یانە گردین گەورە ویٛش بەگەورە مەزانوٙ

گەورە ویٛش بەگەورە مەزانوٙ

154

گەورە ویٛش بەگەورە مەزانوٙ

پڕوٙفیٛسوٙرحسابی کوٙرنوٙوە : چنڎ ساڵیٛ وەڵ جەشوٙڕشی (انقلاب) سەروازوو سپاو بیٛهداشتوو یوٙجەدەگایاو شاروو نەیشاپوری بیٛنیٛ، روێ جەڕوا چەنی دوکتەروو دەرمانگای بەماشینیێوە لاندرور جە جاۮەیورە ویٛەریٛنمیٛ، دیما شوانەیوە گوٙچانەکیٛش خول مۮوٙ روبەئیٛمە رەمای رەموٙ، چامەحاڵەنە گرکەس ماشینوو دەرمانگای ئەژناسیٛ، ماشینما مردنا، شوانە هەناکە هەناک یاوا لاما، بەلهجەی دەگایانە واتش: ئاغەی دوکتەر! ئەۮام یەریٛ رویٛن نەوەشەنە، ئیٛمەیچ بە ئیشارە واتما: لوە دماوە سواربە! وەختاریٛ سواربی واتش: هیٛزی شەویٛ تارانەو بەتەیارە ئاماناوە، تەیارەخانەو مەشهەدیچەو  چۆ سەرئاماناوە پەی دەگیٛ، من و دوکتەر چیٛروٙ چەماوە تەماشەو یوٙترینیما کەردەو بەفیفی یۆ واتما: کابرای شوانە ویٛش هوٙرکیٛشوٙ، فرەش پەنەنەشی بڕمادا یانەو شوانەی، دیما پیرەژەنی ئینا دلیٛ یاگیٛنە، دوکتەری تەماشەکەردە و واتش: هەڵامەتشا، چەن و دەرمانش داپەنەو زیەیمیٛرە، کەرەتیٛ تەر لوایٛمیٛوە دیما خاسەبییٛنەوە، مانگیٛ چەودماتەر باریقەڵا نامەیوەما جەلاو وەزیروو بیٛهداری ئابەرەگایوٙ ئاماپەی، وەزیری نویستەبیٛ: چوون ئەۮاو پڕوٙفیٛسوٙرئیٛعتمادی ئوٙستادوو پایە بەرزوو دانشگاو پلی تکنیکوو تارانیتا وەشە کەردیٛنەوە، خانە ئاوای ودەس وەشیتا چەنەکەروو ، ئیٛمەیٛچ مەحەل بیٛ شاخیٛ بەربارمیٛ، هوٙشما لاو مەردەیوٙ بیٛ لاو ئەۮاو شوانەکەیوٙ نەبیٛ، دماو چن ڕوا واتما: رەنگا ئەۮاو هەمان شوانەی بوٙ، جمەیمیٛرە پەی لاو پیرە ژەنەکیٛ، هەکە بڕمادا ولوٙیٛمیٛ پەی یانەیش، شوٙنەو  وەشی و تشیرە واتما: مەتیلیٛ ! کام کوڕتا پروٙفیٛسوٙرا ؟ واتش تاتەکەم ! هەر ئاکوڕەبیٛ چەنیتا بیٛ، هەر عانیٛ مەیوە پەی دەگای جلیٛ شوانەی کەروٙنە و بەزوانی دەگایانەیچ قسیٛ کەروٙ،  من و دوکتەر تەریٛقینە هارەقوو خەجاڵتیما بەردا و خجڵ بیٛ ریٛزمیٛرە، من ئەچا ڕوٙوە شەرتەم کەردیٛنە: هیچ کەسی بەکەم نەزانوو  وەجە ریشەو نەتەوە و خاکیم لانەۮەو .

هورم گیٛرتەن جە کاناڵەو وەنەدی- محمەد فەهیمی 

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەراگیٛڵی

ئەراگیٛڵی ئەگەر شەویە جە شەوەکان ئاسمانوو پەڕ جە هەسارەو یۆ جە هەوارەکاو هۆرامانی کەردیمێ …