یانە ئەدەب و هونەر ۉەسشا بیۆ بە هۆرامی!

ۉەسشا بیۆ بە هۆرامی!

51

ۉەسشا بیۆ بە هۆرامی!

سەر دەمو دەسەڵاتو رەزاشای بؤ جە ئێرانەنە و دمای جەنگېۉی قورسی بەینو هۆرامیەکا و ڕەزاشایەنە، هۆرامان گنؤ چیرو چەترەو دەسەڵاتو دۆڵەتی مەرکەزی.
هەر پا بؤنۆ هېزېۉی مشەمەر مجیؤرە هۆرامان. چی کەین و بەینەنە و چی سەردەمەنە ژەنېۉە دڵش مشؤ ئەمنیێؤی و شوش پەنە کەرؤ.
تازە زەما خەلکو هەمەدانی بؤ. دمای خزمەتیش جە هۆرامانەنە نەقڵش کەراۉە پەی هەمەدانی و ئادیچ دەسو ژن و زاڕؤڵەیش گېرؤ و بەرؤشاۉە پەی هەمەدانی.
زەمان ۉیەرؤ. کوڕیۉ کە وارەزاو ژەنەکی بؤ سەفەریۉ کەرؤ پەی هەمەدانی پەی یانۆ مەتیێش و ماۉەو مانگیۉی چاگە مەنۆۉە و دمایی مێۉە پەی دەگاکې ویشا.
ۉەزؤرە وملؤۉە ڕۉەو یانە و دلېبەرەنە چرؤ: “مامان تخم بشکن تو روغن برام .” (ئەدا هېڵې ماڕەنە ڕۉەن پەیم) .ئەدایچش ماچؤ: ” ئی فلتەفلتە چېشا فېر بیەنی گوشا کەردە قەبرۆ فلانیتەرە خؤ مانگېۉ هەمەدان بیەنی.؟” کوڕە ماچو: “گفتم زود باش”.( ۉاتم زو کەرە)
ئی کوڕە دۉی برێ گۆرەتەرې جە ۉیش باش و مدیا نەخەیر کۆل مەدؤ. برا گۆرەکەش بە پەۉیشا ماچؤ:” لۉە تەنافېۉەم پەی بارە”. تەنافەش پەی مارؤ و دەسو پاش بینؤۉە و هەردۉە بە تېڵې شنیاشەنە. ئەو چېرەنە هەر بە فارسی هاۉارې کەرؤ و ماچؤ” پدرسگها مگر من چکار کردم ولەم کنید.” ( سەگبابا مەگەر من چېشم کەردەن ۉەرم دەیدې) .ئی دؤە برا هەر مداش ۉەنە و مداش ۉەنە تا ئاگە کە ئێشی فرەش میاۉو لا و ماچؤ : ” ئای تاتەڕؤ مەردا.”
برا گۆرەکەش ماچؤ ۉەسشا بیۆ بە هۆرامی.

بەختیار لهوٙنی

 hewraman
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیرۆز بۆ ڕۆو جەهانی زوانی ئەدٚایی

پیرۆز بۆ ڕۆو جەهانی زوانی ئەدٚایی زوانی ئەدٚایی گاهەز چا ئێستێلاحا بۆ که تا ئیسه کەمتەر سە…