یانە زانای خاستەرین واردیٛ پەی هازەو  وینایو چەما

خاستەرین واردیٛ پەی هازەو  وینایو چەما

115

خاستەرین واردیٛ پەی هازەو  وینایو چەما

بڕێ واردیٛ هەنیٛ پەی هازەو وینای چەما فرە خاسیٛنیٛ، چوون فرەو خەڵکی باوڕشا چامنەن و ماچا حەتمین کە  سنعەو پیرینە هازەو وینای کەمتەرە بوٙوە چەمو گەنجینە. وەلێم بڕێ ئەوە وەناییٛ و وشکناییٛ زانستییٛ ماچا شەرت نیا پاسە بوٙ، چوون بڕێوە واردەی هەنیٛ ئەگەر دەست بگنا و  بوەریشا، چەمکزی کەم مکەراوە بە ڕاژەو %25 . پسە ئی واردا کە ئی مادیٛشا چەنەنیٛ( زنک، مس، ڤتامین c، ڤتامینA ، بیتا کاروتین کە لاشەنە فاڕیوٙ پەی ڤتامینA  ).

ئینەیچ ڕیزو ئا وادەمەنیانە کە چەمیٛ پاریٛزناو هازەو وینایشا زیاڎکەرانە:

  1. گوٙشتو ماساویٛ بە تایبە ئانیٛ کە چەربی ئومیگایەریٛشا فرەن، پسە(سەلەمون Salmon، سەردین Sardine ،تونە tunny-tuna، مەکاریل Mackerel، ئەنشوجە)ی.
  2. تفی فەرەنگییٛ، تفی ویٛمانیٛ، لیمو و پرتەقاڵ، سندی Grapefruit
  3. جوٙرەها توٙمیٛ(توٙم کولەکە، توٙم ڕوٙجیارپەرس، بستە، عەلیبابا، بندق، وەنی، گازوٙ، وامی، وەزی…هتد)و پاقلەمەنی پسە( میژویٛ، ماشی چەرمە و سیاو، فاسولیا، نوەی…هتد).
  4. سەوزەی گەڵادار پسە(سپێناخ، کاهو، ملوخیە) “ملوکیە” گیواێن فرەتەر جە میسرەنە برەوش هەن و وەراش، ماچا واردەو فیرعەونەکا بیەن.
  5. سیٛفیٛ شیرینیٛ: Sweet potatoجوٙرە سیٛفێوەنیٛ کە ڕەنگەشا لاو پرتەقاڵیرە ملوٙنە، ڕەنگەی تەرەشا هەنە، پیٛسەو ئی سیٛفە وێمانا نیەنیٛ، تامشا شیرینەن.
  6. گیٛزەری” هویج” Carrots: پەڕیٛنیٛ مادەی کارۆتینی کە فاڕیوٙ پەی ڤیتامین A .
  7. گوٙشتی سور: یانی گوٙشتو”کاوڕی، گوٙرەکەی…هتد)، جەگردی وەشتەرەن، وەلێم فرەواردەیش چەولاوە زەرەرێوە تەرما وەنە مڎوٙن.
  8. هیٛڵە: واردێوە فرە کوٙنو دیٛرینو بەشەری بیەن، مادیٛ خاسیٛش چەنەنیٛ.
  9. ئاوی: ئاوی فریٛ بوەردیٛ تا چەمیٛتا تەڕیٛ بانیٛ و وشکیٛ نەبان، هەرپاسە هەر شلەمەنیێوە یام تەڕاییێوە کە کافاینش نەبوٙ چەنە پەی چەما خاسەن، چون کافایین چەمیٛ وشکیٛ کەروٙوە.

 ئیسە فرەو خەڵکی تەماشەو موٙبایلی و لاپتاپی کەروٙنەو چەمیٛش مانیا، خوا خوامانە چەمیٛما کزیٛ نەبانیٛ، بەشکیم ئی واردیٛ کەلکشا چەنە وینمیٛ.

جە ئینتەرنێتۆ:  د.ناجح گوڵپی 1/4/2019

 hewraman
  • ڕوەنی ویٛمانە

    ڕوەنی ویٛمانە بە کوڵی و پوختی باسو وەشکەردەیو ڕوەنی ویٛمانەی کەرو، ھەڵبەت ڕوەنی ویٛمانە یا…
  • زاڕوٙڵە کەی واردە بوەروٙنە؟

    زاڕوٙڵە کەی واردە بوەروٙنە؟ فرەو دکتوٙرەکاو  ویارو واردەیو زاڕوٙی ماچا نمەبوٙ تا تەمەنو چو…
  • هەفتەو تەندروسی پیای

    هەفتەو تەندروسی پیای جە هەفتەو تەندروسی پیاینە، هاگاڎارو ئی پەنج نەوەشیە ببە! هەڵمەتەو تەن…
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مە؛ موٙرفیمو سەرەمڕەی

                مە؛ موٙرفیمو سەرەمڕەی موٙرفیمو”مە”ی سەرەمڕەی، یوٙن جە سیما دیا…