یانە زانای چارەسەری سروشتی تەوەنەو وڵکی

چارەسەری سروشتی تەوەنەو وڵکی

102

چارەسەری سروشتی تەوەنەو وڵکی

تەوەنیو وڵکی وەجەڵێوە  دروسی و وەروەڵاو خەڵکین، بە نونگەو توخمە کیمیایەکاو دلیٛ گمیٛزی دروسیٛ بانیٛ، پسە: تشو گمیٛزی Uric acid، ئەگەر تشو گمیٛزی فرە بوٙنە دلیٛ ونیٛنە، بوٙ بایسو دروسکەردەی تەوەنەو وڵکی، سەربارو بڕێ نەوەشیا تەری پسەو(Gout) نەوەشی پاشای.

 فسفوٙڕ و کاسیوم و تشو ئۆکزالیکیOxalic acid  ، تشو ئۆکزالیکی کریستاڵیٛ بیٛ ڕەنگیٛ دروسکەروٙنە دلیٛ وڵکانە.

هوٙکاریٛ تەریٛ پەی دروسبیەی تەوەنیٛو وڵکا هەنیٛ پسە: فرەواردەی ڤیتامینD دی، تیٛکشیەی هامسەنگیو توخمەکا دلیٛ لاشەینە، نەوەشی gout نەقرەس، وەشکەوبیەی لاشەی، واردەی خراپ.

فەرماودیٛ چنڎ چارەسەریٛوی سروشتی یانەو ویٛتانە تاوی بەکارشا باردیٛنە بەئاسانی و بە بیٛ هیچ زەرەرێوە لابلایی:

  • تیٛکەڵێوە جە لیموٙی و ڕوەنو زەیتونی، بە پاو تاوای چەنەش بوەرینە، ڕویٛ چەمچە چاشتێوە.
  • سرکەو ساویٛ، شونەمای تفتش هەن سەرو ونیٛوە، پی جوٙرە نمازو تەوەنی دروسە بوٙ، تاونوٙشەوە
  • هەنار، خاسیەتو تاونای تەوەنەو وڵکیش هەن، هەرپاسە لوسە ماسوڵەکاو کوٙئەندامو گمیٛزکەردەی کرژ کەروٙ.
  • گەزەنیٛ: واردەی چای گەزەنیٛ، یام ئاوەو گەزەنیٛ بوٙ بایسو فرە گمیٛزکەردەی، یانی مدررنە، پیٛسەیچ نمازوٙ تەوەنی دروسە بوٙنە وڵکەنە.
  • ڕیٛحان: واردەیو ڕیٛحانی وڵکیٛ پاکیٛ مکەروٙوە جە هەرچی چیٛوێ خراپین، بە تایبە زەهر.
  • شوتی، هەنی، کوٙمەکو هامسەنگی تشی گمیٛزی کەروٙ، هەڵبەت تشی گمیٛزی هامکارەن پەی دروس بیەی تەوەنیٛ، هامکارەن پەی فڕەدای تەونەو وڵکی.
  • سویٛ هاردا، ئەگەر بەجیا بوەرمیٛشا فرە بە کەلکیٛنیٛ پەی پاککەردەی وڵکی و ناستەی تەوەنیٛ و رمڵی دلیٛ وڵکانە، دیارا ئەگەر چەنی نانی بوریا خاستەرەن.
  • کەروەز: کەروەز کرژی و ئازارەو وڵکی نمازوٙنەو ژەهرەکا کە هامکاریٛنیٛ پەی دروسبیەی تەوەنیٛ فڕە مڎوٙ بەرۆ. هەڵبەت ئی واردیٛ ڕادەو واردەیشا کەمیٛو زیاتەرکەرمیٛنە و ئاویچ فرەتەر بوەرمیٛوە. شوٙنەما منایرە سەرو ناستەی تەوەنیٛ و ڕمڵی دلیٛ وڵکانە.

  د. ناجح گوڵپی 11/4/2019

 hewraman
  • ڕوەنی ویٛمانە

    ڕوەنی ویٛمانە بە کوڵی و پوختی باسو وەشکەردەیو ڕوەنی ویٛمانەی کەرو، ھەڵبەت ڕوەنی ویٛمانە یا…
  • زاڕوٙڵە کەی واردە بوەروٙنە؟

    زاڕوٙڵە کەی واردە بوەروٙنە؟ فرەو دکتوٙرەکاو  ویارو واردەیو زاڕوٙی ماچا نمەبوٙ تا تەمەنو چو…
  • هەفتەو تەندروسی پیای

    هەفتەو تەندروسی پیای جە هەفتەو تەندروسی پیاینە، هاگاڎارو ئی پەنج نەوەشیە ببە! هەڵمەتەو تەن…
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مە؛ موٙرفیمو سەرەمڕەی

                مە؛ موٙرفیمو سەرەمڕەی موٙرفیمو”مە”ی سەرەمڕەی، یوٙن جە سیما دیا…