یانە ئەدەب و هونەر فەتە و خاترێو جە جەنگی

فەتە و خاترێو جە جەنگی

21

فەتە و خاترێو جە جەنگی
– تاتە.ئاوەختە جەنگ بێ تۆ چندٚ ساڵێت بێ؟
– پەی چێشیت؟
– مەدٚرەسەنە واتەنشا ئەگەر خاترەو دەورانوو جەنگی تاتەت و یا هەرکەستەر مزانا پەیتا گێڵناوە، بنویسدێش و کەردێش بە ئێنشا. ڕەنگا ئەگەر وەشە بۆ کیاناش پەی مسابێقەی.
– دەی خاسا با پەیت گێڵنوە. من ئاوەختە زاڕۆڵە بێنێ. هەڵای مووم بەر ناردٚە بێ. بەڵام فەتە نەپڕیەنە دلێ قسەکام تا تەمامنووش ئەگەر پرسیارێویچت بی ئاخرەو پەرسەش. با ئەدٚات و ئادٚیچێ بەیا هەم مەتاوو گێڵنووشەو. گردٚیتا گۆش دەیدێ پەنە بزاندێ ئێمە چێشما کێشتەن و چێشما ئامان سەرەرە.
ویرێ زاڕۆڵەیی وەشێنێ . هەرئەجۆم ئارۆن، جەنگ دەسش پنە کەردٚەبێ و هیچ کەس تەمادٚار نەبێ شەوێ کە مووسۆ ساحبێ هۆرزۆوە، تا ساحبێ تەقەو تۆپا نازێ خۆراسی بلۆ چەمێما. دنیا بیەبێ ئایێری سوور. وێرەگانێو دەسڕێژێوشا کەردٚ دەگارە و کناچە گۆلانەکێ لالۆ حەمەی پێکیا.ئەجێ قیامەت هۆرسەن. گردٚ کەس ویروو ئانەیەنە بێ وڵێوە بێزۆوە و خزۆشەنە. کار و کاسپی پەی کەسی نەمەنەبێ. ناعیلاجی بڕێو پەولارە و بڕێویچ ئەپا دەرانە وێشا هەشاردابێ کە بەشکووم جەنگ تەمامیۆ و هۆرگێڵاوە سەروو مڵک و ئەمڵاکیشا. بازێویچ جە خەیرەو گردٚ چێویویشا ویەردٚێ ودەسێشا جە دار و نەداری شۆرتێ و بە هەزار تەرس و لەرزێ ڕوەشا نیای ئیلای. تەرسە چانەیە کە ڕەنگا نەتاوا ژیوا، چوون شۆرەت کەوتەبێرە کە شارەنە ئنە ئازۆقە گرانا کە برا نانە وەروو دەسوو برایەنە مڕفانۆ، دەوڵەتا و ڕاسیش، هەورێشێ بە گاوێ گێرۆ. هەر ئندٚەنە گێرتیشا، دنیا وەرت نمەدٚۆ. ممکینا یۆی قینەی قەدٚیمیەش چەنە بی و دۆ پاتەو و پەروەندٚێوت پەی وەش کەرۆ. نەکای ئەپا دەرەرە قسێوە دەممانە بەرشیێ بۆ و یۆی گێڵنای بۆوە«دیوار موش دارە و موش هم گوش دارە». تاتەم وەروو وێشەرە هەر بۆڵێش ئێنێ و گجارا چەنی ئەدٚایچم چفە کەرێنێ کە بلمێ یا نەلمێ. هەرچندٚە ئێمە زاڕۆڵێ بێنمێ بەڵام زانێنمێ کە دڵوو ئەدٚا و تاتەیمانە چٚ بڵخاخێو وەش بیەن. وەختێو کابرای چۆدٚار گاوەکێش داینە وەروو وێش و وەحاش وەنە کەردٚێ، ئەدٚام دەسش کەردٚ گرەوای و یادٚش بەخەیر تاتەیم دڵوەشی داوە:«دەی واچی چێش ئینەیچ خەیر و بەرەکەتوو جەنگیا. وەسێ نیا زاڕۆڵەکێ ساق و سڵامەتێنێ، پیشکەو هۆڕەش گەرەکە نیێنە. دنیا هەر پێسە مەمەنۆ. خوا جە سلتان مەحموودٚی گەورەتەرا. گاوەت پەی مسانوو چینێ فرە خاستەرە. تۆ مزانی چندٚ بە زەحمەت دۆشێنیش، تا گۆڵمیتێو دێرە گیانت یاونێ ئەو پۆپەو لووتیت. ئیسە گاوێ هۆڵەندیێ ئامێنێ پووتێوشا چەنەن، نەگۆرەمیتش گەرەکا و نە لاونای و نە هیچی تەر. تۆ دۆعای کەرە زوو جەنگ تەمامیۆ. با بەرۆشا خەیرەشا چەنە وینۆ. دڵەو دما مەبە، ئادٚیچ پەی چوار قەراناش ئەسێنێ…»
منیچ پڵمەو گروای گێرتا و قۆڵوو کەواکەیم ئاردٚم لووتەمەرەو قۆڵم تەڕ بی و تاتەیم دەسش ئاردٚ سەرەمەرەو و دڵوەشیش دانیەو. خودٚا بەخشۆش ئەدٚام ماچۆ:« دەی خاسا ئانا ئاماو ناسشا بلمێ بە دەمی وشک چەنی بژیومێ ئەی جامڵێو دۆما گەرەک نیا!» بە هەزار دڵە چرکێ و بەدٚبەختیێ گاو و گۆرەکەما ورەت و وێما سەلت کەردٚەو. ئەی تۆ ملی پەی شاری مەبۆ چوار قەرانێ باخەڵەتەنە بۆ تا دەس نازیەرە کەسی؟ شارەنە کێ کێ مشناسۆ؟ کێ قەرز مدٚۆ بە کێ؟ تاتەم و مامۆ کەریم لوای پەی بنکەی تا ئیجازە گێرا، چوون بە کەسی ئیجازە نەدٚێنێ تا ڕوەو ئیلای و ڕوو بە شاری بلۆ. ئیجازەشا نەدٚا بێ و واتەبێشا:« مەمنۆعا. یام مشیۆ ئەچی دەرەنە مەندێ و یام بلدێ پەولانە.» دەسێوما کەوت ئیلا و دەسێما ئەولا. بیێبێنمێ تەختەو سەروو ئاوێ. گجارا مامۆ کەریم ئێ پەی لاو تاتەیم و گۆشێوەنە چفەو هۆڕە کەرێنێ. تا ساحبانێو زوو وەڵێ مەڵا بانگدای ئەدٚایم بە پەلە پەل هۆرزنایمێوە و یۆ کۆڵێوش کە دیار بێ وەڵتەر پێتەبێشەو، دا کۆڵێما و بە چەمێ وەرم ئاڵوسنینێوە دایمێشانە وەر و چەنی یانەو مامۆ کەریمێ ڕوو بە ئیلای جمایمێرە. دوێ پایما بێنێ، دوێ تەرما قەرز کەردٚێ . بە هەر لەونێو بێ یاوایمێ یاگێو کە ئەجێ جە خەتەری ڕیایبێنمێ، بە ڵام هەڵای مالووم نەبێ، هەوا بووم و لێڵ بێ و هیشتا دۆس و دژمەن تاقی نەکریێوە.
شینوو فەرادٚیم تەمام نەکەردٚەن
دەینوو خەسرەویم ئامان وەگەردٚەن
ویروو خەتەری گەورەتری و سەخت تەری دەیەقێو زەینوو تاتەیم و مامۆ کەریمی وەر نەدٚێ و ئاشکرا چەمێشانە دیار بێ. تەرسی نیشتە ملوو شانا ئێمەیچەرە. بەڵام دڵوەشیما ئانە بێ کە ئێمە زاڕۆڵێ بێنمێ و هیچما نەگۆنجیێ وەنە.
– دەست وەش بۆ با درێژەش مەنۆ. ئیسە دێرما با نان و چای بوەروو بلوو پەی مەدٚرەسەی. شەوێ ئامانیەو وەش وەشێو منویسووش.
عکس: میدان نوسود سالهای جنگ
«وەلی فەتاحی»
98/1/27

  • توٙ جە ئاخرین ویٛنەکەمانە مەردی

    تۆ جە ئاخرین وێنەکەمانە مەردی. جە ئاخرین قسەکامانە، جە ئاخرین دیداریمانە،ئاخرین واچەکانە، …
  • سوٙنیٛ و کیسەڵی

    سوٙنیٛ و کیسەڵی گێڵناوە پاڵوو گۆممێنە دوێ سۆنێ و کیسەڵێ ئەرەنیشتیٛ بێنێ . و بۆنە هامساییوە…
  • شەپەکانیەو بەستەنی

    شەپەکانیەو بەستەنی ئاواتش ئانە نەبێ ماشینێوە زەریفش بۆ! ده‌گانه بینکول ئا وەختی ماشینێ زەر…
  • توٙ جە ئاخرین ویٛنەکەمانە مەردی

    تۆ جە ئاخرین وێنەکەمانە مەردی. جە ئاخرین قسەکامانە، جە ئاخرین دیداریمانە،ئاخرین واچەکانە، …
  • سوٙنیٛ و کیسەڵی

    سوٙنیٛ و کیسەڵی گێڵناوە پاڵوو گۆممێنە دوێ سۆنێ و کیسەڵێ ئەرەنیشتیٛ بێنێ . و بۆنە هامساییوە…
  • شەپەکانیەو بەستەنی

    شەپەکانیەو بەستەنی ئاواتش ئانە نەبێ ماشینێوە زەریفش بۆ! ده‌گانه بینکول ئا وەختی ماشینێ زەر…
 hewraman
  • توٙ جە ئاخرین ویٛنەکەمانە مەردی

    تۆ جە ئاخرین وێنەکەمانە مەردی. جە ئاخرین قسەکامانە، جە ئاخرین دیداریمانە،ئاخرین واچەکانە، …
  • سوٙنیٛ و کیسەڵی

    سوٙنیٛ و کیسەڵی گێڵناوە پاڵوو گۆممێنە دوێ سۆنێ و کیسەڵێ ئەرەنیشتیٛ بێنێ . و بۆنە هامساییوە…
  • شەپەکانیەو بەستەنی

    شەپەکانیەو بەستەنی ئاواتش ئانە نەبێ ماشینێوە زەریفش بۆ! ده‌گانه بینکول ئا وەختی ماشینێ زەر…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

توٙ جە ئاخرین ویٛنەکەمانە مەردی

تۆ جە ئاخرین وێنەکەمانە مەردی. جە ئاخرین قسەکامانە، جە ئاخرین دیداریمانە،ئاخرین واچەکانە، …