یانە زانای خاسیەتەکانو زەنجەفیلی پەی پوٙسی

خاسیەتەکانو زەنجەفیلی پەی پوٙسی

103

خاسیەتەکانو زەنجەفیلی پەی پوٙسی

گردما ئاواتما ئانەن کە دایم و دەرهەم پوٙسێوە گەش و زینڎەما بوٙنە، بەتایبە ژەنی، ئیٛمەی پیایچ هەمان حەزما هەن، چیٛگەنە زەنجەفیل هەرمانێوە خاسە کەروٙ سەرو پوٙسیما، هەمیشە بریسکەدارش کەروٙ و نمازوٙ چرچ بوٙنە، وارۆ خاسیەتەکانو زەنجەفیلیتا پەی منویسمیٛ، کە بە گاریگەرتەرین گیواوو سەرزەمینی منریوٙرە:

  1. دژو هەوکەردەی پوٙسین: زەنجەفیل مادێوە سروشتین دژو هەوکەردەی و سوربیەیۆ پوٙسی، میکرب کوشوٙ و نمازوٙ گەشەبکەران، نەوەشیەکانو پوٙسی وەشیٛ مکەروٙوە پیٛسە “اکزیما”ی .
  2. دژو زەکاو گەنجین: زاستمەندیٛ موٙچیاریما کەرا کە زەنجەفیل بوەرمیٛ پەی ناستەی زەکاو گەنجی(حب شباب) .
  3. کەمکەردەیوەو سیاوەتی دەورو چەما: وەختێ سنعەو ئانزانی ملۆ سەر، پیر بوٙ دەورو چەما سیاو بەرمگنوٙ، زەنجە فیل بە نونگەو ناستەی سیاوەتیەکەی چون سوڕیای ونیٛ چالاک مکەروٙ نمازوٙ رەنگەی سیاوە دەورو چەما کۆبوٙوە.
  4. نیشانەکانو پیری کەم کەروٙوە: هوروشکنای سەلەمنانش کە کریٛمیٛو زەنجەفیلش چەنەبوٙ پەی چڕوچەمی، چڕچیٛ و نیشانیٛ پیری کەمە مکەروٙوە، هەرپاسە پەڵیٛ قاوەیی نمازوٙ جە وەرپیٛکو تیشکەو وەرتاوی دروسیٛ بانە، هەمیشە پوٙس تەڕو نمدار مازوٙوە.
  5. کەم کەردەیەو خاڵ و میٛڵ و سەرو پوٙسی: زەنجەفیل هەرمانەو خانەکانو پوٙسی چالاک مکەروٙ، بوٙنەو ئانەیۆ نمازوٙ خاڵو میڵی رەنگامە بەر بگنو سەرو پوٙسیوە، یانی نمازوٙ نیشانیٛ سیاویٛ و لەک و پەڵە سەرو چروچەمیوە بەر بگنوٙ، متاوی چەمچە چاشتیٛو زەیتو زەیتونی چەنی چەمچە چاشتیٛ هاڕیاوەو زەنجەفیلی تیٛکەڵ بکەری، هەر یاگێوە لەک و پەڵەش هەن ڕویٛ دویٛ جاری ساویش پوٙرەو ناویش پەنە، سەرەمڕەبی تا لەک و پەڵەکە لامشوٙ .
  6. تەڕەکەردەی پوسی وشکی: بڕیٛ پوٙسیٛ هەنیٛ وشکیٛنیٛ، وەرو ئانەی بەکار ئاوردەی زەنجەفیلی پوسەکەی بەنەرمی و نمداری مازوە و خانە مەردەکا لابەروٙ و زیندەگی تازە بەخشوٙ بە پوٙسی، ئینە یانی مجەنگوٙ چەنی پیری. تاوی گەردەو زەنجەفیلی بوەری نام کریمو چڕوچەمی بەکار باوەری.

واردەی زەنجەفیلی مەشوٙ سەرەمڕەبی تا 40 ڕوێ، متاوی بە شیٛوەو هاڕیای”گەرد”یٛ شەوێ دوغرامیٛ بوەری، ئاوی گەرمە کەری و دویٛ چەمچیٛش کەرینەو سەرش منیەیوە تا سەرد بوٙوە، ئیتر هورش قوٙڕنیوە، تاوی زەنجە فیلی تەریچ بوەری ڕاونە دویٛ غرامیٛ.

بڕیٛ یانیٛ هەنیٛ زەنجەفیل جیاتی مەکا کەرانە دلیٛ چاشتیٛ کە فرە کەلکدارەن، فرەو وەڵاتا جەهانینە پاسە مکەرا، واردەکەشا کەمێوە تامش توون بەرمشوٙ.

ئینە خاسیەتیٛ زەنجە فیلینیٛ تەنیا پەی پوٙسی نویستیما، چون خاسیەتیٛ تەریٛش هەنیٛ ، تایبە واتاریٛ تەرەنە منویسمیٛشا، پیٛسە کەم کەردەیۆ ئیٛشو ئازارو جومگەو زەنگوٙلا، کەمکەردەی چەربی ونیٛ و چالاککەردەی سوڕو ونیٛ  نەوەشیەکا دلی کەم مکەروە، هەرپاسە دژو سەرتانو ڕیٛڵەخوٙی و کۆڵونی مجەنگوٙ و ئەگەر زەنجەفیل بوەرمیٛ ئەکید قەبزی و نەوەشی سەرەتانو ڕیٛڵەخوٙی دوور مگنوە چەنەما، بە گردینی شوٙنەمای ئەریٛنیش هەن سەرو کوٙئەندامو هەرسیوە، هەرپاسە  زیادکەردەی  زەوقو پیای یوتەرەن جە خاسیەتەکاش.

      د.ناجح گوڵپی 19/12/18

 

  • ڕازەو مامالیٛ

    ڕازه‌ۆ مامالێ / فۆلکلۆر / ئه‌وه‌نویسه‌ی ئیبراهیم شه‌مس بێ بێ بێ، مامالێوه‌ بێ. وێش تاق و ت…
  •    هەستووسوٙز به زوانی ئەڎایی خاستەر بەروزیوٙ

                            هەستووسۆز به زوانی ئەڎایی خاستەر بەروزیوٙ پەرسوو جواوو ڕۆزنامەو &#…
  • ویەرای جە بیٛدەنگی

    ویەرای جە بیٛدەنگی(عبورازسکوت): موحەممەدشەریف عەلی ڕەمایی دڵسوٙزیٛ هەورامانی جه ماوەو ئی چ…
  • ڕازەو مامالیٛ

    ڕازه‌ۆ مامالێ / فۆلکلۆر / ئه‌وه‌نویسه‌ی ئیبراهیم شه‌مس بێ بێ بێ، مامالێوه‌ بێ. وێش تاق و ت…
  •    هەستووسوٙز به زوانی ئەڎایی خاستەر بەروزیوٙ

                            هەستووسۆز به زوانی ئەڎایی خاستەر بەروزیوٙ پەرسوو جواوو ڕۆزنامەو &#…
  • ویەرای جە بیٛدەنگی

    ویەرای جە بیٛدەنگی(عبورازسکوت): موحەممەدشەریف عەلی ڕەمایی دڵسوٙزیٛ هەورامانی جه ماوەو ئی چ…
 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ڕازەو مامالیٛ

ڕازه‌ۆ مامالێ / فۆلکلۆر / ئه‌وه‌نویسه‌ی ئیبراهیم شه‌مس بێ بێ بێ، مامالێوه‌ بێ. وێش تاق و ت…