یانە پەیلوای ویرۆ وستەی

ویرۆ وستەی

136

ویرۆ وستەی

ن/شەوقی شەیدا

وەڵیٛ هوٙشداریەکەو ئەرەمەرزیاو(یوٙنسکۆی)زوانی هۆرامی جەگورانیە و هونیانە قەفەس کریابیٛ. وەلیم بە ئەژنیەو ئی خەبەرەیە کەسە نویسیارو قەڵەم بەدەســەکـــیٛ هۆرامانی کۆتیٛ ویٛشاو هەڵمەتیٛوەی ژیرانیٛشادا، پاهـەلمەتـــیٛ زوانــی هــۆرامـــی لاقوٙریٛوەی گۆریٛ لوا وەرۆو گیٛڵاوە پەی ئە سڵو ویٛش هەکە زوانو پـەنە نویستەی بیەن، پاهەڵمەتیٛ زوانی هۆرامی کۆتۆ دلیٛ کتیٛب و مجەلەی و ڕوٙمیەنامــەی و تابیــاووٙ ئانەی هەکە ساڵانە هۆرامیەکیٛ جەڕوٙ زوانی ئەڎایەنە پیٛسەو مللەتەکاو تەرو دنیـێ باسو پەنەوازی سەرو زوانەکەیشا بکەراو بشناساش بەمللەتا دۆروو بەریو وەرموو ئانیشایچە بەتاڵ بکەراوە  کە وەرم پۆ تاویای زوانی هۆرامیۆ وینیٛنیٛ تاپیٛسەو میراتی بەش بەشش بکەرا، وە ئانەیچما ویرنەشوٙ پی حەرەکەتە گۆرەیە نانوو ئاهۆرامیایچە کۆت خـەتەر هـەکـە بییٛبیٛنیٛ مـەقاشـو دەسو لایٛـڎەی پـەی شـوٙنـەمـا ناسـتەیو هـۆرامی کەزوانەکەشا، پی لاقۆرە گۆریٛ نەهەو ئاکەسا کۆت هەکە نانە چەربە پۆ(لهجە)ی هۆرامیۆ وەریٛنیٛ! وەهەرپاسە وڕاویٛ ئاهۆرامیایچە کۆتۆدرویٛ کە سینە بەر پڕنیٛنیٛ واچیٛنیٛ ئی مەسەلیٛ زەرەرش پەی ئەمنی قۆمی هەن!    

  بەنەزەرەو من بیٛ دەنگی دەسەڵاتو ملەتو وەراوەری چی حەرەکە گۆرەو هۆرامیانە سەلەمناش هەکە هۆرامی زواناو مللەتا! چون ئەرپاسەنەبیێ ئانە کریێ بەخەبەرو بەزمیٛو پسەماچا قلیچکەو هەریش چەنە قرتیێ.

   من ئەجوٙم هامسێکیٛما فرە دڵنیێنیٛ چانەیە هەکە هۆرامی هۆرامیاو جیان جەهەر مللە تیوی تەری، وە ئەرچی وەختوو بیٛڎاریەنە پەلە قاژیٛوەیچ کریێبوٙ فرە سروشتیا چون  وەڵتەر هۆرامی بەتەشکیٛو وتەبیٛ هیچ وەخت نەلان عەقڵشارە پی زوویـــە هایش بوٙوە، پۆکە جیای ئانەی ویٛشا بەیا جواب هەرجەهۆرامی جوابدەرشا تاشان! تابەنامیٛ هۆرامیۆپەیامو(لهجە)ی وەڵا بکەروٙوە. ئینەیچ جەدەس بەردەی پەی پووشی دلیٛ بەحریەنە هیچ مانێوەش نەیاونا، من ئەجوٙم ئی حەرەکەتەو هۆرامیا چانەی بەرشیەن هەکە جەبار بریوٙ و مرکیوٙرە!

چون هۆرامی ئینا چەنی مللەتیوی ئنڎە حزبایەتی و گروپایەتیش لامەخسەڎا هــچی تەرش لا مەخسەڎ نیا، هۆرامی ئەر ژیرانە مامەڵە بکەروٙنەو ئی مــەهیا بیـــەیشە پاریٛزنوٙ جە تەعەسوبی ویٛ پەرسیو وەراوەرسفرکەردەی، ئانە فرە بەسەهلی شەنەو خەرمانوو ڕەنجوویش مکەروٙ. ئانەی چی وەختەنە هۆرامی پەنــەوازا بـــکەروٙش ئانەنە کە:

 (١)ویٛش جە مودمن بیەی حزبی پاریٛزنوٙ و ویٛش پاسە بەر وزوٙ هەکە کیٛ مرچڵیٛش پەی بگیٛروٙ پانەی واچوٙ ماموٙ!

(٢)هــەچ گروپیٛو ناما دەمشۆ یەکسەر وازش چەنە باروٙ

(٣)ئەر حزبیا شەرتەو تەقەلادایو پیاڎە کەردەیو وانایو نویستەی بەهۆرامی بکەروٙ چەنی حزبەکەیش.

من ئەجوٙم ئی یەرە مەتڵەبە یام نیشانە وەسیٛن پەی ئـانەی هـــــۆرامی هامساکەیش بکەروٙ بەدەرویٛشو ویٛش پەی حەی اللە کەردەی جەتەکیەو ژیونــایۆ هۆرامانیەنـــە.

 hewraman
Load More In پەیلوای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

سەرنجێ ویٛمانە سەروو دەقێوە کاک بێهرووز محەمەدپووری (شاروٙ)

قومێ لەزەت و عومرێ جادە سەرنجێ وێمانە سەروو دەقێو کاک بێهرووز محەمەدپووری (شارۆ)  عادڵ محە…