یانە ویر ویەرای جە بیٛدەنگی

ویەرای جە بیٛدەنگی

121

ویەرای جە بیٛدەنگی(عبورازسکوت):

موحەممەدشەریف عەلی ڕەمایی

دڵسوٙزیٛ هەورامانی جه ماوەو ئی چندٚها  ساڵەیٛنه کە پیٛسەو ئەرکوو سەروو شانەو ویٛشا زانان، بە یارمەتی خەڵکوو هەورامانی تاوانشا دەسکەوتیٛ فرییٛ به دەس بارا کەپەی فرەکەسا ویروه کەردەیچش سەختەن، بەڵام بەژیرانەو ئاوەزمەندانەو هەدەفدار تاوانشا جه چندٚە مەرحەلیٛ سەختیٛ، هەورامانی عبوو ر بدٚا؛

یوٙوم: نویسای و پەرەپەنەدایٛ به نەسری هەورامی کە ئیسە بیەن بە باوو وە ئا هەورامیاچە کە جە نویسیای هەورامی ناڵوٙزیٛ بیٛنیٛی بە ئەرکوو ویٛشا مەزانا کە بە هەورامی بنویسا، چوونکە نەنویسیای بەهەورامی پەی هەورامیا بیەن بە عەیبیە گەورە…

دوەم :مدرامانوو پاگیری سەروو ئانەیە کە زوانی ئەدٚایی مشیوٙ کارش پەی کریوٙ وبە ڕەوتی تاریخی ویٛش ئیدامە بدٚوٙ پەی  هیچ کەسیەو هیچ کوٙسپیە نیەن وەرش گیٛروٙ…

یەرم: خاتیٛمەدای پا ویرانە کە  زوانی هەورامی به لەهەجە حەساو کەریٛنیٛ و گەرەکشا بیٛ هەر پاسە بیٛ دەسەڵات مانوٙوه تا گيانش  بەر مەشوٙ..

چوارم: ئەوەگیٛڵای سەروو بنچینەو زوانوو هەورامی یانیٛ زوانی نویساری ویەردەو هەورامانی جە نەزەروو قەواعیدیوه بە تایبەت بە کار بەردەو فیٛعلەکا.

پەنجەم:تەقالا پەی شناسای هەورامانی فەرهەنگی  ونزیکوە کەردەی هەورامیەکا  جە هەریاگیە با، چوون تەنیا زوانە کەن هەورامیەکا به یوٙوه نزیکوە مەکەروٙ..

 ئی پەنج مەرحەلە بە باشی یاگیٛ ویٛشا کەردیٛنەوه. ئیسە وەختوو ئانەیە یاوان.

  ششەمین  مەرحەلەی بەی وەرەوە وەئادٚیچ ئانەنه: ویەرای جه بیٛدەنگی(عبور از سکوت)

سکووت وبیٛدەنگی ئاکامیه مەرگباروو یانەویٛرانکەرش بیەن پەی زوانی هەورامی و بیەن بە باییسوو ئەوەشاریایش، چوونکە هەورامان، بە عام سەروو ئی باوەڕیه لواینیٛ کە مشیوٙ چەنی غەیرە هەورامیەکا به زوانوو ئادٚیشا قسیٛ کەرانیٛ نەك بە زوانوو ویٛشا،

که ئاکامش  ئینەنە کە مەوینمیٛش. ئیسە ئەگەر ئینە زانایین وەسیٛن، ئەگەر  نەزانین وەسیٛن، ئەگەر گەورەیین  وەسیٛن، ئەگەر ویکلەیین وەسیٛن. قەدٚیمیا واتەن نە ئاندٚە تاڵ بە تفناتوه، نە ئاندٚە شیرین بە قووتت  بدٚا. وتوو واچ یا گفتوگوٙ مەبوٙ بە بایسوو ئانەیە غەیرە هەورامیەکا فیٛروو زوانەکەی با.هەرچی کەسەن حەز مەکەروٙ هەورامی فیٛر بوٙ، ئیٛمە مشیوٙ دەنگما بە گوٙشوو خەڵکی یاونمیٛ پیٛسەو گوٙرانیەکاما، جە هەرچیٛ یاگیٛنە گورانییٛ هەورامییٛ تاوا واچاو تیٛکرارشا کەراوە. ئیسە جە دلیٛ هامساکانە کووچە و کوٙڵانەنه، بازارەنە دلیٛ ڕەفیٛقانەکەرمیٛش عادٚەت ئا ویرە وەلیٛنەیە بسپارمیٛ بە تاریٛخی، چوونکە ئیٛمەیچ بەشەریٛنمیٛ، نە جە کەسی زیادٚتەر و نە جە کەسی کەمتەر. ئا کەلەبچە کەردە نما دەسوو زوانەکەيما بتاومیٛ کەرمیٛشوە. زوانی هەورامی مەلوٙە یاگیٛ ویٛش وە ئەو مەرحەلەکاتەری نەهادینە مەکەروٙوە…

 

20/1/2019

 hewraman
Load More In ویر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

سەرنجێ ویٛمانە سەروو دەقێوە کاک بێهرووز محەمەدپووری (شاروٙ)

قومێ لەزەت و عومرێ جادە سەرنجێ وێمانە سەروو دەقێو کاک بێهرووز محەمەدپووری (شارۆ)  عادڵ محە…