یانە هەواڵیٛ دیوانو جەهان ئارا خانمیٛ پاوەییٛ چاپ و وەڵاو بیەو

دیوانو جەهان ئارا خانمیٛ پاوەییٛ چاپ و وەڵاو بیەو

78

دیوانو جەهان ئارا خانمیٛ پاوەییٛ چاپ و وەڵاو بیەو

دیوانو جەهان ئارا خانمیٛ  چاپ کریاو کەوت وەرو چەمو وانەرا، ئی دیوانە عەدنان مورادی گلیٛرکەردەنەو نویستەنشەو، دلیٛ کتیٛبێوە خنجیلانەینە، وەڵاوگەو ئاروٙی چاپ کەردەن، پەی دەسکەوتەی ئی کتیٛبیە سەردای وەڵاوگەو ئاروٙی بکەردیٛ جە پاوەشار، مەیدانو مەولەوی.

جەهان ئارا خانمە کناچیٛ مەلا نەشئەتی پاوەیینە، شاعریٛوە هەست ناسکەو پایە بەرزەو زەمانو ویٛش بیێنە، هەستێوە ژەنانەش بیەن پیٛسەو  ژەنێوە ئاسەردەمیە شیٛعریٛش واتیٛنیٛ.

پارچە شێعرێوە جەهان ئارا خانمیٛ:

ئاغەم کاریەن……                                   بیللا جەدووریت دەردم کاریەن

هەرشەو تا بەڕوٙ بیٛ قەراریەن              کوٙڵ بەڵای بەڕاست شین و زاریەن

ئەوەند بیٛ حەد تاسەی توٙم کەردەن     دوودی هەناسەم جە فەرق ویەردەن

دیڎەم ئینتزار ئاموٙشوٙی ڕاتەن             خەیاڵ هەر نە فکر ویر و سەوداتەن

سەرسام سادار چون لەیلیٛ ئاسام      شادی و زەوق نەڕووی دەروون هەراسام

چونکە بەی ڕەنگە دەرد کاریمەن      دەردیٛ بیٛ دەرمان نادیاریمەن

بوٙ تایە کاکوٙڵ قەترانی شەوبوٙ           واز کەرە نە فەرق عەتر ئەشەد بوٙ

بکیانە پەریٛ زامداریٛ زامت            دڵ بەسیخ بڕیان باڵای نەمانت

لەحزەی نمەشوٙ نام توٙم جەهوٙش     تاوەڕوٙی مەردەن نیەن فەراموٙش

قەسەمم واردەن ڕوٙح باروون وەبەر     بنیٛرو نە ڕیٛی عمرو گیان و سەر

 ئامادەکەردەی د.ناجح گوڵپی 25/12/18

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

نەوروٙزو دەگاو دەلی

بێ شک گێرە یۆ چا نەورۆزە عالا کە چی چند٘ە ساڵەنە هەورامانەنە گیریان و تام و بۆی فەرهەنگیش …