یانە گردین زۆمبییٛ متاوان ماوەی کەمتەر جە ۱۰۰ ڕویٛ،قڕ بوزانیٛ دلیٛ ئانزانی

زۆمبییٛ متاوان ماوەی کەمتەر جە ۱۰۰ ڕویٛ،قڕ بوزانیٛ دلیٛ ئانزانی

101

زۆمبییٛ متاوان ماوەی کەمتەر جە ۱۰۰ ڕوێ،قڕ بوزانێ دلێ ئانزانی

جە واتارێ تازەنویسیای ژورناڵو “بابەتێ تایبەی فیزیکی”مسیارێو زانشتگاو”Leicester” ئامان کە سپاو و گەرەهێڵەو زۆمبیا تەنیا بە ماوەو کەمتەر جە ۱۰۰ ڕۆێنە متاوا خەیلێ جە جەمعیەتو ئانزانو سەرو زەمینی کوشا و جە بەینشا بەرا، بە جۆرێ کە تەنیا ۲۷۳ێ کەسێ چی گرد٘ جەمعیەتی ئیمکانو زینەبیەی و مەنەیشا هەن و ئینە یانی قڕکەوتەی تخم و چینو ئانزانی جە یەرێ مانگێنە!
ئی واتارە زانشتیە جە مودێلێ تایبەی بەنامێ”SIR”کەڵکش گێرتەن کە ئینە جە”یۆشیەی ئیپیدمیەکا”و”شێوەو پەخش بیەی ناوەشیا”بەکار مەی.
ئەڵبەتە ئینە یوەم جار نیەن کە جە هوتەرەو زۆمبیا پەی جاڕدای و ئامادە بیەی و ئیزولە و سڵامەتی کۆمەڵگەو ئانزانی کەڵک مگێرا، وەڵتەریچ یانی دسامبرو ساڵەو ۲۰۱٥ی عیسایی، واتارێ جە ژوڕناڵو پزیشکی”The Lancet” وەڵاتو ئی٘نگلیسیەنە چیرو نام و نیشانو “ویروسو زۆمبی:ئیپیدمیۆلۆژی،دەرمان و چارەسەرکەردەی و وەرگیری” چاپ و وەڵاو بیەبێ.
هەرپاسە جە ئینترنێتەنە بابەتێ جە گلێرگاو کونترۆڵ و وەرگیری ناوەشیێ، ئامادگی جە وەراوەرو هوتەرەو زۆمبیاش پسەو ڕەوشتێ پەی وەراوەربیەی جە ئەرەقۆمیای سامناکێ سروشتی دابش قەڵەم کە وینەر و وانەرێ فرێش بێنێ.
هەرپاسە کە سەرەنە واچیا،چی هەرمانە زانشتیێ کە مسیارێو زانشتگاوLeicester لواینێ تان و پۆشەرە، نیانشانەرە کە ئەگەر هەر زۆمبیوە ۹۰٪ێ توانا و شانسو ئانەیشە بۆ کە ئانزانێو توشو ویروسێ کوشەندەی بکەرۆ، پیجۆرە ویروسو زۆمبی دوێ بەرابەرێ فرەتەر چا تاعونی هازەو جابجایی و گۆزیای ویروسی کوشەندەیش هەن کە جە سەدەو ۱۳عیساییەنە گرد٘وئوروپایش داگیر و نزیکو نیمە تا یەک جە یەرێ کۆمەڵگەو ئا دەورەیشە دوچارو ئی ناوەشیە مەرگ ئاوریە کەرد و خەڵکێ فرەش جە بەین بەرد وفۆتناش.
پەیجۆرکارێ،هەرپاسە نیانشانەرە کە هەر زۆمبیو بتاوۆ تا ۲۰ڕۆێ بێ واردەو مەژگو ئانزانی زینە بمانۆ! ئیسە چن ڕۆی خواینۆ تا زۆمبیێ گرد٘و ئانزانو سەرو زەمینی جەبەین بەرا؟
ئەر کۆمەڵگەو ئیسەو جهانی ۷٫٥ میلیارد کەسێ بەرئاوەرد بکەرمێ، ئینە بەرکەوتەن کە هەر زامبیو متاوۆ بەماوەو ۲۰ڕۆی، ئیپیدمیوە گەورە بوزۆ ڕا. بە پاو ئی مودێلیە، ویروسو زامبی دەس مکەرۆ بە پەخش و پەڵا بیەی و خۆڵقنا و سازبیەی وەی و قەیرانێ گەورەی دور جە زەین نیەن، دماجار ئەر هیچ جۆر قەرەنتینێ تایبەی جوغرافیایی جە لاو ئانزانی پەی پارێزناو وێش شکڵ نەگێرۆ، دماو ۱۰۰ ڕۆی جە توش ئامای یوەمین کەسی، ژمار و جەمعیەتوئانزانی وەزۆرە و میاوۆ ۱۸۱ کەسێ! ئیجا چی عانەنە نزیکو ۱۹۰ میلیون زۆمبیێ ئینای سەرتاسەرو جهانیەنە!
بەڵام ئەر ئاژەو قەرەنتینەی پەی ئانزانی فەراهەم بکریۆ، ژیوای ڕەنگ و ڕوخسارێ خاستەر مگێرۆ وێشۆ و تۆزێ چا وەیێ دور مگنمێوە.
جە مودێلێ تەرەنە پێسە ئامان کە ئەر ۱۰۰هەزار زۆمبیێ جە یاگێو تایبەنە زیاد٘ێ با و چایاگێنە نەترازیا و جم نەوەرا و تفاق و توانایی جموجۆڵ و فاڕیای ڕاوجایشا نەبۆ، شۆنەو ۱۰۰ ڕۆینە، تەنیا ۲۷۳ ئانزانێ شانسو زینەبیەیشا هەن.
نریانەرە ئەر دماو ماوێو زامبیێ توان و شانسو ئێستەیەو ئانزانیشا نەبۆ، وەرو ئانەی یام ئانزانێ مەردێبا یام وێشا شاردەبۆوە یام بیەبا بە زامبیێ، پیجۆرە پەیجۆرکارێ جە مودێلێ تەرەنە (یۆشیەی و هۆرسەنگنای و هام ترازی چەنی یۆی)و بە زیاد٘بیەی عەمرو زامبیا بە یەک ساڵ و جە ئاژەی دشوارەنە ئەنجامشا دا، ئیجا ۱۰٪ شانسو ئانزانی بە کوشتەی هەر زامبیێوەشا بەرد سەرو و ئینەیچشا زیاد٘کەرد کە هەر ژەنێو بتاوۆنە هەر یەرێ ساڵێو جارێ زاوڕۆیش بۆنە، کە چی مودێلەنە ئینە بەرکەوت کە ئانزان متاوۆنە چی ئاژەی سەختەنە بەرشۆ و وێش نجات دۆ. چی مودێلەنە جەمعیەتو ئانزانی دیسان بە کرژیو فرە تەنیا بە چن سەد کەسێ وەزۆرە و کەم بۆوە؛ کە هەیتاهەیتا دماو ۱۰٫۰۰۰ ڕۆی جە دەس پەنەکەرد٘ەو ئیپیدمیەکەی، جەمعیەتو ئانزانی دیسان وێش ژیونۆوە(پی مەرجە کە هەر ۱۰۰۰ڕۆی جارێ زامبیێو نەمانۆ و جەبەین بشۆ) و متاوۆ چەنی زامبیەکا گژیۆنە و جەنگ بکەرۆ تا دیسان گرد٘و زەمینیشا چەنە بساناوە و وەرو هوتەرەی دمایینیچشا بگێران.

سەرچەمە:
http://www.livescience.com/57407-zombie-apocalypse-would-take-100-days.html

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…