یانە ئەدەب و هونەر توٙ جە ئاخرین ویٛنەکەمانە مەردی

توٙ جە ئاخرین ویٛنەکەمانە مەردی

104

تۆ جە ئاخرین وێنەکەمانە مەردی. جە ئاخرین قسەکامانە، جە ئاخرین دیداریمانە،ئاخرین واچەکانە، جە ئاخرین چەم پەنەکەوتەیمانە مەردی و ئیتر نامایوە، ناردتەوە ڕووەمەرە و لوای.

تا عەسر بە فەرامۆشیت درێژە مەدەونێ، سانیە بە سانیە، ئیتر نماروونەوە ویرم دەسە خەپلەکات، کە یەواشیە گێرینەشا ڕووەتەرە و چیرینە زەردە خوێ تەحوێڵم دێنی. ئیتر نماروونێوە ویرم دەنگوو هورت گێشتەی چاییە نەباتیەکا، یام خرمە خرموو ورد بیەی قەندەکەو دلێو دەمیت.

شایەد ئیتر گردوو عەسرانەکا وزوونە پەشتەو گۆشیم. وێم گێج و وێج بکەروون تا بەیان و بلانێ، ماتڵشان نەبوونێ تا تەماکاروو ئامایت بوونێ و ئەگەر وەرە زەردە داش سەروو کوا شایەد ئاوەختیە نەو بەیانم بۆنێ. “قربە الی اللە”

دلێو تەقویمینە مەشیۆم یەک ڕۆ. ڕۆ ئازادی بیایە جە تەڵێنە. کە ئازادی نە نامێ بورجی بیایە و نە مەیدانی و نە خیابانی. نامێ ڕۆیە بیایە پەی ویرەوە کەردەی، تا ئی پەلەوەرە کرۆڵە، جە سەرلەقوو داریوە تەماشاو قەفەسەکەیش کەردایەش، تەماشاو ئاسمانیش کەردایە و بە باڵ گیرتەیوە ویرش کەردایەوە.

ئیسەیچ ئئیتر مەشیۆم جە یادت بەروونێوە، پەی هەمیشەی، بە ڵام حەز مەکەرم پەی ئاخرین جاریچ بیەن ئی شش واچەتە بواچوون پەنە، شش واچێ کە هەمیشەی پەی واتەیشا تەرسی لواینەنە دڵم و نمەتاوون گۆشان بکەروون، هەمیشەی بە تەرسیوە ئاماینێ سەروو زوانیم و لچانیم. ئیتر خوا حافێز من جە مڵکوو تۆ…
” ان مع العوسرێ یۆسرا”

سەعدۆڵڵا خوونخام(شەهریار)

 hewraman
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەراگیٛڵی

ئەراگیٛڵی ئەگەر شەویە جە شەوەکان ئاسمانوو پەڕ جە هەسارەو یۆ جە هەوارەکاو هۆرامانی کەردیمێ …