یانە هەواڵیٛ ھۊرگېڵنای بەرنامەو تێلەگرامی پەی ھۆرامی

ھۊرگېڵنای بەرنامەو تێلەگرامی پەی ھۆرامی

156

ھۊرگېڵنای بەرنامەو تێلەگرامی پەی ھۆرامی

پېشکەش بە تۊی وانیار- و وەنەر- و نۋیسەری ھۆرامی-زۋانی

پېسەو دیاری ساڵۍ تازۍ میلادیۍ، دماو چڼ مانگا شەۋ و ڕۊ کۊششکەرڎەی تاۋام یۊ چە ئاۋاتەکام، کە ھۊرگېڵنای بەرنامەو تێلەگرامی بۍ پەی زۋانی ھۆرامی، دمایین ڕۋەکا ساڵۊ ٢٠١٨ ھۊرگېڵیاو زۋانو تێلەگرامی پەی زۋانی ھۆرامی تایبەت بە ھەر یەرە سیستەمەکا ( ١- ئەندرۆید ، ٢- ماک ، ٣- ویندۆز) پەی دەسەو سەرپەرشتیکەرڎەی مەسینجەرو تێلەگرامی ڕەۋانەکەروو

ئیسە، ئیتر منیچ پېسەو شمەی ئازیزی پەی بەرکۆتەی (زۋانی ھۆرامی) دلۍ ڕېزو زۋانەکا تەریەنە چەمەڕا مەمەنا و ئومېڎوازەنا چە ئی زووانە پېسەو خزمەتگوزاریېۋی گنۊ ۋەردەسو بەکاربەرە ھۆرامی-زۋاناو تێلەگرامی و بۊ بە کۊمەکېۋ پەی ئا کەسا، کە زۋانە ئۆروپییەکا نمەزانا و پەی ڕېکۋستەی بەرنامەکەیشا پەنەۋازییشا بە بېیەی زۋانی ئەڎاییشا ھەن.

شایانو ئاماژەداین، کە چڼ ساڵېۋ چێۋەڵتەر من دەسمکەرد بە ھۊرگېڵنای زۋانو بەرنامەو تێلەگرامی، بەڵام ۋەرو ئانەی دەزگێۋ (تێبلێتېۋ) کە دەسپنەکەرڎەی ھۊرگېڵناکەیش سەرشۆ بۍ، سۊت و نەتاۋام ھۊرگېڵناکەی ڕزگارکەروو. بە ئا جۊرە ھۊرگېناکەی پەکەشکۆتە و مەنۆ، تاکو دماجار پاییزو ساڵۊ ٢٠١٨ تاۋام کاتېۋ پەی بەدیئاۋڕدەی ئاۋاتەکەو وېم و (ڕەنگا فرە کەسا تەرېچ) تەرخانکەروو.

ھەڵبەتە نەۋاچیا نەمەنۊ، ئانۍ کە بوارو بەرنامەنۋیسییەنە شارەزێ ھەنۍ، مزانا زۋانو بەرنامەی ھەردەم کوڵتەرین شېۋاۊ یاۋنای مەبەستېنە، ۋەرو ئانەی ھۊرگېڵنای بەرنامەی پەی زۋانېۋی تەری چە ھۊرگېڵنای ئاسایی زۋانی سەختتەرا، بەتایبەت زۋانېۋ کە بوارو تەکنۆلۆجیاو زانیارینە بەکارنەبریابۊ و یاگەگیر نەبېېەبۊ و دەسەۋاچۍ تایبەتېش پەی فەرمانە تێکنۆلۆجییەکا نەبا.

چە ئا بارۆ، ئومېڎواز ھەنا، کە شارەزایی وېم بوارو تەکنۆلۆجیاو زانیاریینە و ھەر پاسە بوارو ھۊرگېڵناینە، پەی ئا مەبەسەیە ۋەسۍ ېبېیەبۊ و دماو بەرکۆتەی زۋانی ھۆرامی ڕیزو ھۊرۋچنای زۋانو تێلەگرامینە و بەکاربەرڎەیش، بەکاربەرۍ ھۆرامیی-زۋانی، پېسەو کۊمەکی و پاڵپەشتیکەرڎەی پەی ھەرمانەکا دماتەری، ھەڵۍ و ناجۊرییەکا دەسنیشانکەرا و بە پەیامی تایبەت پەی من بە تێلەگرام AkuMarani@ یان بە فەیسبووک facebook.com/ako.marani بکیانا.

ھەر چە ئا بارۆ، چېگەنە حەزکەروو، کە مژدەو تەمامیای ھۊرگېڵنای (زۋانو فەیسبووک)یچ پەی ھۆرامی بە شمەی ئازیزی بڎەو. بە ئومېڎو ئانەی کە ھیچ ڕاگیریېۋ درۊسنەبۊ و بتاۋۊ بە زوویی بە شمەی ئازیزیش پېشکەشکەروو.

دیاری شوانەی شنگیەنە یان ھاڵەکۊکی

ئاکۊ مارانی

٢١و جێنیوەری ٢٠١٩

 

————————————-

 

١- ئەندرۆید : سیستەمېۋا، کە کۆمپانیاو (گووگڵ)ی درۊسکەرڎەن و لاو وېما کەمتەر نامۊ سیستەمەکەی بریۊ، فرەتەر نامۊ ئا جۊرە مۆبایلا بریۊ، کە ئا سیستەمەشا سەرۆ ھەن، پەی نموونەی گەلەکسی …

 

٢- ماک سیستەمېۋا، کە کۆمپانیاو (ئەپڵ)ی درۊسکەرڎەن و تایبەتا بە ئایفۆنی و کۆمپیوتەرەکا ئا کۆمپانیایە.

 

٣- ویندۆز : سیستەمېۋا کە کۆمپانیاو مایکرۆسۆفت)ی درۊسکەرڎەن و سەرو فرەو دێسکتۆپی و لێپتۆپاۋا بازاریۆ ھەن.

 

* سەرنج : ئومېڎوازەنا ھەر کەس چە یاگۊ وېشۆ و پېسەو وېش داۋازینامەو زیاڎکەرڎەی زۋانی ھۆرامی پەی بەشۊ  (ھۊرگېڵنای گووگڵی) ۋاژۊکەرۊ و پەی یار و یاۋەرا وېش بکیانۊ، تاکو ئا کەمپەینۍ کە کۊمەڵېۋ دڵسۊزا زۋانی ھۆرامی دەسپنەکەرڎېنە، بە ئامانجو وېش بیاۋۊ و چاگەیچ زۋانی ئەڎایی ئېمە بەرگنۊ و زۋانەکەیما دیگیتالیزە کەرمۍ و چە فۆتیای پارېزنمېش.

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

مە؛ موٙرفیمو سەرەمڕەی

                مە؛ موٙرفیمو سەرەمڕەی موٙرفیمو”مە”ی سەرەمڕەی، یوٙن جە سیما دیا…