یانە زانای پەنج کەلکیٛ واردەی بەرهەمەکانو کۆلاجینی  Collagen Supplements

پەنج کەلکیٛ واردەی بەرهەمەکانو کۆلاجینی  Collagen Supplements

85

پەنج کەلکیٛ واردەی بەرهەمەکانو کۆلاجینی  Collagen Supplements

کۆلاجین فرەتەرین جوٙرو پڕۆتینین جە دروسنای لاشەینە، سەرینیتەرین دروسنەو بەستەشانەکان connective tissue”” . کە فرەو لاشەی چی بەستەشانا دروسیان. پیٛسە ژیکەماساوڵیٛ(اوتار)، بەستەریٛ، پوٙس، ماساوڵیٛ.

کۆلاجین بڕێ هەرمانیٛش هەنیٛ دلیٛ لاشەینە پیٛسە: دروسنای یانەوردیلەکاو پوٙسی. پاڵپەشتو هازەو ماساوڵیٛ و پیٛشەکانو لاشەی. ئەچی چنڎە ساڵی دماینەنە بەرهەمەکاو کۆلاجین بە شیٛوەی فراوان بەکار مەیانە لاو خەڵکیوە، چ بە واردەی یام بەشیٛوەو حب و مەڵهەم و کریٛمی…هتد .

بڕێ جە کەلکەکاو کۆلاجینی باس کەرمی. کە وەڵاوگاو (هیلس لاین)ئەلکترونی وەڵاوکریێنیٛوە.

  • هامکاری دروسی پوٙسو لاشەی مکەروٙ: کوٙلاجین یوٙن جە دروسنە سەرینیەکاو پوٙسی، دەورێ فرە وینوٙ پەی بەهازکەردەی پوٙسی بەتایبە هنو چڕوچەمی، نەرم و تەڕ مازوٙشەو. تا تەمەنت گەورەتەر بوٙنە بەڎەنت کۆلاجینی کەمتەر دروسمکەروٙن. ئینەیچ بوٙ بایسو وشکبیەیۆ پوٙسی و چڕچ و لوٙچ بیەیش. وەرو ئانەی کوٙلاجین هامکاری بەهازکەردەی پوٙسی کەروٙنە و نمازۆ وشک و چڕچ بوٙ، هەمیشە بە نەرمی و تەڕی و سافی مازوٙشۆ. یانی نیشانیٛ پیری دماوزوٙ.
  • ئیٛشو جومگەکا نمازوٙنە. کوٙلاجین هەمیشە کروٙچڵڵەکاو دلیٛ جومگەکا پاریزنوٙنە، کروٙچڵڵیٛ جوٙرە بەستەشانێوە نەرمیٛنیٛ، ئەرکشا پاریٛزنای جومگەکان. وەختیٛ سنعەو ئانزانی ملوٙ ڕووەو پیری ئیتر کۆلاجینو لاشەی کەم مکەروٙن، کروٙچڵڵیٛ جومگەکا فشیٛ و هەروٙڵیٛ مەبانە”بانە” و ئیٛش و ئازارەو جومگەکا نەموٙ وەنە.
  • پاریٛزنای پەیکەرو پیٛشەو ئانزانی: پیٛشیٛ بەڎەنی فرەتەرشا جە کۆلاجینی دروسیانیٛ، بیچمێوی پتەو و هیقمشا بەخشان بە پەیکەرو پیٛشەو ئانزانی، وەختێ پیر بینەو تەمەنت زیاد کەروٙ، ئتر کۆلاجین دروسنای دلیٛ لاشەینە کەم کەروٙ. پی جوٙرە پیٛشەکیٛچ بیٛنازیٛ گناو کۆلاجینشا کەم کەروٙ، فشیٛ و هەروٙڵیٛ و کەمهازیٛ بانە، ڕەنگا مەڕیانە. پەی ویٛ پاریزنای متاوی بەرهەمەکاو کۆلاجینی بوەری، ئتر پیٛشەکێت بە پتەوی و هیٛقمی مەناوە.
  • پاڵپەشت هازەو ماساوڵەکاو لاشەی کەروٙنە: تاقیکەردەی بەرش وستەن کۆلاجین فرە بەکەلکا پەی پاریزنای هازەو سلامەتی ماساوڵەکاو لاشەی، بەتایبە ئاکەسیٛ کەتوشو نەوەشی( پیری ماساڵەکاو لاشەی بانە)، وشکنەریٛ ماچا واردەی کۆلاجینی کوٙمەک کەروٙ بە دروسنای پڕۆتینو ماساوڵا لاشەی، پیٛسە کریاتینی، کۆمەکو گەشەو ماساوڵا مکەروٙنە دماو وەرزشی.
  • پاڵپەشت پاریٛزنای دڵی و لولە ونەکا: وشکنەریٛ سەلەمنانشا کە واردەی بەرهەمەکاو کۆلاجینی دوریٛما وزوٙوە جە نەوەشیەکاو دڵی و لولەکانو ونیٛ. کۆلاجین بەشدارەن جە دروسنای دیوارو لولەکاو ونیٛ، نەرمیٛ و پتەویٛشا مکەروٙنە. کەمبیەی کۆلاجینی پاسەکەروٙ بە لولەکاو ونیٛ کە فشیٛ و ترتیٛ و کەمهازیٛ بانە، ئینەیچ بوٙ بایسو ڕەقبیەی لولەکاو ونیٛ، دماتەریچ سەکتەو دڵی و مەژگیش شوٙنیەرە مەیوٙ، یەکمچ بینە.

ئیسە فرەتەر کۆلاجین پەی جوانکەردەی پوسی بەکار مەیوٙ، وەلێم بڕیٛ بەرهەمیش هەنیٛ پەی واردەیچ، ئینە سەربارو ئانەی هەکە بازاڕنە بەرهەمیٛ خراپێ و نا بنەڕەتییٛ وزیێنی وەرچەم پەی بەکار ئاوەردەی.

 جە ئینترنێتۆ  د.ناجح گوڵپی 31/1/2019

 

 

 

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

سەرنجێ ویٛمانە سەروو دەقێوە کاک بێهرووز محەمەدپووری (شاروٙ)

قومێ لەزەت و عومرێ جادە سەرنجێ وێمانە سەروو دەقێو کاک بێهرووز محەمەدپووری (شارۆ)  عادڵ محە…