یانە گردین ئەنجەنیەی لاشەو پیرەژەنیٛ ۸۷ساڵیٛ ئامریکاییٛ دماو مەرگیش پەی تاقیکاری و هەرمانەی زانشتییٛ

ئەنجەنیەی لاشەو پیرەژەنیٛ ۸۷ساڵیٛ ئامریکاییٛ دماو مەرگیش پەی تاقیکاری و هەرمانەی زانشتییٛ

137

ئەنجەنیەی لاشەو پیرەژەنیٛ ۸۷ساڵیٛ ئامریکاییٛ دماو مەرگیش پەی تاقیکاری و هەرمانەی زانشتییٛ

بانو”سوزان پاتیٛر”ە خەڵکو تیٛگزاسو ئامریکای،ڕەزانە پانەی دماو مەرد٘ەیش، ئەعزاو و ئەندامیش بە ۲۷هەزار تیکیٛ خەیلیٛ وردی(بە جوٙریٛ کە ئی تیکا ئننە منجەنا و گولانیٛشا کەراوە کە بە چەمی عادی نەپیویا)بنجەنا و پیجوٙرە  ئیجازەو بەهرەگیری جەسەیش دان بە زانشمەندا پەی هەرمان و هوٙروشکنای زانشتی و پزیشکی.

مشیوٙم جەسەی ڕچیای و یەخ کریای ئی پیرەژەنیٛ دماو مەرد٘ەیش، بنجنیوٙ و پیجوٙرە مودیٛلیٛ دیجیتالیش چەنە وەش کەرا و دماجار بە سپاردەی و ئیسکەن کەردەی ئی تیکە وردیا بە کامپیوتری پەی هەرمانیٛ دمایین ئیٛستفادەش چەنە بکەرا و بڕیارەن مسیاریٛ ڕشتەو پزیشکی پەی وردەکاری زانشتی و ئاموزشی کەڵکش چەنە بگیٛران.

ئی پیرەژەنیٛ واتەن: مزانو تا ماویٛو تەری مرونە و شاکلەنا پانەی جەسەیم بنجەنا و گەرەکمەن پەی وەڵکەوتەی زانشتو ئانزانی کومەکیٛ گولانەم کەرد٘ەبوٙ.

فرەو میدیای تیگزاسی قەد٘زانایشا کەرد چی کەردەوە خاسەیە و ئی هەرمانیٛشا بە فیداکاری گەورەی دا قەڵەم و بڕیٛ جە ڕوٙنامەنویسایچ نامیٛشا نیاینە”جەنازەی هەتاهەتایی و جاویدان”.

ئیٛژاو واتەیا ساڵای چیوەڵیچ فرەو مەردمی وەسیەتشا کەردەبیٛ کە شوٙنەو مەرگیشارە، لاشە و جەنازەیشا پەی وردکاری زانشتی و ئەنجەنیای ئەندامیشا بوزانیٛ ئیختیار و وەرودەسو مسیاریٛ پزیشکی، بەڵام تا ئی ئەنازە ڕیٛزکەرد٘ەی(۲۷هەزار تیکیٛ وردییٛ)،بڕەوش نەبیەن و متاومیٛ بواچم پیٛسە چیٛویٛ تائیسەتیٛ کەم ویٛنە بیەن.

مسیار و کارئاموزیٛ پزیشکی و لاشەشناسی سەروکارشا ئینا چەنی ئەندامیٛو مەرد٘ا و پەی ئەشناسای و بڕیٛ ڕیٛزەکاری و فیٛربیەی مشیوٙم چن دەوریٛ فیٛرکاری و ئازمونییٛ سەختیٛ بویارا.

پیٛشکەش کەردەی لاشەو ئانزانی مشیوٙ بە ئیجازە و ڕەزاو ئا کەسیە بوٙ و فرەوکەسی بە نویستەی و کڕەدای فورم و بەڵگەو پیٛشکەش کەردەی لاشەیش، ئی ئیجازەیە مد٘وٙنە پا زانشتگا یام تاقیگای پزیشکیە کە دماو مەرد٘ەیش بە هەر جوٙریٛ کە پەنەوازەن چا بەد٘ەنیشە(گوٙشت، پوٙس، چەمیٛ، دڵ، وڵکیٛ، جمجمە، ڕەگیٛ، پیٛشەوپەڵا، مەژگ ، شوشی،ڕ وٙڵەخای، یەهەر و…)کەڵک بگیٛریوٙ.

پەنەوازەن بواچیوٙ جەسەو ئانزانێ کە فرە سوٙتە بوٙ یام ئا کەسیٛ کە ماویٛو دریٛژخواین جە مەرگیشا ویەردە بوٙ بە جوٙریٛ کە جەنازەشا گەنا و شپرز و تیٛک شیەبوٙ و یام قابلو ئیستفادەی و شیکاری و ئەنجەنیەی نەبوٙ، دەردە مەوەروٙ و ئینە بیەن نونگەو کەم بیەی لاشیٛو مەرد٘ا پەی هوٙروشکنای زانشتی و گرد٘ساڵیٛو سیستمو پزیشکی و ئانالیزو ئاناتومی ئانزانی جە جهانەنە داوامکەرا جە خەڵکی تا بە پیٛشکەشکەردەی جەنازەیشا دماو مەرگی ڕزای با و کومەکیٛ بکەرا پەی هەرمانیٛ زانشتی و تاقیگای پزیشکی.

وەڵاوگەو هەورامانی  24/12/18

  • لیٛفی جاجم

    لیٛفی جاجم هەورامان هەمیشە تایبەمەندی ویٛش بیەن، هەر جە سیپاڵی و سەناتی دەسی…هتد، یو…
  • سی و یەکەمین ساڵیادو کیمیاوارانو شارو نوٙتشەی

    یاڎو کیمیاوارانو شارو نوتشەی ئاروٙ هەڤدەو مانگەو یەری 17/3/2017 ( 26 و سیاوکامی ) سی و یوٙ…
  • هەڵەبجە

    هەڵەبجە چەتە لافاوو ئەنفالی، قاچاخە کارێزوو گۆڕە بە کومەڵەکارە وێش یاونارە هەڵەبجە. هەبەسی…
  • لیٛفی جاجم

    لیٛفی جاجم هەورامان هەمیشە تایبەمەندی ویٛش بیەن، هەر جە سیپاڵی و سەناتی دەسی…هتد، یو…
  • سی و یەکەمین ساڵیادو کیمیاوارانو شارو نوٙتشەی

    یاڎو کیمیاوارانو شارو نوتشەی ئاروٙ هەڤدەو مانگەو یەری 17/3/2017 ( 26 و سیاوکامی ) سی و یوٙ…
  • هەڵەبجە

    هەڵەبجە چەتە لافاوو ئەنفالی، قاچاخە کارێزوو گۆڕە بە کومەڵەکارە وێش یاونارە هەڵەبجە. هەبەسی…
 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

لیٛفی جاجم

لیٛفی جاجم هەورامان هەمیشە تایبەمەندی ویٛش بیەن، هەر جە سیپاڵی و سەناتی دەسی…هتد، یو…