یانە ئەدەب و هونەر چارەنویسوو بەچکە داڵی!!

چارەنویسوو بەچکە داڵی!!

51

چارەنویسوو بەچکە داڵی!!

ڕوێ خود٘ای فرێنێ …
ڕوێ جە ڕوا، کابرێوە سوورپۆس ڕاش کەوتە جەنگەڵێوە.
کتووپڕ لاچەمێش وست پەی قەراخوو ڕاکێ. دیش پاڵوو بنجێ گیواوینە هێڵێوە کەوتەنەرە. جە ڕاکێ لاش واست و لوا هێڵەکەش هۆرگێرت. دلێ دەسیشەنە نەختێ هێڵەکەش ئی دیم و ئەو دیم کەرد٘. کوت و لت ئەجێ هێڵەو گەرگێن. هێڵەکەش بە نرخەو هێڵەو کەرگێ ئارد٘ۆ پەی یانەی تا بنیۆش چێروو کەرگە کڕەکێشا، بەڵکوو هۆرش بارۆ!
فرە بە وریایی هێڵەکەش یاوناوە یانە و نیاش چێروو کەرگە کڕەکێشا.
تا ۲۱ ڕوێ هێڵە چێروو کەرگێنە بی. شۆنەو ۲۱ ڕوەیرە، وەرە وەرە هێڵێ درزیشا دا و جووجەڵێ دڵێ هێڵانە سەرەشا بەرئاورد٘.
ئاخر جووجەڵێوە کە سەرەش جە هێڵەی بەرئاورد٘، جووجەڵێ ئا هێڵەیە بێ کە کابرای جەنگەڵەنە ئاورد٘ەبێوە!
کابرایچ فرەتەر سەرەنجش لوابێ پەی ئا هێڵەیە و حەز کەرێ بزانۆ جووجەڵەکێش چێشەنە و چەنینە.
جووجەڵێ بەرئاما، کابرا سەرەش سڕ مەن؛ چوون چەنی ئەویشا ئاسمان تا زەمین فەرقش بێ!
بەڵێ، جووجەڵێ هەڵووی (داڵی) بێ!! جووجەڵێ پێسە ئەو واڵە و بڕاڵە ئەد٘اییەکاش، لوا چێروو باڵاو ئەد٘ا کەرگێش و ئێتر چا ڕۆە لای کۆڵانە و کۆڵان گنێ شۆنەو ئەد٘ێش، بێ ئانەی هاگا و خەبەرش جە هیچی بۆ!
وەرە وەرە جووجەڵێ پەل و پۆش بەرکەرد٘ و گەورێ بیە و عەینوو ئەو واڵە و براڵەکەیش هورست و نیشت کەرێ.
ڕۆێ جە ڕواو وەهاری کە مریچڵە کوش نەبێ ئاسمانۆ و ئاسمان ئەوەدەر و بێ شۆ تا ئەوپەڕوو کەشکەشانەکا چاد٘رەی کەوێش پێچنێ بێ دەروو وێشۆ، ئەد٘ا کەرگە پەی چینەی و وارد٘ەی دانێ جووجەڵەکێش بەرد٘ێ پەی بەروو دەگێ.
جووجەڵێ دڵێ بێ خەم، خجڵیە چینە کەرد٘ەی و دان و سەرە گیواو وارد٘ەیرە.
بەچکە داڵ کە نەختێ چاد٘یشا جیا بێ، ناکاوێنە ڕوو بە ئاسمان سەرەش بەرز کەرد٘ۆ. دیش گەورە داڵێ هێزدار، پا بەرزوو ئاسمانیوە، ئازاد٘ و بە ئەوپەڕوو دەسەڵاتی و عەزمەتیوە و بێ تەرس جە گرد٘ ئەغیار و دژمەنێ، بە شەقەو شاباڵەکاش ئاسمانی چاد٘ر کەوەش کێشتەن چێروو زیمە و دەسەڵاتوو وێش!!
جووجەڵە داڵ بە دیەی ئی دیمەنیە، ملێش کەچ کەرد٘ و بەحروو خیاڵی بەرد٘ گێجاوەرە و شۆنەو ماوێ عەزرەت و تاسەیرە کە گجار ترووکنای پەراوێزوو چەماش ئەرمانە دێ سەروو ئی ڕاسیە، وەروو وێشەرە واتش:

“ئەی خود٘ای گەورە و ساحیب دەسەڵات! ئانە چێش جە مڵکیت کەم بێوە منیچ پێسە ئا داڵیە، داڵ بیەنێ؟!”

بەڵام ئاد٘ چوون باوڕش کەرد٘ەبێ بەچکەو کەرگێن تا ئاخروو عەمریش کەرگ شێوە و کەرگ ئاسا ژیوا!!

دەسکەوت:

ئینسان گیاندارێ پەڕ توانا و پەڕ بوومانا و لازما توانا و هێزە دەروونیەکاش خاس بشناسۆ و باوڕشا پەنە کەرۆ تا پێسە ئا بەچکە داڵە پەڕ بوومانیە، شۆنەرە دیا و داخ لە دڵ نەمەنۆوە!!

ڕازێ فۆلکلۆرەو سوور پۆسەکاو مەحاڵوو ئەمریکای پانیشتی.

هۆرگێڵنای: سوبحان ئەمینی
۱۵؍۱۱؍۱۳۸۰ ک،ڕ . قەڵاجێ

چەم پۆرەخشنای: ۳؍۱۲؍۱۳۹۷ ک.ڕ

  • وەرەتاو بەردەی

    وەرەتاو بەردەی گردما نامیٛ وەرەتاو بەردەیما ئەژنییٛنە، واتەنشا فڵانە کەس وەرەتاوی بەردەن ،…
  • شەبەکیٛ کیٛنیٛ؟

    #شێخ شەهابەدینی دزاوەری، پیرۆزتەرین شێخوو شەبەکەکان و گۆڕەکێچش گەورەتەرین مەرقەد٘وو موقەدە…
  • بەرگی دووەمو کتیٛبو ڕازوانو هەورامی چاپکریا

    بەرگی دووەمو کتیٛبو ڕازوانو هەورامی چاپکریا یانەو کتیٛبو هەورامانی خەڵاتێوەتەر کریا، بەرگی…
  • وەرەتاو بەردەی

    وەرەتاو بەردەی گردما نامیٛ وەرەتاو بەردەیما ئەژنییٛنە، واتەنشا فڵانە کەس وەرەتاوی بەردەن ،…
  • شەبەکیٛ کیٛنیٛ؟

    #شێخ شەهابەدینی دزاوەری، پیرۆزتەرین شێخوو شەبەکەکان و گۆڕەکێچش گەورەتەرین مەرقەد٘وو موقەدە…
  • بەرگی دووەمو کتیٛبو ڕازوانو هەورامی چاپکریا

    بەرگی دووەمو کتیٛبو ڕازوانو هەورامی چاپکریا یانەو کتیٛبو هەورامانی خەڵاتێوەتەر کریا، بەرگی…
 hewraman
  • هۆرامانوو دڵی

    هۆرامانوو دڵی ئەمن هانام به‌رده‌بێ لاو هانایشان. پاسە زانێنان ئه‌چا هانه‌نه‌ ته‌ژناییمان ک…
  • ساڵێو تەڵاقوو تاتەو فەتەی کەوتەبێ!

    ساڵێو تەڵاقوو تاتەو فەتەی کەوتەبێ! -ئاندٚە بەینما نەبێ، من و عەبە چەنی یۆی ژەنیما ئاردٚە. …
  • بەڵاو گیانوو هەورامانی

    بەڵاو گیانوو هەورامانی ئارۆ ترمیناڵ سەقزنە ڕوو بە شاروو مەریوانی شارێو کە ” کلوودیوو…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

وەرەتاو بەردەی

وەرەتاو بەردەی گردما نامیٛ وەرەتاو بەردەیما ئەژنییٛنە، واتەنشا فڵانە کەس وەرەتاوی بەردەن ،…