قیمەتو واردەی جە گوٙشتو سوٙنیٛنە
گوٙشتو سوٙنیٛ دوٙڵەمەندەن بە ئاسن و سلینیوم* و پڕۆتین، وەلیٛ داخوٙم کۆلیسترۆڵ و چەربیش چەنین بوٙنە؟ توٙ واچی دروستەر بوٙ جە گوٙشتو کەرگیٛ و قەلی؟ فەرماودیٛ پیٛوەر بزانمیٛش.
گوٙشتو سونیٛ پەڕەن چەربی و کۆلیسترۆڵ، بە تایبە چیٛرو پوٙسی، وەلێم گوشتو سینەیش نزیکەن بە هنو کەرگیٛ و قەلی(بیٛ پوٙس). ئیجا گردو ئەندامەکاو لاشەیش دووەقات کولیسترۆڵ و چەربیشا چەنەن چەمو ئەندامەکاو تەرو کەرگیٛ و قەلینە.
هەر 100 سەڎ گرامیٛ گوٙشتو سوٙنیٛ 19 نوٙزدە گرامیٛ پڕۆتینەن، ئیجا سەڎەنە پانزەو%15 پەنەوازو ڕوانەو ئاسنی مڎوٙ بەلاشەی، چەنی سەڎەنە دە %10 و ڤتامین B6 ، سەڎەنە پەنج %5و مەگنسیومی، هەرپاسە چەنی سەڎەنە چوار %4 و ڤیتامین A .
سەڎ 100 گرامیٛ جە گوٙشتو سوٙنیٛ، ویسوهەشت 28 گرامیٛ چەربی نادروسش چەنەن، بەتایبە چیٛرو پوٙسەکەیش.
سەربارو چەربی نادروسی دلیٛ گوٙشتو سونیٛنە، وەلێم خاسیەتیٛ عالیٛش هەنیٛ، چونکاتەی سلینیوم و زنکش چەنەن، هەکە یاردی سوچنای و هوٙرتاوانی چەربی مڎانە، شوٙنیەرە گوٙشتو سوٙنیٛ فسفۆڕ و تشو فۆلیکی و ڤیتامین B12 و نیاسین و ڕایبۆ فلاڤین و ثیامینش چەنەنیٛ.
*سلینیوم(مادەی خام پەی دروسنای ڤیتامین E ).
جەئینەرنیٛتەوە
دکتوٙر ناجح گولپی 27/1/2018
