یانە هەواڵیٛ کتیٛبو ویەرینو پەخشانیٛ هەورامییٛ چاپ کریا

کتیٛبو ویەرینو پەخشانیٛ هەورامییٛ چاپ کریا

58

کتیٛبو ویەرینو پەخشانیٛ هەورامییٛ چاپ کریا

کتیٛبو ویەرینو پەخشانیٛ هەورامییٛ چاپ و وەڵاو کریاوە، کەوت وەرەچەمو دوٙساو فەرهەنگو زوانی هەورامی، ئی کتیٛبە پەنجەمین بەرهەمو نویسەرو هەورامانی ئیبراهیم شەمسین، جە 670 لاپەلانە بە زوانی فاسی چاپ کریان و بە قەوارەی وەزیری و بەرگی کالینگور، وەڵاوگاو ئاروٙی چاپ کەردەن و ڕوانەو بازاری بیەن.

ئیبراهیم شەمس بە هەواڵکیانو پاوەپرێسیش وات: چەنی هەواڵو چاپ و پەخشو کتیٛبەکەیش، واتش پانزە ساڵیٛ چێوەڵ بە کۆمەکو هورسوڕیایا و عاشقا و زوانو فەرهەنگو هەورامی دەسشا پەنەکەرد، بە ئومیٛڎو یاوای بە ئاسوٙیێ ڕوٙشنی. ئی جمە نمەبوٙ مدروٙنە و مەشوٙ سەرەمڕەبوٙنە، چوون نویستەی پەخشانیٛ سەراسەرو هەورامانی گەشەش کەردەن.

ساڵەو 1390 دەسم کەرد بە جەمکەردی ئا پەخشانا کە نویسیای بیٛنیٛ، تا وەڵیٛ پەیڎابیەی تلگرامی. فرەو پەخشانە هەورامیەکام گلیٛریٛ کەردیٛوە، جە ئنترنێتنە و هنیٛ دلیٛ کتیٛبەکایچ.

هەوڵیٛم دێ هەرچی پەخشانیٛ قەڎیمیٛ هەورامییٛ نوسیسیێ هەنیٛ جەمیٛشا بکەرونە، وەلێم داخەم مەشوٙ هەرچنڎ ئەدەبیاتی هەورامی ویەرینێ هەزارساڵەش هەن جە ئەدەبیاتو شێعرێنە، وەلێ پەخشانەی هەورامیە تازێنە. ڕەنگا بڕێ پەخشانیٛ قەڎیمیما بانە وەلیٛم ویورینو پەخشانیٛ چا پانزەساڵەیە زیاتەر نمەویەروٙ.

ئی کتیٛبە جە ساڵەو 1396 وە ئامادەو چاپین، وەلێم بە ئومیڎو ئانەی پەخشانیٛ تەرم دەس بگانەن تائیٛساڵ ئاستمەو. دماجار ساڵەو 1397 چاپم کەرد.

کتیٛبو ویەرینو پەخشانیٛ هەورامییٛ جە وەرواتەی و وەڵینەی و واتارێوە بەزوانی هەورامی و ئی چنڎە بەشیە دروسیان:

بەشی یوەم: پەخشانیٛ وەڵینیٛ

فەسڵی یوەم: دەسنویسەکیٛ

فەسڵی دوەم: ڕوٙنامەو کوردسانی

فەسڵی یەرەم: پەخشانیٛ هەورامییٛ جە کەلامەکاو یارسانینە

فەسڵی چوارەم: پەخشانەو مەکنزی

فەسڵی پەنجەم: نویستەی دینی بە پەخشانەی هەورامیە

فەسڵی ششەم: ڕادویٛنو مەریوانی

فەسڵی حەوتەم: پەخشانە ئەدەبیەکیٛ وەڵیٛ دەیەو هەشتاکانی

بەشی دووم: ئەوەژیوای زوانی هەورامی

فەسڵی یوەم: ئینترنێت و پەخشانەی هەورامیە جە دەیەو هەشتاکانە

فەسڵی دووەم: وەڵاوکریاکاو دەیەو هەشتای

فەسڵی یەرەم: داستانەکاو دەیەو هەشتای

فەسڵی چوارەم: واتارەکاو دەیەو هەشتای

فەسڵی پەنجەم: کتیٛبە چاپ کریاکیٛ

بەشی یەرەم: خیٛزیای نویستەی پەخشانیٛ هەورامییٛ

فەسڵی یوەم: فیٛربیەی زوان و پەخشانیٛ هەورامییٛ

فەسڵی دووەم: ئەرەنیشتەیەکیٛ پەی زوانی هەورامی

فەسڵی یەرەم: کوٙنیشتو کوڵە داستانیٛ هەورامییٛ

فەسڵی چوارەم: پەخشانە جە ئەدەبیاتو زاڕوٙڵانە

فەسڵی پەنجەم: بەرهەمە چاپکریاکیٛ شاعیٛراو هەورامانی بە وەڵینەی پەخشانیٛ هەورامییٛ

بەشی چوارەم: نویسەراو پەخشانیٛ هەورامییٛ و بەرهەمی چاپکریاشان

فەسڵی یوەم: ئامارو کتیٛبە چاپ کریاکان

فەسڵی دووەم:  نویسەریٛ بەرهەم چاپکریێ

فەسڵی یەرەم: پەخشان نویسیٛ تەریٛ

پەخشانەی سادیٛ، چنڎ پەخشانێوە کوڵیٛ، نویستەی ئیبراهیم شەمس

سەرچەمیٛ

دلیٛگەر

ئامادەکەردەی د.ناجح گوڵپی 4/1/2018

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیرۆز بۆ ڕۆو جەهانی زوانی ئەدٚایی

پیرۆز بۆ ڕۆو جەهانی زوانی ئەدٚایی زوانی ئەدٚایی گاهەز چا ئێستێلاحا بۆ که تا ئیسه کەمتەر سە…