یانە گردین میٛمانو باخی

میٛمانو باخی

183

 

میٛمانو باخی”Garden Party”

شناسنامەو ئی ئەنیمێشنە کۆتایە:
بەرئامەو ۲۰۱۷ی عیسایی
ماوە:۷دەیەقێ
ژانر:کومیدی٫فانتزی
کشوەرو سازەندەیش:فەڕانسە
شرکەتو سازندەیش:
Motion Picture in Arles
کارگێڵنەرێ:
Florian Babikian | Vincent B ayoux | The´ophile Dufresne | Gabriel Grapperon | Lucas Navarro | Victor Caire |

میٛمانو باخی”Garden Party”نامیٛ ئەنیمێشنیوی کوٙتاین کە بەرئامەو زانشتگاو ئەنیمێشن و گرافیک و”MOPA”یەن و بە بەشداری و کۆششو چن کەسێ توانا و ئاشنا بە ئەنیمیٚشنی وەڵکەوتەی جە ساڵەو ۲۰۱۷ینە دریا بازارو فیلم و ئەنیمێشنی.
ئی ئەنیمێشنە کۆتا، داراو وێنێ زەڕیف و گرافیکی تەمیس وەڵکەوتە و سەر و چەمگیر وئەلاحید٘ەیەن و کەوتەن ڕزەو پاداشو ئوسکارو ۲۰۱۸ی و بە نامزەدو ئی پاداشیە هۆرچنیان و بەرشیەن.

چکیارەنویستێ جەبارەو ئی ئەنیمێشنیە:

داستانەو ئی ئەنیمێشنیە جە یانە و عمارەتێ بەشکۆ و گەورێنە ملۆڕاوە کە هیچ ئانزانێ زینەش نیەن چەنە و پەڕەن جە قڕواقیٛ جوٙراوجوٙریٛ…!
ئی عمارەتە گەورە ڕازیانۆ بە کەلوپەل و تفاقێ لوکس و چاشت و خۆراکێ وەش تام و مەزە و گران قیمەتی.
قرواقێ ئی ئەنیمێشنیە کەوتێنێ سەروکڵاو وێشا و بەوەشی و کامرانی و عەشق و دلداری گوزرانو زیندگی! مکەران و دماجار چی عیمارەتەنە، جەژنێو گەورێچ مگێرا پەی وێشا و شاد٘یانێو بەراڕاوە.

بابەتێ کە چی ئەنیمێشنەنە مگنۆ وەرو چەمی و یا حەتا متاومێ چەنەش بگێرم ئانەن کە گرد٘و ئا تفاق و چێویە کە ئانزانێ جە بوم و سروشتی مگێراش و یاگێ تەنگ مکەرا ئەو ژیوار و ژیوگەو گیاندارای تەری(چ بە زوٚر و چ بە تەقالا)،دماجار و جە کۆتاییەنە هەر مگێڵوۆە پەی سەرچەمە و یانەی ئەسڵی و سەرینەکەیش یانی سروشت و زەمینی.
ئی ئەنیمێشنە پەسەندکریا و فرەوینەر و گیرایە متاودێ جە یوتیوب و یام جە ئاپاراتەنە پی نام و نیشانە و ئادرسیە بویندێش و تەماشاش بکەردێ و چەشتەش بێدێ:

https://www.google.com/url?sa=t&source=web&rct=j&url=https://www.aparat.com/v/ZeL42/%25D8%25A7%25D9%2586%25DB%258C%25D9%2585%25DB%258C%25D8%25B4%25D9%2586_%25DA%25A9%25D9%2588%25D8%25AA%25D8%25A7%25D9%2587_%2526laquo%253B%25D9%2585%25D9%2587%25D9%2585%25D8%25A7%25D9%2586%25DB%258C_%25D8%25AF%25D8%25B1_%25D8%25A8%25D8%25A7%25D8%25BA%2526raquo&ved=2ahUKEwjiyYOGvKHfAhVNM-wKHb12DIQQFjAAegQIBBAB&usg=AOvVaw3M4AELGzuJdweanst1bymZ

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

سەرنجێ ویٛمانە سەروو دەقێوە کاک بێهرووز محەمەدپووری (شاروٙ)

قومێ لەزەت و عومرێ جادە سەرنجێ وێمانە سەروو دەقێو کاک بێهرووز محەمەدپووری (شارۆ)  عادڵ محە…