هەورامان

54

هەورامان

هەر پاسە کەویٛما زانمیٛ هۆرامان زوانەکەش جە مەۮی جغرافیایی و دریٛژایی و پانایی زەمین و دەرەتانیش فرەتەرا .

ئیٛمە هۆرامییٛ فریٛما ئینەی بەروو هۆرامانینە کە ماوا و مەسکەنشا هۆرامان نیا جە ئیٛرانەنە : هۆرامییٛ شماڵیما هەنیٛ کە ئینەی ئوستانەو ساری مازندەرانینە ولای کەم هەزارساڵیٛ جە هۆرامانی بڕیەینیٛ و تەنانت چن ساڵیٛوەن زاناناشا هۆرامییٛنیٛ، ئیسە وەختاریٛ هۆرامییٛ وینا ئەجۆشا براو تاتەیشا دیەنەو، وەیا هۆرامیا زاخەو تویسرکانی و قەڵاو قوروەی، ئی خەڵکە ئاوارەو دوورە وەڵاتا، ئیٛننە دووریٛ کەوتیٛنیٛوە کەبە هەزار حاڵیٛ ویٛچشا مژناسا، کەڕەتیٛوە چەنی بریٛوە هۆرامی زاخەو تویسرکانی تەلەفوونی قسیٛ کەریٛنیٛ، پەرسام وەنە بیٛژ شمە هۆرامییٛ تەری هەنیٛ؟ کەردشەو جواب: ماچا: دەگەیوەتەرە هەنە بەنامیٛ قڵاو قوروەی کە پیٛسەو ئیٛمە قسیٛکەرا، حەرام بوٙ ئیتر ئاگاش جە ماباقی هۆراماناتی نەبیٛ!! یەریٛ دەگەیچما ئینەی جە محاڵوو دینەوەروو شاروو سەحنەوکرماشانینە بە نامیٛ: کەنوولەی، شریف ئاوا و پەریانی کە زوانشا کەمتر سەۮمەش دیەن.

یا هۆرامیا زەهاوی: پیٛسەو دەگاو زەردەی و گەورە جویٛ کە ئاۮیچ چننۮە  دووری جە یۆترینیش بڕییٛنمیٛ جیایی مەزهەبیچ بیەن بە سەرباروو دەردا و نزیکیما کەمتەرا، وەیا جە عیٛراقەنە ئیٛمە بیٛژ جە هۆرامانی، باجڵان و زەنگەنە و جەباری و جموور و شەبەکیٛما هەنیٛ کە تەنیا شەبەکیٛ هەڵای فرەیوەشا بە هۆرامی قسیٛ کەرا وەلیٛم  ماباقی تەنیا مەنەنەو شیٛعریٛ شاعیٛرەکاشا پیٛسەو مەڵا عۆمەری رەنجوری و سەیفەتاحی جباری .

پار دوکتەریٛوە ئاما بیٛ پەی سنەی دوە یەرە سەعاتی من خزمەتشنە بیٛنیٛ کە تاقیق کەریٛ سەروو زوانوو شارە دەگیٛوە جە شیرازنە بەنامی (سیوندی) جە مروٙ دەشتوو شیرازینە، وەختاریٛ کەوتیمیٛ قسیٛ و بازە چیٛویٛش پەرسەی و تەرجەمەم کەردیٛوە پەیش واتش: تۆ ماچی ئی زوانە چ زوانین؟ واتم: دوکتەر گیان من ئی زوانیە بە هۆرامی زانوو، کەردشەو جواب و واتش: منییٛچ دماو پەرس و جۆ و پەیجۆری فریٛرە پا قەناعەتیە یاوانا کە ئی زوانە سەۮی هەشتا هۆرامیا، منیچ واتم مەیاروو واچوو، وەئیللا پاو ئی زوانیرە مرودشت، مروٙدەشتا، نامەکیٛ هۆرامینە، ئاۮیچ واتش: مەر شمە مرۆ بەچیٛشی ماچدیٛ؟ واتم بە گلابی فارسی ماچمیٛ مروٙ، دوکتەریچ وات: شەرتەبوٙ لوانیوە جە بارەو مروا ئا محاڵیچەو پەرس و جۆ کەروو، عانیٛ من ئیٛنترنتیچەنە گیٛڵانیش پەی نویسە بیٛش تەنانەت هامسا دەگەیشا جە زوانیش حاڵییٛ مەبا، جە ئەوەڵوو قەڕنەو 11 کۆچی مانگیۆ چی محاڵەنە جا نیشتیٛ بییٛنیٛ بەهەر حاڵ پەوکیٛ سەرەم ئیٛشنایدیٛ عانیٛ ئیٛمە گۆش گیٛرمیٛ پەی قسەکەردەی هۆرامیا بەروو هۆرامانی چەمەڕەی نەبیمیٛ رەوان و پەتی قسیٛ کەرا، ئیٛمە ئانیشاما کە چن ساڵیٛن کۆچما کەردەن پەی سنەی و مریوانی و کرماشانی دنیەیوە کەلیمیٛ غاواریٛما ئاردیٛنیٛ دلیٛ زوانەکەیما، مادام چانەن ئیسە کە ئی وەسیلا ئامیٛنیٛ پیٛسەو تەلگرامی و ماباقی دەم ودەزگاو هەواڵ زانای فرسەتیٛوەن هەتا ئا یاگیٛ پەیٛما پۆڕیۆ یاردیشا دەیمیٛ پەی فیٛر بیەیۆ زوانی و نزیک بیەیۆ جە یۆترینی، وەشیتا ئەو پەڕوو ئاواتیما.

محمەد فەهیمی

وەنەدی

  • ڕازەو مامالیٛ

    ڕازه‌ۆ مامالێ / فۆلکلۆر / ئه‌وه‌نویسه‌ی ئیبراهیم شه‌مس بێ بێ بێ، مامالێوه‌ بێ. وێش تاق و ت…
  •    هەستووسوٙز به زوانی ئەڎایی خاستەر بەروزیوٙ

                            هەستووسۆز به زوانی ئەڎایی خاستەر بەروزیوٙ پەرسوو جواوو ڕۆزنامەو &#…
  • ویەرای جە بیٛدەنگی

    ویەرای جە بیٛدەنگی(عبورازسکوت): موحەممەدشەریف عەلی ڕەمایی دڵسوٙزیٛ هەورامانی جه ماوەو ئی چ…
  • ڕازەو مامالیٛ

    ڕازه‌ۆ مامالێ / فۆلکلۆر / ئه‌وه‌نویسه‌ی ئیبراهیم شه‌مس بێ بێ بێ، مامالێوه‌ بێ. وێش تاق و ت…
  •    هەستووسوٙز به زوانی ئەڎایی خاستەر بەروزیوٙ

                            هەستووسۆز به زوانی ئەڎایی خاستەر بەروزیوٙ پەرسوو جواوو ڕۆزنامەو &#…
  • ویەرای جە بیٛدەنگی

    ویەرای جە بیٛدەنگی(عبورازسکوت): موحەممەدشەریف عەلی ڕەمایی دڵسوٙزیٛ هەورامانی جه ماوەو ئی چ…
 hewraman
Load More In هەورامانی بشناسدیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ڕازەو مامالیٛ

ڕازه‌ۆ مامالێ / فۆلکلۆر / ئه‌وه‌نویسه‌ی ئیبراهیم شه‌مس بێ بێ بێ، مامالێوه‌ بێ. وێش تاق و ت…