یانە پەیلوای هەرچی نامیٛ ژەنیٛ بەرا

هەرچی نامیٛ ژەنیٛ بەرا

43

هەرچی نامیٛ ژەنیٛ بەرا
ئەد٘ام
و
هەرچی ئەد٘یٛم ماروە ویر
کوٙڵیٛ ڕەنج
و
مەینەت …!!!

قەد٘یمی واتەنی: هەرچی خاک ئینا سەروو ئەد٘ایا و مامایا و ئەد٘ا گەوراماوە تا ئا یاگیٛ ڕەنج و مەینەت لوان …!! گرد٘ بوٙ بە وەشی و شاد٘ی و مجیوٙ ملوو خاتوونەکاو ئاروٙیمارە.

هەشتوو مارسی وەراوەرا چەنی ڕوٙ جەهانی ژەنیٛ. ئی ڕوە پەڕ خەیر و بەرەکەتە بەهانیٛنە تا بە دڵێ عەزرەتەمەند٘ و پەڕ تاسە مەبارەک باد٘یە فرە گەرم پیٛشکەشوو شیٛرەژەناو هەورامانی سەربەرزی کەروو؛ بە تایبە ئا خاتوونە دەس نەخشین و قەڵەم ڕەنگینا کە پەی پاریٛزنای فەرهەنگی هەورامی خەریکیٛ ئەرک و زەحمەتینیٛ و ئاڵایەشا سەوزەنە.

ڕاسا ئەوسا ژەنی ئەرک و مەینەتی لاشەیی و جەسەییش ئەوەدەر و بیٛ شوٙ بیٛ، پیٛسە: [زاڕوٙڵەد٘اری، نان پەتەی، جل شتەی، هەڵیز ژەنای، گەلە و دماگەلە، ئاژەڵ وەی کەرد٘ەی، نیمەریٛسی، تف چنیەی و … ئەگەر بلمیٛ تانوو هەرمانەکاشەرە مشوٙم چند٘ لاپەلیٛ ونارمیٛ] و بە ڕواڵەت ئاروٙ کەوتیٛنە وەشی و ئاسایشەرە، بەڵام ئەگەر ورد٘ سەرەنج دەیمیٛ، ئەرکەکیٛش قورستەریٛ و ناسکتەریٛ بییٛنێوە؛ چوون دنیاو ئاروٙی ئیٛتر ئا دنیا ساد٘یٛ و ساکاریٛ زوویە نیەنە.
تاومیٛ واچمیٛ ئەرکە لاشیەکیٛ یاگیٛ ویٛشا دیٛنەشا بە ئەرکە فکریەکا. پەی نموونەی: ئەگەر ئەوسا ژەنی زاڕوٙڵە پەروەرد٘ە کەریٛ و یاونیٛ پەنە تا بوٙ بە شوانەو ئاژەڵی یا گەلەهیٛزم و گەلە درەو و کارەوان و فڵان و فیسارش پەنە کەروٙ، ئاروٙ مشوٙم پەروەرد٘ەش کەروٙ و یاونوٙش پەنە تا دنیای سەمەریٛ ئاروٙی بەروٙ ڕاوە!!
ئاد٘ە ئاروٙ مشوٙم ئی موٙچیاریە نەخت و ئەوەجدارەیە کە قەد٘یمیاو وەڵاتەکەیما فەرماوان، کەروٙ ئاویٛزەو گوٙشیش: “ئەد٘ا بە دەسێش بیٛشکیٛ جمنوٙ و بە دەسێش زەمینی!!”
یانی ئەد٘ا بە پەروەرد٘ە کەرد٘ەی ڕوٙڵەی عالی و ڕەسەنی، تاووٙ دنیە ئاوەد٘انە کەروٙوە و بەروٙش ڕاوە و ئینەیچ ممکین مەبوٙ تا وەڵیٛنە ویٛش پەروەرد٘ە نەکەروٙ؛ چوون تا ئیسە جە دامانوو ژەرەژیٛ کولەداشتیٛنە هەڵوو پەروەرد٘ە نەبیەن!!
کەسیەتیٛ عەرەب هەن و ماچوٙ: “ئەد٘ا ویرچەمەو مەکتەبێن کە ئەگەر دروٙس و ڕیٛک و پیٛک پەروەرد٘یٛ بوٙ، چینێ(نسل) ڕیٛخەد٘ار و ڕەسەن و با تەربیەت پەروەرد٘ە بوٙ.”

ئیسە ئیٛتر خاستەر دیاری مد٘وٙ ئەد٘ا (ژەنی) چند٘ ئەرکش گران و قورسا. ئەگەر ئەوسا بەشی نیمەدیاروو کوٙمەڵگای بیٛ، ئاروٙ گرد٘وو کوٙمەڵگاینە و لازما پەی یاوای بە ئی مەرامە گەورەیە، ویٛش خاستەر جە گرد٘ وەخت و زمانێ یاونوٙ پەنە.

جارێتەر:
نەک جارێ، بەڵکوو هەزاران جاریٛ ئی ڕوٙتا وەنە مەبارەک بوٙ واڵە ئازیزەکام.

مەندیٛ بە وەشی، ژیودیٛ بە سەربەرزی

8 مارسو 2019- سوبحان ئەمینی هانەگەرمڵە

 

  • لیٛفی جاجم

    لیٛفی جاجم هەورامان هەمیشە تایبەمەندی ویٛش بیەن، هەر جە سیپاڵی و سەناتی دەسی…هتد، یو…
  • سی و یەکەمین ساڵیادو کیمیاوارانو شارو نوٙتشەی

    یاڎو کیمیاوارانو شارو نوتشەی ئاروٙ هەڤدەو مانگەو یەری 17/3/2017 ( 26 و سیاوکامی ) سی و یوٙ…
  • هەڵەبجە

    هەڵەبجە چەتە لافاوو ئەنفالی، قاچاخە کارێزوو گۆڕە بە کومەڵەکارە وێش یاونارە هەڵەبجە. هەبەسی…
  • لیٛفی جاجم

    لیٛفی جاجم هەورامان هەمیشە تایبەمەندی ویٛش بیەن، هەر جە سیپاڵی و سەناتی دەسی…هتد، یو…
  • سی و یەکەمین ساڵیادو کیمیاوارانو شارو نوٙتشەی

    یاڎو کیمیاوارانو شارو نوتشەی ئاروٙ هەڤدەو مانگەو یەری 17/3/2017 ( 26 و سیاوکامی ) سی و یوٙ…
  • هەڵەبجە

    هەڵەبجە چەتە لافاوو ئەنفالی، قاچاخە کارێزوو گۆڕە بە کومەڵەکارە وێش یاونارە هەڵەبجە. هەبەسی…
 hewraman
Load More In پەیلوای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

لیٛفی جاجم

لیٛفی جاجم هەورامان هەمیشە تایبەمەندی ویٛش بیەن، هەر جە سیپاڵی و سەناتی دەسی…هتد، یو…