کتیٛبو”گوژمانە”ی پی زوانیە گنوٙ وەردەسو هوٙگراو ئەدەبیاتی هەورامی
بەپاواو هەواڵوو پاوەپرێسی، ئی کتیبە نزیکەو ١٧۵ لاپەڕان و بە قەڵەموو ڕەئوف مەحموودپووری نویسیان و جە لاو ئێنتشاراتوو زایەڵە یەوە چاپ کریۆ.
به پاو ئی هەواڵیه گوژمانە جە یەرێ بەشا کۆماش گرتەن. بەشوو یەکەمی؛ یەکەم بەیانیەو شێعرەی نەوەی هەورامیانێ. کە پێسەو ویروستەیۆ و سەرەتایێوە پەی وەرچەمانەو باقی باسەکا ئامان. بەشوو دووهەمی باسانیوەنێ سەروو تئوری شێعریی بە وەرچەم گێرتەی تایبەیە فەرهەنگیە بوومیەکاو هەورامانی و بە سوود بەردەی جە ڕەوتی ڕوو بە گەشەو ئەدەبیاتی ئینسانی.
بەشوو یەرەمی، خوانش و ئەوەوانایا سەروو دەقە شێعریەکا جە مەیدانوو شێعرێ نەوێ هەورامیێنە. ئی ئەوەوانایێ جە ڕاستاو بە کردەوەیی کەردەی ئا ویرنویسە بووتیقاییانە هەن کە جە بەشوو دووهەمیەنە ئیشارەشا پەنە کریان و کدرامانشا سەر کریان.
جی بەشەنا چوار کتیبێ جە چوار نەسڵە یۆ دماو یوەکا کەوتێنێ وەروو سەرنجێ و خوانششا سەر کریان.
نویستەی ئی کتیبی کە حاسڵوو چند ساڵا مانیایی و زەحمەتی بەردەوامیا، بە ئاواتوو گەشەدای بە ڕەوتی ڕوو بە وەروو ئەدەبیاتی ئێگەیی و بە بە گوژمتەر کەردەی هەنگامەکان پەی ڕەوتی سەردەمیانەی. لاما وچیۆ کە ئی کتیبە بە زوانی هەورامی نویسیان.
سەرچەمە: پاوەپرێس
