یانە ئەدەب و هونەر پلووره‌وارانێوه‌

پلووره‌وارانێوه‌

110

پلووره‌وارانێوه‌ / هاوژین جه‌میلی

هه‌مامه‌و یه‌کی پله‌و9ی

 

دڵم تن تن ده‌ی دێ ونه‌، پێسه‌ وه‌ننه‌نێ له‌رزه‌ی له‌رزێ، ئه‌دٚام وه‌رهاڵوو كه‌یڵه‌كه‌یه‌نه‌ لاش ئاسه‌بێره‌ و چنی رۆجیاره‌كه‌ی وه‌راوه‌ریلێ كه‌رێ، گه‌ڵای دره‌خته‌كاچ ئیدٚه‌س و ئه‌ودٚه‌س كه‌رێنێ و ره‌مێنێ شۆنۆ سه‌یه‌كاشاره‌، به‌ڵام وێشا مارنێنێ. ڤه‌رڤه‌كۆ سه‌روو كه‌مه‌ره‌كا ئێتر نه‌تاوێ پێسه‌ گردٚ جارێوی لاو ئه‌دٚایمه‌نه‌ وێش برمانۆ كه‌م ئارێ!

مشكیه‌ خێڵ خێڵینه‌كه‌ش نازێش جیا و واوشیش كه‌ردٚه‌بێ پۆره‌ و وه‌رش نه‌دٚێ و نازێ عال هه‌ناسه‌ كێشۆ. . .

قژه‌ لووله‌كێش بێ‌دزی، هه‌وریه‌كه‌شا لا دابێ و وێشا ئه‌رمانێنێ. هه‌رسی چه‌مه‌كاش پێوه‌ره‌ ده‌سشا گێرته‌بێ و سه‌روو كوپه‌كاشه‌ره‌ خڵووزگێ كه‌رێنێ . ده‌سم به‌ ئاڤۆ دلێ كاسه‌ رۆحینه‌كه‌ی ته‌ڕم كه‌ردٚ و ئاردٚم سه‌روو لچه‌ وشكه‌كاشه‌ره‌ .

كتووپڕ چه‌مم كه‌وت به‌ كاوه‌ترێوێ چه‌رمێ كه‌ لاو ده‌لاقه‌كه‌یه‌نه‌ ده‌ورێ كه‌رێوه‌، حه‌ر ئه‌جیۆم دلێ گۆننی هاردٚه‌كاو ئه‌دٚایمه‌نه‌ به‌رشیێبێ !  ئاخر وه‌ختێو گولالێ بێنێ كاوه‌ترێوه‌م گێرتێبێ و وه‌ره‌ش نه‌دٚێنێ! ئه‌دٚام واچێ: رۆله‌ گیان وه‌ره‌ش ده‌ ئادٚه‌ حه‌ققش ئانه‌نه‌ پا ئاسمانه‌نه‌ باڵێ گێرۆ، مشیۆم ئازادٚه‌ بۆ و ئاسمان حه‌ققوو وێشا و تۆ مه‌تاوی بسانیش چنه‌ . . .

واتم: فره‌و خه‌ڵكی یانه‌نه‌ قه‌فه‌سێشا هه‌نێ و ژه‌ره‌ژ و مریچڵه‌ و كاوه‌ترشا چنه‌ن، ده‌ی قه‌دٚش چێشا با منیچ یوه‌م بۆ، خۆ چنیش عاله‌نا و گه‌ره‌كه‌مه‌نه‌ و گردٚ جارێویچ دانه‌ش مدٚه‌و پنه‌ .

ئه‌دٚام ماچۆ: نا رۆڵه‌ گیان ئه‌گه‌ر به‌ راسی گه‌ره‌كه‌ته‌نه‌ و وه‌شه‌ت مسیۆ مشیۆم وه‌ره‌ش ده‌ی بلۆ په‌ی لیانه‌كۆ وێش و بلۆ په‌ی ئا یاگێ چاگه‌وه‌ ئامه‌ینه‌ . تۆ مه‌تاوی په‌ی وه‌شی وێت ئادٚێ جه‌ باڵ گێرته‌ی بێ به‌شه‌ كه‌ری چوون ئادٚه‌ پاسه‌ مژیڤۆ .

بێ‌دزی ئه‌دٚایم لوانێ كاوه‌تره‌كێم شاراوه‌، به‌ردٚه‌م نیام دلێ گۆننی هاردٚه‌كاو ئه‌دٚایم و هاردٚێم كه‌ردٚێ ملشه‌ره‌ واتم با ئه‌دٚام نه‌وینۆش و نه‌لۆ وه‌ره‌ش دۆ .

ساحبێ زوو لوانێ چێروو هاردٚه‌كانه‌ به‌رش باروو! ئه‌جۆم وه‌رمش فره‌ قورس بیه‌بێ، ئاخر حه‌رچی چڕانێش ونه‌ هه‌یش نه‌بیه‌وه‌ !

ئه‌رێ داخۆم ئا كاوه‌ترێ ئانا ده‌ورێ كه‌رۆوه‌، حه‌ر ئا كاوه‌ترێ بۆ شارتێبێمه‌وه‌؟! ره‌نگا . . . ئیسه‌ هایش بیه‌بۆوه‌ و ئامه‌یبۆ پنه‌م واچۆ : « كه‌س مه‌تاڤۆ ئازادٚی جه‌ كه‌سی گێرۆ ! » . گۆشم گێرت په‌یش، باڵه‌كیش ته‌كنه‌یش و جه‌ ده‌وره‌وه‌ كه‌ردٚه‌ی ده‌سش كێشا و واتش: راسا تۆ متاوی لاشه‌كه‌یم شاریه‌وه‌ به‌ڵام مه‌تاوی ئازادٚیه‌كه‌م چنه‌ گێری ! حه‌ر پاسه‌ كه‌ مه‌تاڤی به‌ هه‌وه‌شارای رۆجیاری پلووره‌وانێ جه‌ ئاسمانی بسانی! باڵ گێرته‌ی من پیسه‌ پلووره‌وانۆ ئاسمانیه‌نه‌ ئینا وجوودٚمه‌نه‌ و ده‌سوو كه‌سی مه‌یاڤۆ لاش .

كاوه‌تره‌كێ گه‌ره‌كش بێ باڵێ گێرۆ و بلۆ و ئەدٚایچم پێسه‌ ئادٚێ  بێ تاقه‌تۆ ئاسمانی بێ. زوو ره‌مانێ و كاوه‌تره‌كێم لاو ده‌لاقه‌كه‌یه‌نه‌ گێرته‌ و تن شوارامه‌نه‌ دلێ ده‌سام. واتم با به‌رنه‌شۆ. كتووپڕ ده‌نگوو ئه‌دٚایم ئاما، ماچۆ وه‌ره‌ش ده‌ با بلۆ رۆڵه‌ گیان . هازیم نه‌مه‌نێبێ چنه‌ . گێڵانێوه‌ و وێم یاونامه‌وه‌ لاو ده‌لاقه‌كه‌و وه‌رهاڵی به‌ڵام دڵم نه‌بێ پووه‌ ده‌سێم وازێ كه‌روو، دیانێوه‌ سه‌ره‌وكووی په‌ی ئاسمانی مدٚیه‌و ئادٚیچ فره‌ بێ تاقه‌توو كاوه‌تره‌كێن ! ده‌سێش كێشایره‌ و دلێ ده‌سامه‌نه‌ ئه‌ڕفاناش! لوا و باڵێش گێرتێ و ئاستانێش جیا و دیانێوه‌ لا مدٚیه‌و ئه‌دٚایچم به‌ردٚێنه‌ش چنی وێش ! ئیسه‌یچ ئایرگاو وه‌شه‌سیاویه‌كه‌یش دلێ دڵیمه‌نه‌ كڵ و كۆشا . . .

 ئی کوڵە داستانیٛ جە یوەم هەمامەو کوڵەداستانینە وەڵاو کریێنۆ

 hewraman
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

سەرنجێ ویٛمانە سەروو دەقێوە کاک بێهرووز محەمەدپووری (شاروٙ)

قومێ لەزەت و عومرێ جادە سەرنجێ وێمانە سەروو دەقێو کاک بێهرووز محەمەدپووری (شارۆ)  عادڵ محە…