خەڵک خۆششان گەرەک بێن، دەیان کەس چە وەردەس (مەلا عەباسی حیلمی) فێر نوێسنا و وانا بی وەک سەی حەمە ھەیەر و مام حوسین و دەروێش عەلی و حاجی لەتیف و گوڵە خاتوون .
چە دەست نوێسە وڵاوەنەکریاکانش چە لای خانەوادەکەش مەنەن داستانەکانی ( ھەفت لەشکر ، بەرزۆ فڵامەرز ، عەزیم شاە ، زۆراو و رۆستەم ، شیرین و فەرھاد ، مەنێژە و بێ ژەن ، خورشید و خەرامان ، حەسەن و حوسین ، قەندیل قەڵا) وە ھیممەتی مامۆستا ھەردەوێڵ کاکەیی دیوانی(مەلا عەباسی حیلمی کاکەیی) کۆ کریاوە و ئاماوە چاپ چە ساڵی ١٩٨٤، چە ١٩٦٦/٦/٧ زانای ئایینی یارسان رەوانی پاکش ئێمەش وە جگا ھاست وچە گۆڕستانی عەلی سەرا گیانش وە خاک سپارد
…….
وێنەی شاعیر کاری ھونەری نێگارکێش گرفتار کاکەییەن

نویسنای: ڕەجەب کاکەیی

 hewraman
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

سەرنجێ ویٛمانە سەروو دەقێوە کاک بێهرووز محەمەدپووری (شاروٙ)

قومێ لەزەت و عومرێ جادە سەرنجێ وێمانە سەروو دەقێو کاک بێهرووز محەمەدپووری (شارۆ)  عادڵ محە…