یانە زانای چەنی ویٛما پاریٛزنمیٛ جە کووڕبیەی؟

چەنی ویٛما پاریٛزنمیٛ جە کووڕبیەی؟

54

چەنی ویٛما پاریٛزنمیٛ جە کووڕبیەی؟

مەبەست پاریٛزنای شانان و مازین جە کووڕ بیەی، دەمێو سنعەما مەلوٙ پیٛوای پیریوە. کووڕبیەی شانا و مازی گرفتیٛوی زلەنە پەی قیافەو بەڎەنی، ئی گرفتیٛ تەنیا پیٛوەزە نیەنە بە تەمەنیوە و پیریوە. قیافە پیٛوەزا بە هورزو نیشت و عادەت خڎیٛ و ڕەوشتی ڕوٙانەو بەشەریوە، نام جوٙرو ژیوای کە هوٙرشچنی پەی ویٛت، پاسەبوٙ کووڕ بیەی پەیش هەن جە گرد تەمەنێنە ڕووەبڎوٙ.

فەرماودیٛ چەنی نونگەکاو کووڕبیەی مازی و دلیٛشانای چەنی گەشە کەروٙ:

  1. نیشتەیرەی بە دریٛژایی ڕوٙی.
  2. بەکار ئاردەی کوٙمپیوتری(لاپتاپ) بە ئاژیٛوە هەڵە( ویٛ کووڕکەردەی ملشەرە).
  3. فرە بەکار ئاردەی( تابلیٛت و موٙبایلی) یانی ئینەیچ هەر ویٛت کووڕ کەریوە و هەڵە منیشیرە.
  4. تەماشەکەردەی لای واری پەی ماویٛوی فرەی.
  5. ماشین خوڕیەی وەنە پەی ماویٛوی فرەی.
  6. ویٛ کوٙمنایرە پەی هوٙرگیٛرتەی چیٛوی فرە قورسی، بە سەرەمڕەیی.
  7. وتەی سەرو لای، بە سەرەمڕەیی، یانی فرە گنی سەرو لای وتەینە.

بە پاو وشکنایەکاو زانگاو هارفۆردی، کەم هازی ماساوڵەکاو مازی و لەمیٛ با بە بایسو تیٛکشیەی قیافەی، بەتایبە دلیٛشانا کووڕبونە، بە لوای سەرۆی تەمەنی.

پەی دوورکەوتەیۆ چی گرفتیٛ یام چارەسەرکەردەیش مەشوٙ ویٛما وەرزنمیٛ پیٛ جۆرە وەرزشا پەی بەهازکەردەی ماساوڵەکا مازی و ریٛکبیەی بەڎەنی:

  1. کیٛشیای سەرولەمیٛ(دەمەرە)، چەنی بەرزکەردیۆ شان و باڵی، هەرپاسە بەرزکەردیۆ هەردووی قاچات، ئی وەرزشیە مکەرمیٛ ویس جاریٛ.
  2. وەرزشو بەهازکەردەی شانەی، تاوی بە نیشتەیرەی نام بە مدرارەی بکەریش، هەردوە دەسێت وەڵاکەرۆ و بەرزیٛشا کەرۆ تا ڕیٛکو هەردووی شانات، پیٛسەو وچەو(T) تی ئینگلیزی، ویس جاریٛ ئی وەرزشیە بکەردیٛ.
  3. هەر وەرزشیٛوە کە ماساوڵەکاو شانەی و مازی و لەمیٛ بەهازکەروٙ تاوی بکەریشا، نام هەر وەرزشیٛو کە وەرگیری مکەروٙ جە کووڕبیەی و قیافەت وەش مکەروٙ، یانی بە گردینی وەرزش کەلکدارەن.
  4. متاوی( ڕولر فوٙم Roller foam ) بسانی و بەکارش باری پەی وەرزش کەردەی کە کۆمەکیٛوی فرە کەروٙ بە ڕیٛکوپیٛکی قیافەی.( ڕۆلر فۆم) پیٛسەنە سەرنگای خڕ و دریٛژا، ویٛنەش نریانرە.

جە ئینترنێتۆ  د.ناجح گوڵپی 6/12/2018

رۆلر فۆم

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…