یانە ئەدەب و هونەر ئەلۆ بەختیار

ئەلۆ بەختیار

64

… ئەلۆ بەختیار؟
ئەلۆ!
هەتیم بیە چند بەد ڕەسەنا، ئا ئؤجاخزادە، هەر وەختېۉ من هەرمانەم هەنە جواب مەدؤۉە.
ئەلۆ!
ـــ سلام حەمید خاسەنی.
… وەش بی. ئانە گەرەکم بې نەقڵېۉت پەی گېڵنۉۆ، بەڵام با بەینو وېمانە مەنؤ.
ـــ خاسا ئادی. قۆڵ بؤ.
… ساڵېۉشا کانادا بېنې و تاقەتم نەمەن یانەما لۉاۉە نۆسودە. پا دۆرو بەرو قەڵۉەز و قوڵەیەنە دەسېۉ یانېم کرێ کەردې و دوکانېۉم نیارە.
ـــ چېش ۉرەشېنې دوکانەکەنە.؟
… میزان بەندې.
ـــ میزانبەندې چېشېنې.؟
ئیسە تؤ کارت نەبؤ من چېش ۉرەشېنې، گؤش دە. لۉایمې گېڵای پەی داڵانې و چاگە بې تؤ ناۉەش نیشتیمېرە تا سەعات دەو شەۉې و بە سڵامەتی تؤ نیم قاپم دا دلې ڕەگا. ڕەفېقا ئارداۉە و تا یاۉایمې یانە سەعاتە ویش نزیکو دۆر و بەرو یانزەی کەردۆ.
سەرەت نەیێشنو ۉەرمی پەی زؤر ئاردە بېنې و هەر هەیۉانەکېنە سەرنگیێۉەم نیا چېرو سەرەیم و کۆتا پاڵې. چەمېم گەرمې بیێبېنې تەقەشا دا ئۆ بەرەی. منیچ هازیم نەبې هؤرزۉۆ. چڕیم کناچەکېم و ۉاتم ئا بزانە کېن تەقە مدؤ؟ شکەم بەردە مېمانې با. وەختو وېش لۉا بېنې پەی چینی پەی ئەسای وەسیلەی پەی دوکانی.
ـــ پەی میزانبەندا؟
… ئەرې مدرە. سەعاتیۉەی گۆرېم ئەسێبې کە قورمیشېۉی زل چېرەکەشۆ بې و کۉېبېم دیۉارو هەیۉانەکېرە. واتم زاتو خودای مېمانېنې و هەڵمەتەم دا قورمیشو سەعاتەکې و، سەعات ئەژمارەکەم بەرد سەرو دۉانزەی، ژەنۆ کابرای دیانې و ماچؤ: ” ئۆ کاکە حەمید زل زل سەعاتەکېش ۉەراۉەرو چەماماۉە کەردە دۉانزە.” نیابېمەرە دۉې سەعاتې بنیشارە ۉاتم با سعاتېۉەش لۉې بؤ، ئامې نیشتېرە و منیچ وېم پەی نەگیریێ و ۉاتم لائەقەڵ بە وتەیچ بؤ با هەر لاشانە بو.هاههاهاهاههاهاه
ـــ خاسا حەمید دەس وەش. وڵې ئانەیەنە باتری گوشیەکەېم تەمامیؤ با پەرسېۉەت چەنە کەرو.
… ئادەی.
ـــ من ٦٣ ساڵیما و نۆسودەنە گۆرە بیەنا و جە پاڵیچشەنە ئینە ماۉېۉی تولانیا هەرمانە پەی ئەۉەمەنەی زۉانی هۆرامی کەرو. باۉەڕ کەرە ۉاتې( میزانبەندیم) تا ئیسە نەژنەۉیەنە. یانې چېش.؟ ترازیێش پەنە بینیۆ؟
… ترازیې!! نەخەیر قەپانې!!
… کانادا لۉا بېنېۉە ڕۉەم نەبې نامېشا دۆ. ئاخر من کەمېۉ شەرمنەنا.
ـــ دەی ئیسە یەۉاشېۉۆ چفنە گؤشېمەرە. با کەس نەژنەۉۆ.
… مەمە بەندې.
ـــ دەی حەمید وەشتەرین نامېت ئېسېنۆ دەس وەش. ئانا ئەچی تاریخۆ ئی نامېما چریە گؤشیشارە و بە نامې تؤیچۆ سەپتە بؤ و بەرمېشەنە دلې ئەدەبیاتی هۆرامې.
… پاسە کەرە خەیرەشا نەبیە پەی من بەش پەی تؤ بەرەکەت کەرا،
ـــ هاهاههاهاهاها

نویستەی: بەختیار لهوٙنی

  • لیٛفی جاجم

    لیٛفی جاجم هەورامان هەمیشە تایبەمەندی ویٛش بیەن، هەر جە سیپاڵی و سەناتی دەسی…هتد، یو…
  • سی و یەکەمین ساڵیادو کیمیاوارانو شارو نوٙتشەی

    یاڎو کیمیاوارانو شارو نوتشەی ئاروٙ هەڤدەو مانگەو یەری 17/3/2017 ( 26 و سیاوکامی ) سی و یوٙ…
  • هەڵەبجە

    هەڵەبجە چەتە لافاوو ئەنفالی، قاچاخە کارێزوو گۆڕە بە کومەڵەکارە وێش یاونارە هەڵەبجە. هەبەسی…
  • لیٛفی جاجم

    لیٛفی جاجم هەورامان هەمیشە تایبەمەندی ویٛش بیەن، هەر جە سیپاڵی و سەناتی دەسی…هتد، یو…
  • سی و یەکەمین ساڵیادو کیمیاوارانو شارو نوٙتشەی

    یاڎو کیمیاوارانو شارو نوتشەی ئاروٙ هەڤدەو مانگەو یەری 17/3/2017 ( 26 و سیاوکامی ) سی و یوٙ…
  • هەڵەبجە

    هەڵەبجە چەتە لافاوو ئەنفالی، قاچاخە کارێزوو گۆڕە بە کومەڵەکارە وێش یاونارە هەڵەبجە. هەبەسی…
 hewraman
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

لیٛفی جاجم

لیٛفی جاجم هەورامان هەمیشە تایبەمەندی ویٛش بیەن، هەر جە سیپاڵی و سەناتی دەسی…هتد، یو…